វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2016 នាក់
ម្សិលមិញ 5378 នាក់
សរុប 14081309 នាក់
ភ្នំពេញ៖ ក្មេងស្រី យ៉ង់ ស្រីនីត អាយុ ១១ ឆ្នាំ អ្នករស់នៅនិងប្រកបរបរលក់ចេកឆាបនៅឃុំដាក់ដាំខេត្តមណ្ឌលគិរីដែលមានសម្រស់ទាក់ទាញ កំពុងទទួលការចាប់អារម្មណ៍ និងតាមដានពីសំណាក់មហាជននៅឡើយ ជាពិសេសអ្នកប្រើប្រាស់បណ្តាញសង្គមហ្វេសប៊ុក។អ្វីដែលធ្វើឲ្យមហាជនកាន់តែអាណិតខ្លាំងនោះ នៅពេលដឹងថាគ្រួសាររបស់នាងពិតជាក្រក្សត់ខ្លាំងរកបាយហូបស្ទើមិនចង់បាន ខណៈផ្ទះក៏គ្មាននៅឲ្យប្រាកដ។
បន្ទាប់ពីទទួលអំណោយពីឧកញ៉ាស្រីចាន់ថនកុមារីយ៉ុងស្រីនីតអាយុ១១ឆ្នាំអ្នកលក់ចេកឆាបនៅឃុំដាក់ដាំខេត្តមណ្ឌលគីបានមកដល់ភ្នំពេញហើយជាមួយម្តាយនិងប្អូនតូច។នាងកំពុងស្នាក់នៅនិងថតឃ្លិបឲ្យនាយពែកមីនិងសំអាងការព្រមទាំងសម្ភាសន៍ជាមួយទូរទស្សន៍ផងដែរដែលធ្វើឲ្យនាងទទួលបានការឧបន្ថម្ភសម្រាប់ដោះស្រាយជីវភាពនិងរៀនសូត្រ។
មុនរៀបចំដំណើរចេញទៅផ្ទះឯមណ្ឌលគិរីវិញ ស្រីនីត ក៏ត្រូវបានគ្លីនិកពេទ្យធ្មេញមួយកន្លែង ហៅទៅព្យាបាលធ្មេញ និងព្រមទាំងបានឧបត្ថម្ភថវិកាមួយចំនួន សម្រាប់ផ្គត់ផ្គង់ដល់ការសិក្សារបស់នាងទៀតផង។តាមទំព័រហ្វេសប៊ុកឈ្មោះ Chun Soursdey នៅថ្ងៃទី២៣ ខែវិច្ឆិកា ឆ្នាំ២០២០ នេះបានបង្ហោះឲ្យដឹងថា៖ «ថ្ងៃនេះក្មួយស្រី យ៉ង់ ស្រីនីត បានមកជួបខ្ញុំផ្ទាល់ហើយ នៅក្រៅគាត់គួរឲ្យស្រឡាញ់និងរួសរាយណាស់។ ខ្ញុំបានធ្វើការសម្អាតធ្មេញ និង ពិនិត្យធ្មេញជូនក្មួយស្រី ព្រមទាំងឧបត្ថម្ភថរិកាមួយចំនួនសម្រាប់ផ្គត់ផ្គង់ការសិក្សា។ ថ្ងៃនេះគាត់ត្រឡប់ទៅមណ្ឌលគិរីវិញហើយ ជូនពរក្មួយស្រីរៀនពូកែ ដើម្បីសម្រេចបំណងនាពេលអនាគត»។
ទន្ទឹមនឹងមានការជួយជ្រោមជ្រែង ដើម្បីឲ្យជីវិតរបស់នាងមានពន្លឺរស្មី និងឆ្លើយតបតាមសេចក្តីប្រាថ្នារបស់នាង ក្រៅពីនាយពាក់មី ក៏មានលោកឧកញ៉ា ស្រី ចាន់ថន ផងដែរ ដែលលោកពុំត្រឹមនាំយកសម្ភារប្រើប្រាស់ និងគ្រឿបឧបភោគបរិភោគ ចុះទៅផ្ទះក្មួយស្រីប៉ុណ្ណោះទេ តែលោកឧកញ៉ាក៏បានប្រកាសជ្រើសយកនាងចូលក្នុងផលិតកម្មរបស់លោក Jet Production និងថែមទាំងថែមទាំងឲ្យស្រីនីត បានរៀនរហូតដល់ចប់ដូចក្តីប្រាថ្នារបស់នាងផងដែរ។
ដោយឡែកបងស្រីម្នាក់ជាម្ចាស់គ្លីនិកស្បែក BC ដែលគាត់មានគណនីហ្វេសប៊ុកឈ្មោះ Ratchhavy BC ក៏បានចូលមកខមិនក្នុងផេកមួយ ក្នុងបំណងចង់យកស្រីនីតមកចិញ្ចឹម និងផ្ដល់ការសិក្សា នៅទីក្រុងភ្នំពេញ រហូតដល់រៀនចប់ថែមទៀតផង។ ក្នុងនោះ បងស្រីខាងលើបានផ្តាំផ្ញើទៅដល់នាយពាក់មីថា៖ «នាងខ្ញុំជាម្ចាស់គ្លីនិកស្បែកBC ចង់ទទួលចិញ្ចឹមក្មេងស្រីដ៏កម្សត់ម្នាក់នេះ ឲ្យរៀនសូត្របន្តនៅភ្នំពេញ បានរហូតដល់ចប់ នាងចង់រៀនធ្វើគ្រូក៏បាន ចង់រៀនធ្វើគ្រូពេទ្យក៏បាន សូមជួយប្រាប់លោកពាក់មីជួយទំនាក់ទំនងមកលេខទូរស័ព្ទ នាងខ្ញុំ 077844777 , 012844777 ទីតាំងជិតស្តុបបូកគោ»៕