វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2119 នាក់
ម្សិលមិញ 8227 នាក់
សរុប 14129000 នាក់
រាជធានីភ្នំពេញ ៖ក្នុងចំណោម អ្នកជំងឺកូវីដ១៩ នៅមណ្ឌលព្យាបាលកោះពេជ្រជាង១៦០០នាក់មាន ចំនួន៨៣៤នាក់ជាសះស្បើយ អនុញ្ញាតឲ្យត្រឡប់ទៅផ្ទះ តែត្រូវធ្វើចត្តាឡីស័កបន្តនៅផ្ទះចំនួន១៤ថ្ងៃបន្តទៀត និងត្រូវធ្វើតេស្តម្តងទៀត នៅថ្ងៃទី១៣ នៃការធ្វើចត្តាឡីស័ក។
នេះបើយោងតាមលោកជំទាវ ពេជ្រ ចន្ទមុន្នី អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ និងជាប្រធានក្រុមដឹកនាំ គ្រូពេទ្យសម្តេចតេជោ ប្រឆាំងកូវីដ១៩ បានសរសេរលើក Facebook ផ្លូវការរបស់លោកជំទាវ នៅយប់ថ្ងៃទី២៧ ខែមេសា ឆ្នាំ២០២១។ជាមួយនឹងការជាសះស្បើយអ្នកជំងឺកូវីដ១៩ ទាំង៨៣៤នាក់នេះ លោកជំទាវបានណែនាំឲ្យអ្នកជំងឺទាំងអស់ ត្រូវធ្វើចត្តាឡីស័កបន្តនៅផ្ទះចំនួន១៤ថ្ងៃបន្តទៀត និងត្រូវធ្វើតេស្តម្តងទៀត នៅថ្ងៃទី១៣ នៃការធ្វើចត្តាឡីស័ក។
លោកជំទាវ ពេជ្រ ចន្ទមុន្នី បានណែនាំយ៉ាងដូច្នេះថា «ខ្ញុំសូមផ្តាំផ្ញើដល់បងប្អូន ដែលបានជាសះស្បើយ ហើយត្រឡប់ទៅផ្ទះវិញនោះ សុំមេត្តាបន្តធ្វើចត្តាលីស័កនៅផ្ទះបន្ត និងបន្តអនុវត្តន៍នូវដំបូន្មានរបស់គ្រូពេទ្យ និងត្រូវត្រលប់មកយកសំណាកវិញនៅថ្ងៃទី១៣»។សូមបញ្ជាក់ដែរថាថាសម្រាប់ថ្ងៃទី២៨មេសានេះក្រសួងសុខាភិបាលតាមសេចក្តីប្រកាសរបស់ក្រសួង សុខាភិបាល បានប្រកាសថាបានរកឃើញអ្នកឆ្លងកូវីដ-១៩ថ្មី ចំនួន៦៩៨នាក់ទៀត និងជាសះស្បើយ ៩៩៤នាក់ ។ក្នុងនោះ ករណីឆ្លងសហគមន៍ ៦៩៧ នាក់ ។
- អ្នកដំណើរពីបរទេស ០១ នាក់។ទីតាំងនៅ ភ្នំពេញ ៥៥៨នាក់។ខេត្តកណ្តាលចំនួន៧២នាក់។ បន្ទាយមានជ័យ ៤៣នាក់។ព្រះសីហនុ ១៦នាក់ ។តាកែវ ៣នាក់។ កំពង់ស្ពឺ៣ នាក់ ។ពោធិ៍សាត់២ នាក់ ។បើសរុប អ្នកឆ្លងសរុបមានចំនួន១១៧៦១ នាក់។ -អ្នកជាសះស្បើយបានចំនួន ៤៦៩៨នាក់ ។ អ្នកកំពុងព្យាបាលចំនួន៦៩៦៨ នាក់ តែក៏មាន អ្នកស្លាប់កើនដល់ចំនួន៨៨ នាក់ផងដែរ។