វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2873 នាក់
ម្សិលមិញ 10264 នាក់
សរុប 14142055 នាក់
ភ្នំពេញ៖ អាជ្ញាធររាជធានីភ្នំពេញ បានបញ្ជាក់ថានឹងចែកកាតធ្វើដំណើរទៅផ្សារនៅតាមផ្ទះ សម្រាប់អ្នកនៅក្រៅពីតំបន់ក្រហមតែមិនបានបញ្ជាក់ពីនីតិវិធិនៃការបែងចែក។
ទោះជាយ៉ាងណាការចែកកាតសម្គាល់ចេញចូលនេះគឺសម្រាប់តែ អ្នកធ្វើដំណើរទៅផ្សារនៅតាមផ្ទះសម្រាប់អ្នកនៅក្រៅតំបន់ក្រហមតែប៉ុណ្ណោះ។ ចំណែកអ្នកនៅក្នុងតំបន់ក្រហមវិញ គឺមិនអាចចេញក្រៅបានឡើយ ប៉ុន្តែនៅមានករណីលើកលែងបីចំណុចដូចជា៖
១. មានបញ្ហាសុខភាព «បន្ទាន់»២. យកសំណាកទៅធ្វើតេស្ត នៅក្នុងតំបន់ក្រហម ដែលនៅជិតបំផុត៣. ទៅចាក់វ៉ាក់សាំងដូសទី២ នៅក្នុងតំបន់ក្រហម ដែលនៅជិតបំផុត។
ទោះបីជាផ្សារ និងកន្លែងលក់ម្ហូបទាំងអស់ត្រូវបិទជាបណ្តោះអាសន្នចំពោះតំបន់ក្រហមពិតមែន ប៉ុន្តែក្រសួងពាណិជ្ជកម្មធានាសម្របសម្រួលរឿងម្ហូបអាហារបាន ដោយមានលេខទូរស័ព្ទទំនាក់ទំនងផង។លោក ប៉ែន សុវិជាតិ អនុរដ្ឋលេខាធិការ និងជាមន្ត្រីអ្នកនាំពាក្យ នៃក្រសួងពាណិជ្ជកម្ម នៅរសៀលថ្ងៃទី២១ ខែមេសា ឆ្នាំ២០២១នេះ បានមានប្រសាសន៍ ប្រាប់កាសែតថា ទីតាំងចំនួន៦ ដែលក្រសួងចុះលក់ទំនិញ ក្នុងតំបន់ក្រហម រួមមាន៖ ១.នៅជាប់តេលាម៉ាត និងចូលតាមច្រកស្ថានីយប្រេង PTT ផ្លូវស្ទឹងមានជ័យ ចន្លោះផ្សារស្ទឹងមានជ័យ ចាស់ និងផ្សារស្ទឹងមានជ័យថ្មី, ២.ច្រមុះជ្រូកស្ទឹងមានជ័យ ទល់មុខប៉េអឹម, ៣.ផ្សារត្រពាំងថ្លឹង, ៤.ផ្សារឯករាជ្យ, ៥.ទល់មុខក្រុមហ៊ុនហុងដា និង៦.នៅផ្ទះឡលើផ្លូវវ៉េងស្រេង។
លោកបានឲ្យដឹងទៀតថា សម្រាប់បរិមាណទំនិញ គឺមានគ្រប់គ្រាន់ សំរាប៎ការផ្គត់ផ្គង់លក់។ ទំនិញរួមមានអង្ករ, ទឹកត្រី ទឹកស៊ីអីវ ត្រីខកំប៉ុង និងមី។ ប្រជាជន អាចទាក់ទង តាមអាជ្ញាធរមូលដ្ឋាន ពិសេសក្រុមល្បាត ប្រជាកាពារ ដែលនៅជិតៗផ្ទះ ដើម្បីសុំឲ្យជួយសំរបសំរួលការទិញ និងជញ្ជូនដាក់ឲ្យដល់ផ្ទះ។
នៅថ្ងៃនេះដែរ ក្រសួងពាណិជ្ជកម្ម បានប្រកាសដាក់ឲ្យប្រើប្រាស់ ទីផ្សារអនឡាញ សម្រាប់លក់គ្រឿងឧបភោគ បរិភោគចាំបាច់ ក្នុងអំឡុងពេលបិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាល ដោយបានចេញ សេចក្តីណែនាំ ស្តីពីវិធានការលម្អិត ដើម្បីរឹតបន្តឹងការអនុវត្តសេចក្តីសម្រេច ស្តីពីការបិទខ្ទប់នេះ ដើម្បីទប់ស្កាត់ ការឆ្លងរាលដាល នៃជំងឺកូវីដ១៩ របស់រាជរដ្ឋាភិបាល ចាប់ពីថ្ងៃទី២១ ខែមេសា នេះតទៅ។