វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6716 នាក់
ម្សិលមិញ 6001 នាក់
សរុប 13879546 នាក់
បន្ទាយមានជ័យ៖លោកអាន ង៉ា និងប្រពន្ធឈ្មោះសុក ធួក រស់នៅភូមិបឹងត្រស់ ឃុំចំណោម ស្រុកមង្គលបូរី ខេត្តបន្ទាយមានជ័យ ជាមនុស្សដែលអ្នកស្រុកភូមិ តែងតែនិយាយតៗគ្នាថាមិនសូវថ្លៃថ្នូរច្រើនអួតអាង បាតដៃខ្នងដៃ សំដីគ្មានភាពសច្ចះដូចជា លក់ដីអោយគេមានទាំងស៊ីញ៉េមេភូមិមេឃុំ ផ្តឹតមេដៃទាំងប្តីប្រពន្ធ និងមានសាក្សីដឹងលឺផងដែរ នៅកិចកុក។នៅមានករណីកូនបង្កើតរបស់គាត់ ខ្ចីលុយគេ មានកិច្ចសន្យា ដាក់ទាំងប្លង់ដីប្លង់ផ្ទះ ហើយអោយកូនគេចវេសទៅស្រុកថៃ មិនសងគេជាដើម។
ម្យ៉ាងទៀតប្រពន្ធលោកមឿន ឡឹងបញ្ជាក់ថា កាលមកសុំខ្ចីលុយ ទាំងប្តីប្រពន្ធពូកែលោងលោមអោនក្រាប ប្រើសុទ្ធពាក្យជូងកាក់ ហើយសន្យាថានឹងថ្លៃថ្នូរ មិនអោយមានបាបកម្មទាំងអស់ ។ក្នុងករណី រឿងជំលោះដីធ្លីរវាងលោក មឿន ឡឹង និងប្រពន្ធឈ្មោះ ហែម ចេកនៅភូមិដំរីលើ ឃុំសឿ ស្រុកមង្គលបូរី ខេត្តបន្ទាយមានជ័យ ដោយក្នុងឯកសារ គាត់បានទិញពីឈ្មោះ អាន ង៉ា និងប្រពន្អឈ្មោះ សុក ធួក កាលពីឆ្នាំ២០០២ បន្ទាប់ពីការលក់ ឈ្មោះ អាន ង៉ា បានសុំអង្វរឈ្មោះ មឿន ឡឹង ជួលដីនោះធ្វើស្រែ ដោយសន្យាអោយជាស្រូវ ក្នុងមួយរដូវម្តង ហើយលោក អាន ង៉ា បានអនុវត្តន៍អោយថ្លៃជួលតាមការសន្យាមែន ។
លុះប៉ុន្មានឆ្នាំក្រោយមក ដោយផលស្រូវមិនសូវកើត លោកអាន ង៉ា មិនបានអោយថ្លៃជួលមកម្ចាស់ស្រែទៀតឡើយ។ ទើបលោកមឿន ឡឹង សម្រេចឈប់ជួលអោយដកស្រែនោះទុកធ្វើខ្លួនឯងវិញម្តង។នៅពេលក្រុមការងារខាងសុរិយោដី បានចុះធ្វើប្លង់អោយពលរដ្ឋជាលក្ខណះប្រព័ន្ធ លោកមឿន ឡឹង បានយកឯកសារដែលបានទិញ ពីលោកអាន ង៉ា ដើម្បីចុះបញ្ជីធ្វើប្លង់រឹង ស្រាប់តែឈ្មោះ អាន ង៉ា បានទៅប្តឹងជំទាស់ជាមួយមន្ត្រីចុះវាស់វែង ថាលោកមឿន ឡឹង និងមេភូមិបានឃុបឃិតគ្នាពុករលួយ លួចធ្វើប្លង់ដីនេះដោយគ្មានការអនុញ្ញាតពីគាត់។
ខាងអាជ្ញាធរបានហៅ ភាគីទាំងពីរដើម្បីធ្វើការដោះស្រាយ ចំលើយលោក អាន ង៉ា និយាយថាបើចង់បានដីនោះ ទាល់តែអោយលុយគាត់១០ម៉ឺនឬ២០ម៉ឺនបាត ឬអោយចែកដី៣ហិតានេះស្មើគ្នាទើបគាត់ព្រម ប្រគល់អោយ។ចំណែកលោកមឿន ឡឹង បាននិយាយថា ដីនេះលោកបានទិញស្របច្បាប់និងប្រគល់លុយអោយគ្រប់ចំនួនរួចអស់ហេីយ ព្រមទាំងមានលិខិតស្នាមបញ្ជាក់ពីអាជ្ញាធរ ហេតុអីលោកត្រូវដោះស្រាយអោយឈ្មោះអាន ងា់ ទៀតនោះ។
បើយោងតាមការបញ្ជាក់ ពីលោកមឿន ឡឹង បានអោយដឹងថា រឿងនេះដោយសារមានឈ្មោះ សឿន ឌី ជាអ្នកអួតអាងកាងនៅពីក្រោយ
ឈ្មោះអាន ង៉ា ដោយគេនិយាយថានៅខាងអង្គរក្សផ្កាយពីរ តែមិនដឹងថាខាងផ្នែកអង្គរក្សណានោះទេ បានហ៊ានយកតួនាទីដើរកាងរឿងខុសដូចនេះ។ លោកមឿន ឡឹង បញ្ជាក់ថា លោកសឿន ឌី នេះគេបានទៅប្រាប់មេភូមិ មេឃុំថាដីនេះបើមិនដោះស្រាយអោយឈ្មោះអាន ង៉ា ទេនោះ គឺគេមិនអោយចប់ឡេីយ។ (ករណីឈ្មោះសឿន ឌី ទុកស្រាវជ្រាវនៅពេលក្រោយដោយបច្ចុប្បន្នអង្គភាពយើង បានធ្វើការស្រាវជ្រាវឈ្មោះនេះនៅតាមផ្នែកអង្គរក្សឯកឧត្តមហ៊ងិ ប៊ុនហៀង ង៧០ ឬតាមភូមិភាគ កេថាអត់មានឈ្មោះនេះទេ មិនដឹងថាទាហានប៉មឬសុទ្ធដែរ។
ប្រភពថានៅមានឈ្មោះផ្កាយពីរម្នាក់ទៀត នៅពីក្រោយសឿន ឌី ល្បិចឌេីសុីរបៀបនេះ គេបានជោគជ័យច្រើនរឿងមកហើយ នៅតំបន់នេះ បើតាមអ្នកស្រុកនិយាយប្រាប់តៗគ្នា)។យោងតាមប្រភពពត៍មានខ្លះគេនិយាយថា ឈោះអាន ង៉ា និងឈ្មោះសឿន ឌី បើពួកគេធើស៊នេះបានលុយ គេនឹងចែកផលប្រយោជន៍គ្នា តែតាមមេីលសាច់រឿង អាចសុីប៉ះចំដុំគ្រួសច្រើនជាង។
សូមបញ្ជាក់ថា ចំពោះករណីរឿងរាវដីខាងលេីរវាងលោក មឿន ឡឹង និងលោក អាន ង៉ា បានចូលដល់ដៃតុលារការហើយ ថាតើភាគីខាងណា
មានឯកសារអ្វីមកសំអាង ហេីយខាងណាហ៊ានស្បត់? ។ នៅក្នុងពាក្យបណ្តឹងលោក មឿន ឡឹងបានសំនូមពរទៅតុលាការ អោយឈ្មោះអាន ង៉ា សងជំងឺចិត្ត១មុឺនដុល្លារអាមេរិក និងផ្តន្ទាទោសតាមផ្លូវច្បាប់។បើតាមប្រភពនបញ្ជាក់ថា តុលាការបានកោះហៅភាគីទាំងពីរខាងលើនេះម្តងហើយ តែភាគីចុងចម្លើយ គេបានដាក់ពាក្យសុំពន្យាការចូល ថោយហេតុថា មានជំងឺលេីសឈាម ទឹកនោមផ្អែម សួត និងមិនស្រួលផ្សេងៗទៀត។
ប្រភពដ៍ដែល បានអោយទៀតថាបន្ទាប់ពីតុលាការបានកោះហៅ អោយសមុីភាគីចូលបំភ្លឺ ស្រាប់តែបុគ្គលឈ្មោះអាន ង៉ា កំពុងស្លន់ស្លោរ ដូចត្រីឆ្តោពុលទឹកស្អុយ ខំរត់ទៅអង្វរមេភូមិ មេឃុំ ដេីម្បីអោយជួយធ្វេីប្លង់ដីនេះ អោយគាត់ តែលោកមេភូមិ មេឃុំ មិនហ៊ានធ្វេីអោយលោកអាន ង៉ា ជាដាច់ខាត ព្រោះខ្លាចច្បាប់ ខ្លាចជាប់គុក ដោយសារដីនេះឈ្មោះអាន ង៉ាបានលក់អោយទៅគេរួចហេីយ។លោកមេភូមិនិយាយថា កូនចៅលោកអាន ង៉ា បានយកលុយមកសូកប៉ាន់គាត់ចំនួន៥ពាន់បាតដើម្បីអោយធ្វើប្លង់ដី ខាងលើនេះអោយ តែលោកបានបដិសេធ មិនទទួលដាច់ខាត ព្រោះខ្លាចជាប់គុក។