ដុតកម្ទេចជ្រូក៣០ក្បាលដែលឈ្មួញឃុបឃឹតលួចនាំចូលដោយសាមានជម្ងឺប៉េសអាហ្វ្រិក!?
10-August-2023 / ព័ត៌មានជាតិ
បន្ទាយមានជ័យ៖ ជ្រូករស់ចំនួន ៣០ក្បាល ដែលឈ្មួញបានលួចនាំចូលពីប្រទេសថៃ ដែលមានជំងឺឆ្លងប៉េស្តជ្រូកអាហ្វ្រិចនោះ ត្រូវបានសមត្ថកិច្ចខេត្តបន្ទាយមានជ័យ ធ្វើការដុតកម្ទេចចោលនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នៅព្រឹកថ្ងៃទី១២ ខែកុម្ភៈ ឆ្នាំ២០២១។
លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យបានឱ្យដឹងថា ជ្រូកចំនួន ៣០ក្បាលនោះត្រូវបាន បង្ក្រាបបានចំនួន ២ករណីដោយឡែកគ្នា។ករណីទី១ ចាប់នៅវេលាម៉ោង១រំលងអាធ្រាត្រ ឈានចូលថ្ងៃទី៧ ខែកុម្ភៈ ឆ្នាំ២០២១ នៅចំណុចតាមដងផ្លូវ ស្ថិតភូមិពង្រ សង្កាត់កំពង់ស្វាយ ក្រុងសិរីសោភ័ណ ដោយបានឃាត់រថយន្តតួរីស ១គ្រឿង ពាក់ស្លាក់លេខភ្នំពេញ2Q.2123 ដឹកជ្រូករស់ចំនួន ២០ក្បាល ដែលឈ្មួញបាននាំចូលពីថៃដោយគ្មានច្បាប់។
ចំពោះករណីទី២ នៅវេលាម៉ោង ៧ព្រឹក ថ្ងៃទី៧ ខែកុម្ភៈ ឆ្នាំ២០២១ នៅក្បែព្រំដែនចំណុចច្រករបៀងចំការគរ ស្ថិតនៅភូមិចំការគ ឃុំនិងស្រុកស្វាយចេក ដោយឃាត់បានគោយន្តកន្ត្រៃ ១គ្រឿង ដឹកជ្រូករស់ចំនួន ១០ក្បាល ដែលនាំចូលគ្មានច្បាប់ពីប្រទេសថៃ។
លោក តាន់ ផាន់ណារ៉ា ប្រតិភូរាជរដ្ឋាភិបាល និងអគ្គនាយកដ្ឋានសុខភាពសត្វ និងផលិតកម្មសត្វ បានឱ្យដឹងថា ជ្រូករស់ចំនួន ៣០ក្បាល ដែលត្រូវដុតកម្ទេចចោលនោះត្រូវបានមន្ត្រីការិយាល័យផលិតកម្ម និងបសុព្យាបាលខេត្តបន្ទាយមានជ័យបង្ក្រាបបានដោយឈ្មួញលួចនាំចូលពីប្រទេសថៃ ហើយត្រូវបានយកសំណាក់ទៅពិនិត្យនៅវិទ្យាស្ថានជាតិស្រាវជ្រាវសុខភាពសត្វ និងផលិតកម្មសត្វបានចេញលទ្ធផលមានជំងឺឆ្លងប៉េស្តជ្រូកអាហ្វរិច ហើយជំងឺនេះមិនឆ្លងដល់មនុស្សទេ តែឆ្លងពីសត្វទៅសត្វ។
សូមបញ្ជាក់ថាសាច់ជ្រូកនៅស្រុកខ្មែរឡើងថ្លៃ នេះបើតាមការប្រកាសដោយសហគមន៍ចិញ្ចឹមជ្រូកដែលអរគុណដល់ចំណាត់ការរបស់គ្រសួងកសិកម្ម។ដោយសារសាចជ្រូក្នុងស្រុកខ្មែរតម្លៃល្អចឹងហើយបានជាមានការឃុបឃឹតជាមួយមន្ត្រីព្រុំដែនរត់ពន្ធជ្រូកដែលគ្មានត្រួតពិនិត្យចូលស្រុកខ្មែរ។ «តើហេតុអ្វីបានសាច់ជ្រូក នៅប្រទេសកម្ពុជាឡើងថ្លៃ?» ។អ្នកដឹងរឿងច្បាស់អះអាងថា ដោយសារតែក្រសួងកសិកម្មកម្ពុជា ប្រើជំនាញរបស់ខ្លួន កំណត់យកតែ១០ក្រុមហ៊ុននៅប្រទេសថៃ ដែលអាចមានសិទ្ធិផ្គត់ផ្គង់ ចូលមកក្រុមហ៊ុនតែ១ផ្តាច់មុខ នៅក្នុងប្រទេសកម្ពុជាប៉ុណ្ណោះ (ការប្រកួតប្រជែងមិនស្មោះត្រង់)។
ប្រភពពីអ្នកនាំជ្រូកចូលប្រាប់កាសែតថាក្រសួងប្រើប្រាស់លក្ខខណ្ឌ ១២ចំណុច ដែលចំណុចទី១ ដល់ចំណុចទី១១ គឺក្រសួងកសិកម្មបានចម្លងចេញពីលិខិតចាក់វ៉ាក់សាំងដែលថៃ ចេញសំរាប់នាំជ្រូកចូលទៅវៀតណាម ដើម្បីបញ្ជាក់ថា សត្វជ្រូកមិនមានជំងឺទេ ហើយគ្រប់ក្រុមហ៊ុនថៃទាំងអស់ ដែលធ្លាប់នាំឆ្លងកាត់ទៅវៀតណាម សុទ្ធតែមានលិខិតចាក់វ៉ាក់សាំងនេះ ទើប វៀតណាមឲ្យចូល។ តែចាប់តាំងពីថ្ងៃដែល ក្រសួងជ្រើសរើស១០ក្រុមហ៊ុននេះមក (ថ្ងៃ១៣ ខែវិច្ឆិកា ឆ្នាំ២០២០ ក្រសួងជ្រើសរើស០៥ក្រុមហ៊ុន និង ថ្ងៃទី១៨ ខែធ្នូ ឆ្នាំ២០២០ ជ្រើសរើសថែម០៥ក្រុមហ៊ុនទៀត សរុបមាន១០ក្រុមហ៊ុន) គឺក្រុមហ៊ុនទាំងនេះមិនដែលមានលិខិតចាក់វ៉ាក់សាំងចំនួន១១ចំណុចនេះ ផ្តល់មកឲ្យក្រុមហ៊ុន នាំចូលក្នុងស្រុកនោះទេ ?។
អ្នកដឹងរឿងនិយាយថា «បើក្រសួងមានភស្តុតាងណាមកបង្ហាញថា ក្រុមហ៊ុន១០នោះ មានភ្ជាប់លិខិតចាក់វ៉ាក់សាំងចេញដោយអាជ្ញាធរថៃ មុននាំចូលផ្គត់ផ្គង់ឲ្យក្រុមហ៊ុនក្នុងស្រុក ក្នុងប្រទេសកម្ពុជានោះ យើងខ្ញុំសុំទទួលខុសត្រូវចំពោះមុខច្បាប់ តែបើគ្មានទេ ក្រសួងត្រូវទទួលស្គាល់ថាបាន ភូតភរសម្តេចតេជោ និងកុហកប្រជាជនកម្ពុជាជាង១៦លាននាក់ រឿងវិធានការកំណត់ក្រុមហ៊ុនក្រោមលេសទប់ស្កាត់ជំងឺឆ្លងរបស់ខ្លួន»។
សម្រាប់ចំណុចទី១២ គឺការធ្វើចត្តាឡីស័កសត្វជ្រូក នៅនឹងមាត់ច្រកព្រំដែនកម្ពុជា-ថៃ។ បើតាមជំនាញ ដែលក្រសួងកសិកម្មបានជ្រើសរើស ក្រុមហ៊ុនថៃទាំង១០នេះឡើង គឺមានន័យថា មុនផ្គត់ផ្គង់ជ្រូកចូលមកកម្ពុជា ក្រុមហ៊ុនទាំង១០នេះ ត្រូវមានលិខិតបញ្ជាក់ពីការធ្វើចត្តាឡីស័កជ្រូក នៅនឹងមាត់ច្រកព្រំដែនជាមុនសិន ទើបអាចអនុញ្ញាតឲ្យជ្រូកចូលមកកម្ពុជាបាន។
សួរថា ចាប់តាំពីថ្ងៃទី១៣ ខែវិច្ឆិកា ឆ្នាំ២០២០ ដែលក្រសួងសម្រេចរើសយក១០ក្រុមហ៊ុនមក តើក្រុមហ៊ុនទាំង១០នេះ ដែលមានលិខិត បញ្ជាក់ពីការធ្វើចត្តាឡីស័កសត្វជ្រូក នៅនឹងមាត់ច្រកព្រំដែន ដែលចេញដោយអាជ្ញាធរមានសមត្ថកិច្ច នៅប្រទេសថៃដែរទេ មុននឹងផ្គត់ផ្គង់ឲ្យមកក្រុមហ៊ុនក្នុងស្រុកដែរ?។គេមិនដឹងក្នុងការហាមឬអនុញ្ញាតឲ្យ១០ក្រុមហ៊ុននាំជ្រូកចូលពីស្រុកថៃមកស្រុកខ្មែរមានបញ្ហាឃុបឃឹតគ្នាបែបណានោះទេសង្ឃឹមថានឹងមានការពន្យល់ជាមិនខាន៕
.jpg&h=97&w=146)
