សម្តេចក្រឡាបង្គាប់ឲ្យលោកសុខផលចុះបង្ក្រាបអនឡាញនៅខេត្តព្រះសីហនុដែលល្បីថាមានចិន១០ម៉ឺននាក់
10-November-2024 / សន្តិសុខសង្គម
ភ្នំពេញ៖នៅថ្ងៃទី២៨កញ្ញាសម្តេចក្រឡាហោមសខេងឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃបានចេញលិខិតបង្គាប់ការមួយជូនឯកឧត្តមសុខផលរដ្ឋលេខធិការក្រសួងមហាផ្ទៃឲ្យចុះខេត្តសីហនុដើម្បីបង្ក្រាបបទល្មើសល្បែងស៊ីសងអនឡាញដែលអាជ្ញាធរនិងមានមន្ត្រីអ្នកមានអណាចគុបគិតគ្នាបើកឲ្យលេងរំលោភបទបញ្ជារនាយករដ្ឋមន្ត្រីដែលបានប្រកាសបិទតាំងពីប៉ុន្មានឆ្នាំ(២០២០)មុនមានកូវីតចូលអុកឡុកម្លេះ។
ការចេញលិខិតបង្គាប់ការនេះបានកើតឡើងបន្ទាប់ពីលោកសុខផលចេញការអំពាវនាវឲ្យស្ថានទូតចិនជួយអន្តរាគមន៍ករណីរកឃើញជនជាតិចិនពី៧ទៅ១០ម៉ឺននាក់ដែលមកពួនសម្ងំធ្វើការឲ្យបនល្បែងអនឡាញខុសច្បាប់និងរកការចាប់ជំរឹតជួញដូរមនុស្សនៅក្នុងខេត្តសីហនុនិងការរត់ពន្ធចិន៤១នាក់តាមទូកនៅកោះតាង។ជាមួយនិងចំណាត់ការនេះដែរនៅព្រឹកថ្ងៃទី២៩កញ្ញាថ្លែងក្នុងវេទិការអន្តរសាសនាប្រឆាំងការជួញដូរមនុស្សលើកទី៦ដែលប្រព្រឹត្តទៅក្រោមអធិបតីភាពសម្តេចតេជោហ៊ុនសេននាយករដ្ឋមន្ត្រីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានលើកយកប្រធានបទរួមមួយគឺ «សូមកុំយកកម្ពុជាជាគោលដៅប្រព្រឹត្តអំពើជួញដូរមនុស្ស»។
ក្នុងនាមជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស សម្តេចក្រឡាហោម ស ខេង បានបញ្ជាក់ថា នៅឆ្នាំ២០២២ ដែលសភាពការណ៍កូវីដ-១៩បានធូរស្រាល និងចាប់ផ្ដើមសកម្មភាពសេដ្ឋកិច្ច សង្គមឡើងវិញនោះ កម្ពុជាក៏កើតមានបទល្មើសឆបោកតាមប្រព័ន្ធគមនាគមន៍យ៉ាងគគ្រឹកគគ្រេង ព្រមជាមួយការប្រើប្រាស់មនុស្សដោយបង្ខំ កេងប្រវ័ញ្ចប្រាក់ឈ្នួល បិទសិទ្ធិសេរីភាព និងការប្រើប្រាស់ជនរងគ្រោះជាឧបកណ៍សម្រាប់បោកប្រាស់អ្នកដទៃបន្តទៀត។ បទល្មើសនេះ ជាប្រភេទបទល្មើសឆ្លងដែន មានខ្សែបណ្ដាញទាំងក្នុង និងក្រៅប្រទេស និងត្រូវបានក្រុមឧក្រិដ្ឋជនលួចលាក់ធ្វើសកម្មភាពយ៉ាងសម្ងាត់តាមបច្ចេកវិទ្យាព័ត៌មាន ដោយបានបង្ខំមនុស្សធ្វើការដោយគ្មានសេរីភាព ឃុំឃាំងមនុស្សជំរិតទារប្រាក់ ហើយជនល្មើសខ្លះមានអាវុធខុសច្បាប់ទៀតផង ដែលសកម្មភាពនេះ បើមិនបង្ការទប់ស្កាត់ទេ នឹងអាចប៉ះពាល់ដល់សន្តិសុខជាតិនាពេលអនាគត។
សម្ដេចបន្តថា គណៈកម្មាធិការជាតិប្រយុទ្ធប្រឆាំងការជួញដូរមនុស្ស បានដាក់ចេញផែនការប្រតិបត្តិការដើម្បីសម្រេចបានគោលការណ៍សំខាន់៤ គឺសង្គ្រោះជនរងគ្រោះ, ស៊ើបអង្កេតរកជនប្រព្រឹត្តបទល្មើស បក្ខពួក និងស្រាវជ្រាវរកមេក្លោង, ត្រួតពិនិត្យប្រមូលភស្តុតាង ឈានទៅបិទទីតាំងអាជីវកម្មខុសច្បាប់ ជាពិសេសទីតាំងលេងល្បែងស៊ីសងខុសច្បាប់ និងបើរកឃើញថា ជាករណីជួញដូរមនុស្ស ត្រូវពន្លាតការស៊ើបអង្កេតរកបទល្មើសសម្អាតប្រាក់។
តាមរយៈកិច្ចប្រតិបត្តិការពីថ្ងៃទី១៨ ខែសីហា ឆ្នាំ២០២២ រហូតដល់បច្ចុប្បន្ន សម្ដេចបានឱ្យដឹងថា ចំនួនបណ្ដឹងដែលទទួលបានតាមប្រព័ន្ធហ្វេសប៊ុក និងប្រព័ន្ធទូរសព្ទទាន់ហេតុការណ៍ មានប្រមាណ ៣៦៨ករណី ក្នុងនោះជនល្មើសធ្វើសកម្មភាពនៅខេត្តព្រះសីហនុច្រើនជាងគេ គឺរហូតដល់ ២៤៩ករណី ដោយក្រុមប្រតិបត្តិការបានរុករកជនល្មើសតាមបណ្ដាទីតាំងសង្ស័យ និងតាមសេចក្ដីរាយការណ៍ សង្គ្រោះជនរងគ្រោះបាន ៣៦១នាក់ ក្នុងនោះរងគ្រោះអំពើជួញដូរមាន ៩ករណី មនុស្ស៥៤នាក់ និង៦សញ្ជាតិ។
សម្ដេចក៏បានឱ្យដឹងទៀតថា ប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យ ៤១នាក់ មាន៣សញ្ជាតិ បញ្ជូនទៅតុលាការ រឹបអូសភស្តុតាង និងបិទទីទាំងដើម្បីស៊ើបអង្កេតប្រមូលភស្តុងតាងបន្ថែម។ ក្រៅពីនេះ ក៏មានជនរងគ្រោះរាប់រយនាក់ទៀត ត្រូវបានសមត្ថកិច្ចរកឃើញ បើទោះបីជាអ្នកទាំងនោះមិនមែនជាជនរងគ្រោះដោយអំពើជួញដូរមនុស្សក៏ដោយ ដោយសមត្ថកិច្ចបានសមត្ថកិច្ចរំដោះទៅទីតាំងសុវត្ថិភាពក្រោមកិច្ចសហការ និងសម្របសម្រួលពីស្ថានទូតពាក់ព័ន្ធដើម្បីពួកគេបានវិលត្រឡប់ទៅប្រទេសកំណើតវិញ។សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាវិញនៅក្នុងវេទិកាអន្តរសាសនាប្រឆាំងការជួញដូរមនុស្សលើកទី៦ នៅថ្ងៃទី២៩ ខែកញ្ញា ឆ្នាំ២០២២ បានអះអាងថា បន្ទាប់ពីសម្ដេចចេញបញ្ជាឲ្យបង្ក្រាបបទល្មើសល្បែងស៊ីសងភ្លាម រហូតដល់ពេលនេះ នៅរាជធានីភ្នំពេញ បានរកឃើញកន្លែងលួចបើកល្បែងស៉ីសងជាង ១០០០ទីតាំង និងខេត្តកណ្ដាល រកឃើញជាង ៧០០ទីតាំង។
