វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4149 នាក់
ម្សិលមិញ 4292 នាក់
សរុប 14113848 នាក់
ភ្នំពេញ៖ក្រោយពីមានភ្លៀងមួយមេធំលាយឡំជាមួយនឹងខ្យល់កន្ត្រាក់នៅតាមបណ្ដោយមហាវិថីសហព័ន្ធរុស្ស៊ីក្នុងខណ្ឌទួលគោកដើមឈើធំៗជាច្រើនដើមបានរលំបាក់សង្កត់មកលើផ្លូវ កាលពីវេលាម៉ោង ៣និង២០នាទីរសៀល ថ្ងៃទី៣០ ខែមិថុនា ឆ្នាំ២០២១ នៅចំណុចមុខមន្ទីពេទ្យកុមារជាតិ និងមុខក្រសួងការងារ តាមបណ្ដោយមហាវិថីសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
ដើមឈើបាក់ស្ថិតនៅតាមបណ្ដោយផ្លូវសហព័ន្ធរុស្ស៊ី ចាប់ពីមុខចំណុចមន្ទីរពេទ្យកុមារជាតិ រហូតមកដល់មុខចំណុចក្រសួងការងារ គឺបាក់របងមន្ទីរពេទ្យកុមារជាតិ២ផ្ទាំងនិងដើមឈើជាប់របងជាមួយគ្នា របងដែកកម្ពស់ជាង៥ម៉ែត្រទល់មុខមន្ទីរពេទ្យកុមារជាតិបានរលំ និងដើមឈើនៅមុខក្រសួងការងាររលំដល់ដីក្នុងនោះបានបណ្ដាលឲ្យសង្កត់លើឡំប្រឺតាមួយគ្រឿងរងការខូចខាត ហើយមានស្ត្រីម្នាក់រងរបួសបញ្ជូនទៅមន្ទីរពេទ្យភ្លាមៗ។
គេមិនដឹងថាតើអ្នកណាចេញសំណងចំពើជនរងគ្រោះនោះទេ។ព្រោះដើមឈើបើចង់កាប់គឺត្រូវសុំមន្ទីរសាធារណៈការរាជធានី។ឯរបាំងថ្នល់ចឹងដែរបើឡានម៉ូតូប៉ះត្រូវសងតែ។ក្រៅពីរឿងនេះប្រជាពលរដ្ឋក៏រអ៊ូរឿងលូស្ទះពេលភ្លៀងខ្លាំងទឺកជន់លិចផ្លូវនិងផ្ទះផងដែរ។សូមបញ្ជាក់ថាករណីយ៍ដើមឈើរលំដួលនេះមន្ត្រីអាជ្ញាធរមូលដ្ឋានបានទាក់ទងទៅអាជ្ញាធរជំនាញក្រសួងសាធារណការ ចុះមកកាប់រះដើមឈើយកចេញពីលើផ្លូវ ដើម្បីសម្រួលដល់ការធ្វើដំណើរជូនបងប្អូនប្រជាពលរដ្ឋឡើងវិញ ដែរ៕