វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3176 នាក់
ម្សិលមិញ 4140 នាក់
សរុប 14165566 នាក់
ភ្នំពេញ៖ ជនបរទេសជាអ្នកជំនួញម្នាក់ត្រូវក្រុមចោរ៤នាក់ ឆក់យកកាបូបលុយ ខណៈកំពុងតែជិះម៉ូតូ ឡាំប្រ៊ឺតា (ម៉ូតូឥណ្ឌា) ទៅអាកាសយានដ្ឋានពោធិ៍ចិនតុង អស់ទឹកប្រាក់ជាង៣ម៉ឺនដុល្លារ កាលពីវេលាម៉ោង៦ព្រលឹម ថ្ងៃ ៩កើត ខែ បឋមសាឍ ឆ្ព.ស ២៥៦២ ត្រូវនឹង ថ្ងៃទី២១ខែមិថុនាឆ្នាំ២០១៨ ស្ថិតនៅតាមបណ្តោយផ្លូវ២១៧ (ផ្លូវព្រះមុន្នីរ៉េត) សង្កាត់បឹងសាឡាង ខណ្ឌទួលគោក ។
ជនរងគ្រោះជាជាតិជនបរទេស ដែលចេះនិយាយភាសារខ្មែរខ្លះៗ បានឲ្យដឹងថា រូបគាត់មកស្នាក់នៅស្រុកខ្មែរច្រើនឆ្នាំហើយ ប្រកបមុខរបរជាអ្នកជំនួញ ។មុនពេលកើតហេតុរូបគាត់បានធ្វើដំណើរ ចេញពីផ្ទះរបស់គាត់នៅម្តុំសង្កាត់ចតុមុខ ខណ្ឌដូនពេញ ជិះម៉ូតូឡាំប្រ៊ឺតា ឥណ្ឌា ឆ្ពោះទៅកាន់ព្រលានយន្តហោះ ដើម្បីធ្វើដំណើរទៅប្រទេសកំណើតរបស់គាត់វិញ ។ លុះដល់ចំណុចស្តុបផ្សាដើមគរ ផ្លូវលេខ២១៧ (ផ្លូវព្រះមុន្នីរ៉េត) ក៏លេចមុខជនសង្ស័យ ៤នាក់ ជិះម៉ូតូ២គ្រឿងបានមកធ្វើសកម្មភាពឆក់ យកកាបូបស្ពាយរបស់គាត់ ដែលមានលុយជាង៣,០០០០ដុល្លារអាមេរិក ។
ជនរងគ្រោះបន្តថា គាត់ក៏បានប្រតាយប្រតប់ជាមួយក្រុមចោរដែល តែនៅមិនអាចដណ្ដើមយកកាបូបគាត់បានមកវិញទេ ហើយក្រុមចោរក៏យកកាបូបទៅបាត់ដោយសុវត្ថិភាព និងបណ្តាលឲ្យគាត់រងរបួសរលាត់ដៃរលាត់ជើងផងដែរ ។ជនរងគ្រោះក៏បានមកដាក់ពាក្យបណ្តឹងនៅប៉ុស្តិ៍នគរបាលស្ទឹងមានជ័យទី១ ប៉ុន្តែដោយសារតែរឿងនេះមិនមែនកើតឡើងនៅប៉ុស្តិ៍សមត្ថកិច្ច ក៏បានឲ្យជនរងគ្រោះទៅដាក់ពាក្យបណ្តឹងនៅប៉ុស្តិនគរបាលបឹងសាឡាងវិញ ។ករណីយ៍នេះបង្ហាញថាសុវ្តថិភាពសម្រាប់អ្នកជីះទុកៗឬម៉ូតូឡាំប្រឺតាក្នុងរាជធានីមិនមានសុវត្ថិភាពទេ!?៕