រឿងក្តីជាមួយរដ្ឋលេខាធិការក្រសួងការពារជាតិលោកលោក ភុំ ជិនណារ៉ា អ្នកយកព័ត៌ក្រីក្ររបស់អង្គ ភាពគេហទំព័រ មាតុភូមិគ្មានលុយសងទេ!
21-September-2026 / ព័ត៌មានជាតិ
ខេត្តបន្ទាយមានជ័យ : លោក ភុំ ជិនណារ៉ា អ្នកយកព័ត៌របស់អង្គ ភាពគេហទំព័រ មាតុភូមិ ដែលបានសសេររឿងពិតក្នុងរឿងទំនាស់ដីធ្លីត្រូវបានតុលាការខេត្តបន្ទាយមានជ័យ ត្រូវបានតុលការប្រកាស សាលក្រមនៅព្រឹកថ្ងៃទី ៥ មិថុនា ២០២០នេះ ចោទប្រកាន់ពីបទបរិហាកេរ្ត៍ ដោយតំរូវអោយបង់ ប្រាក់ពិន័យចូលរដ្ឋចំនួន ៤០ម៉ឺនរៀល និង បង់សងជម្ងឺចិត្តទៅដើម បណ្តឹងចំនួន២លានរៀល។ 
លោក ភុំ ជិនណារ៉ា បានប្រាប់ តាមទូរស័ព្ទថា : តុលា ការបានប្រកាសសាល ក្រម សម្រេចសេចក្តី ដោយតម្រូវអោយ ជនជាប់ចោទ (ភុំ ជិនណារ៉ា ) បង់ប្រាក់ពិន័យ ចំនួន៤០ម៉ឺរៀលចូលថវិការដ្ឋ និង បង់សងជម្ងឺចិត្តទៅដើមបណ្តឹង ចំនួន២លានរៀល ។ សាលក្រមនេះ បានបើកផ្លូវអោយប្តឹងទាស់ ទៅសាលាឧទ្ធរណ៍ តាម កំណត់ច្បាប់ ។ លោក ភុំ ជិនណារ៉ា បានបន្តទៀតថា: បើគិតពីចំនួន ទឹកប្រាក់ដែលត្រូវបង់ សងជម្ងឺចិត្តទៅដើមបណ្តឹង(រដ្ឋលេខាធិការក្រសួងការពារជាតិ) ចំនួន២លានរៀល និង បង់ពិន័យ៤០ម៉ឺនរៀល ចូលថវិការដ្ឋនេះ គឺច្រើនណាស់សំរាប់អ្នក ក្រ ដូចរូបលោកគ្រាន់តែ ជាអ្នកកាសែតខ្មែរម្នាក់ តែបើសំរាប់អ្នកមាន គឺ ជារឿងតិចតួចរបស់ពួក គេតែប៉ុណ្ណោះ !។
តើ លោក ភុំ ជិនណារ៉ា សម្រេចចិត្តបង់សងជម្ងឺចិត្ត និង បង់ពិន័យចូល រដ្ឋ តាមសាលក្រមដ៏អយុត្តិធម៍នេះ ដែរ ឬ អត់ ? លោកភុំ ជិនណារ៉ា បានបញ្ជាក់ ថា : លោកមិនមានលទ្ធ ភាពបង់ទេ លោកសម្រេចចិត្តដាក់ពាក្យ បណ្តឹងប្តឹងទាស់ទៅសាលាឧទ្ធរណ៍បន្តទៀត ។ សូមរំលឹកសេចរឿង ដែលនាំអោយមានការ ប្តឹងផ្តល់គ្នា គឺនៅថ្ងៃទី ០១ /១០ / ២០១៨ លោកភុំ ជិនណារ៉ា បានផុសលើទំព័រfbលោកថា៖ ម្ចាស់ ដីជាប៉ូលីស បានបង្កបង្កើនផល លេីដីនេះជាង២០ឆ្នាំ ។ ពេលដីឡេីងថ្លៃស្រាប់តែមានលោករដ្ឋលេខាធិ ការក្រសួងការពារជាតិម្នាក់កាន់ប្លង់រឹងមកអះ អាងទាមទាយកដី ។
លោក ភុំ ជិនណារ៉ា បន្តថា រឿងដែលហួសចិត្តនោះគឺប្លង់រឹងធ្វេីនៅឆ្នាំ 1998 ដែលជំនាន់នោះ នៅជាព្រៃសំបូរដោយគ្រាប់មីននៅឡេីយ ។ លោកបន្តថា តើគេជិះកាប៉ាល់ហោះវាស់ដី ឬអីលោក ម្ចាស់? ! ។ អាណិតម្ចាស់ដីខំឱនលំទោនសំពះជម្រាបសួរលោករដ្ឋលេខាធិការរូបនោះគាត់យ៉ាងរាបសារ ។
ក្នុងការដែលលោក ភុំ ជិនណារ៉ា បានផុសអត្ថបទនេះក្នុង Fb ក៏មានភ្ជាប់រូបថតលោករដ្ឋលេខាធិការនិងលោកមន្ត្រីប៉ូលីសនោះផង ។
តាមការបញ្ជាក់ពីលោកភុំ ជិនណារ៉ា អោយដឹងថា ៖ លោកសរសេរតាមតែការពិត ដែលនរណាៗ ក៏ដឹងពីប្រវត្តិដីនេះដែរ គឺដីនេះដេីមឡេីយជាកម្មសិទ្ធរបស់ឈ្មោះសៅសារ៉ន ដែលជាអតីតយោធា ក្នុងអង្គភាពកងពលលេខ ១២ បានកាន់កាប់តាំង ពីឆ្នាំ១៩៩៧ ដែលកាល ណោះជាព្រៃពោរពេញដោយគ្រាប់មីន ។លោក បន្តថា: ឈ្នោះ ជូពុនបានទិញពីសៅ សារ៉ន នៅឆ្នាំ២០១៤ ហើយក៏កាន់កាប់និងធ្វើស្រែរហូតមកដល់ឆ្នាំ២០១៨ ទើបឃើញលោករដ្ឋ លេខាធិការក្រសួង ការពារជាតិកាន់ប្លង់មកសួររក និងទាមទាយកដីនេះ ។ លោកភុំ ជិនណារ៉ា បានអះអាងថា៖មន្ត្រីប៉ូលីសបាន កាន់កាប់ដីនោះយូរឆ្នាំហើយវាជារឿងពិត! ។ពេលដីឡេីងថ្លៃ លោករដ្ឋលេខាធិការកាន់ប្លង់រឹងទៅអះអាង ទាមទារយកក៏ជារឿងពិត ។
ឆ្នាំ ១៩៩៨ ដែលជាឆ្នាំចេញប្លង់ដី នៅកន្លែងនោះសុទ្ធតែជាព្រៃមីនក៏ជារឿងពិតដែលអ្នករស់នៅតំបន់ប៉ោយប៉ែតសុទ្ធតែដឹងគ្រប់គ្នា! ដូច្នេះ តើ មានចំណុចត្រង់ណា ដែលថា រូបលោក (ភុំ ជិនណារ៉ា) បរិហារកេរ្ត៍លោករដ្ឋលេខាធិការនោះ ? លោកភុំ ជិនណារ៉ា បានធ្វើការសន្និ ដ្ឋានក្រៅផ្លូវការថា អាចជាដីលោករដ្ឋលេខា ធិការមែន ព្រោះលោកមានប្លង់ តែលោកមិន បានទៅកាន់កាប់ ឬ អាស្រ័យផល ឃើញដីទំនេរ អ្នកផ្សេងក៏ចូលមកបង្ករបង្កេីនផលទៅ! ឬក៏អាចថា ប្លង់ដែលលោករដ្ឋលេខាធិការមាននោះ ជាដីដែលនៅក្បែរៗនោះដែរ ព្រោះលោក មិនដែលមក ឬក៏ស្គាល់មិនច្បាស់ ! ឬក៏អាចមានជនខិលខូចបន្លំធ្វេីប្លង់យកទៅលក់បោកប្រាស់លោករដ្ឋ លេខាធិការ ? ៕ដោយ: សុផល
