វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 574 នាក់
ម្សិលមិញ 5304 នាក់
សរុប 14140100 នាក់
ភ្នំពេញ៖ លោក ឃួង ស្រេង អភិបាលរាជធានីភ្នំពេញ រួមជាមួយ មន្រីខណ្ឌខណ្ឌពោធិ៏សែនជ័យ បានចុះចែកជូនអង្ករនិងសាច់មាន់ ជូនប្រជាពលរដ្ឋ៤៥គ្រួសារដែលកំពុងធ្វើចត្តាឡីស័កនៅសហគមន៏ភូមិ ជង្រុក និងត្រពាំងអញ្ចាញ សង្កាត់ត្រពាំងក្រសាំង ខណ្ឌពោធិសែនជ័យ ដែលជាប់ពាក់ព័ន្ធ និងជំងឺកូវិដ-១៩ ក្នុងព្រឹត្តិការណ៍សហគមន៍២០កុម្ភៈ។
ពិធីប្រគល់អំណោយធ្វើឡើងកាល ពីព្រឹកថ្ងៃទី០៦មីនា ឆ្នាំ២០២១ នៅទីតាំងធ្វើចត្តាឡីស័ក តាមផ្ទះក្នុងសង្កាត់ត្រពាំងក្រសាំង ខណ្ឌពោធិសែនជ័យ។
លោក ហែម ដារិទ្ធ អភិបាលខណ្ឌពោធិសែនជ័យបានបញ្ជាក់ឲ្យដឹងថា៖ ក្នុងចំនួនប្រជាពលរដ្ឋទាំង ៤៥គ្រួសារនេះ ប្រជាពលរដ្នរស់នៅក្នុងភូមិជង្រុកចំនួន៣០គ្រួសារ និងប្រជាពលរដ្ឋរស់នៅសហគមន៍ត្រពាំងអញ្ចាញចំនួន១៥គ្រួសារ។ ពួកគាត់ជាប្រជាពលរដ្ឋពាក់ព័ន្ធនិងក្នុងព្រឹត្តិការណ៍សហគមន៍២០ កុម្ភៈ។
លោក ឃួង ស្រេង បានមានប្រសាសន៍ថា អំណោយទាំងនេះជាអំណោយរបស់សម្តេចសេនា បតីតេជោហ៊ុន សែន និងសម្តេចគតិព្រឹទ្ធបណ្ឌិតប៊ុន រ៉ានីហ៊ុន សែន ដែលបានយកចិត្តទុកដាក់ខ្លាំង ណាស់ចំពោះបងប្អូនប្រជាពលរដ្ឋ ដោយមិនគិតថា បងប្អូននៅភ្នំពេញ ឬនៅតាមបណ្តាលខេត្ដនានានោះទេ។ ជាក់ស្តែងសម្រាប់ពេលនេះដោយឃើញបងប្អូនមានការ លំបាកនៅពេលធ្វើចត្តាឡីស័ក ទើបសម្តេចប្រគល់នូវអំណោយ ដើម្បីឲ្យបងប្អូន យកទៅដោះស្រាយជីវភាពបានមួយរយៈខ្លី ។
លោកឃួង ស្រេង ក៏បានថ្លែងអំណរគុណចំពោះបងប្អូនទាំងអស់ ដែលបានចូលរួមជាមួយអាជ្ញាធរក្នុងការធ្វើចត្តាឡីស័ក និងសូមឲ្យបងប្អូនទាំងអស់រួចផុតពីការឆ្លងជម្ងឺកូវីដ–១៩ទាំងអស់គ្នា ៕