វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 759 នាក់
ម្សិលមិញ 6677 នាក់
សរុប 14148335 នាក់
ភ្នំពេញ ៖ ក្នុងឆ្នាំ២០២០នេះ មន្ត្រីជំនាញនៃមន្ទីរប្រឆាំងបទល្មើសគ្រឿងញៀន និងស្នងការដ្ឋាននគរបាលរាជធានី-ខេត្ត បានបញ្ចូលទិន្នន័យបទល្មើសគ្រឿងញៀនទៅក្នុងប្រព័ន្ធបច្ចេកវិទ្យារួមមាន ៖បញ្ចូលសវតារជាតិជនសង្ស័យ និងរូបថត ស្គេនខ្ចៅដៃចំនួន ១៥.៨៥៦នាក់ (ស្រី៨០២នាក់) ស្មើ ៨.០៨០ករណីលើ៩០២៤ករណី ស្មើនឹង ៨៩.៥៥% និងបញ្ចូលវត្ថុតាងគ្រឿងញៀន សរុប ៣៣៥៥គីឡូក្រាម ៤៣២.៥០ក្រាម ។
ក្រៅពីនេះមាន រថយន្ត១០៥គ្រឿង ម៉ូតូ១៧៥៨គ្រឿង ទូរស័ព្ទ៥៥២៦គ្រឿង អាវុធខ្លី ២៣ដើម និងអាវុធវែង ៦ដើមត្រូវបានរឹបអូស។នេះបើតាមរបាយការណ៍របស់ លោកឧត្តមសេនីយ៍ទោ អ៊ិន សុង នាយករងមន្ទីរប្រឆាំងបទល្មើសគ្រឿងញៀន។
ថ្លែងក្នុងកិច្ចប្រជុំបូកសរុបលទ្ធផល ការបញ្ចូលទិន្នន័យទៅក្នុងប្រព័ន្ធបច្ចេកវិទ្យា (Database System) គ្រប់គ្រងបទល្មើសគ្រឿងញៀន ប្រចាំឆ្នាំ២០២០ នាព្រឹកថ្ងៃទី១៩ ខែកុម្ភៈ ឆ្នាំ២០២១នេះ នៅអគ្គស្នងការដ្ឋាននគរបាលជាតិ នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ បានចាតទុកថា «ការបញ្ចូលទិន្នន័យទៅក្នុងប្រព័ន្ធបច្ចេកវិទ្យា គឺដើម្បីបម្រើឲ្យការងារបង្ការបង្ក្រាបគ្រឿងញៀន និងរក្សាបាននូវព័ត៌មានរបស់ជនល្មើស ដែលធ្លាប់ប្រព្រឹត្តបទល្មើសនោះ»។
ដើម្បីឲ្យការបញ្ចូលទិន្នន័យទៅក្នុងប្រព័ន្ធបច្ចេកវិទ្យាមានប្រសិទ្ធបន្ថែមទៀត នាយឧត្តមសេនីយ៍ ម៉ក់ ជីតូ បានដាក់ចេញនូវទិសដៅបន្ត ចំនួន៤ចំណុច ៖ ១-បន្តធ្វើបច្ចុប្បន្នភាព (UPDATE) ប្រព័ន្ធបច្ចេកទេស (Database System) មានដូចជា ៖ មុខងារស្គេនមុខ និងបង្កើត APP STORE និង PLAY TSORE សម្រាប់ប្រើប្រាស់លើទូរស័ព្ទដៃ ២-បង្កើនការបញ្ចូលទិន្នន័យបទល្មើសគ្រឿងញៀន ស្គេនខ្ចៅដៃជនល្មើសទៅក្នុងប្រព័ន្ធបច្ចេកទេសឲ្យបាន១០០%(អនុវត្តជាប្រចាំ)។ ៣-ធ្វើរបាយការណ៍បូកសរុបលទ្ធផលអនុវត្តលើកប្រព័ន្ធបច្ចេកវិទ្យាប្រចាំខែ ត្រីមាស ឆមាស និងឆ្នាំជូនថ្នាក់ដឹកនាំ និង៤-ត្រៀមបន្តបើកវគ្គបណ្តុះបណ្តាលខ្លីៗបន្ថែម ដល់មន្ត្រីជំនាញដែលគ្រប់គ្រងប្រព័ន្ធបច្ចេកទេស (Database System) នៃស្នងការដ្ឋាននគរបាលរាជធានី-ខេត្ត ។
លោកឧត្តមសេនីយ៍ទោនាយករងមន្ទីរ បានឲ្យដឹងថា បណ្តាស្នងការដ្ឋានរាជធានី-ខេត្តចំនួន៩ ដែលបានបំពាក់កុំព្យូទ័រ និងឧបករណ៍ស្គេនខ្ចៅដៃរួមមាន ៖ ស្នងការដ្ឋាននគរបាលខេត្តកោះកុង, មណ្ឌលគិរី, ព្រះវិហារ, ព្រៃវែង, រតនគិរី, ស្ទឹងត្រែង, ឧត្តរមានជ័យ, កែប និងស្នងការដ្ឋាននគរបាលខេត្តប៉ៃលិន៕