វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 181 នាក់
ម្សិលមិញ 8227 នាក់
សរុប 14127062 នាក់
ភ្នំពេញ៖នៅថ្ងៃទី០៤ ខែកុម្ភៈ ឆ្នាំ២០២១នេះ ក្រសួងវប្បធម៌និងវិចិត្រសិល្បៈ បានធ្វើការកោះហៅម្ចាស់ Page Hokima និងអ្នកសម្តែង រឿងទុំទាវ២០២១ ក្នុង Page Hokima ឱ្យចូលមក កាន់ទីស្តីការក្រសួងវប្បធម៌ និងវិចិត្រសិល្បៈ នៅបន្ទប់លេខាធិការដ្ឋាន ក្រុមប្រឹក្សាពិន័យនិងលើកសរសើរ នៅថ្ងៃពុធ ទី១០ ខែកុម្ភៈ ឆ្នាំ២០២១ វេលា ម៉ោង៩និង០០នាទីព្រឹក។បើពុំដូច្នោះទេ ក្រសួងនឹងបន្តនីតិវិធីចាត់វិធាន តាមផ្លូវច្បាប់ដោយការចាំបាច់។
សូមបញ្ជាក់ថា ការកោះហៅនេះ គឺបន្ទាប់ពីវីដេអូ ទុំទាវ២០២១ របស់ក្រុមអ្នកលក់អនឡាញ តេង ដាណា ត្រូវបានមហាជនរិះគន់យ៉ាងចាស់ដៃ ដោយសារមើលទៅហាក់បីដូចជាយកសាសនាព្រះពុទ្ធដែលជាសាសនារបស់រដ្ឋ មកលេងសើច។ស្រីស្អាត តេង ដាណា ដែលជាសមាជិកមួយរូបក្នុងក្រុមសម្តែង ក៏បានចេញមុខសុំទោសជាសាធារណៈផងដែរ រាល់កំហុសខុសឆ្គងក្នុងវីដេអូទាំងមូល ដោយសារខ្លួនគ្រាន់តែចង់ច្នៃសាច់រឿងបែបកំប្លែងៗសម្រាប់ចែកជូនអ្នកគាំទ្រខ្លួនបានសប្បាយៗតាមប៉ុណ្ណោះ ប៉ុន្តែបែរជាបានបង្កើតកំហុសដោយអចេតនានេះទៅវិញ។
នាងថា ការពិតខ្លួនបានលុបវីដេអូដែលមានចំណងជើង “ទុំទាវ២០២១” នោះចោលក្រោយបង្ហោះបានរយៈពេល ៤ ម៉ោងម្ល៉េស ដោយសារមានមតិរិះគន់បែបស្ថាបនាច្រើនពីបងប្អូនខ្មែរ ប៉ុន្តែបែរត្រូវជនដទៃយកទៅចែករំលែកបន្តរហូតក្លាយជាបញ្ហារាលដាលពេញបណ្តាញសង្គមបែបនេះ៕