វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1259 នាក់
ម្សិលមិញ 5378 នាក់
សរុប 14080552 នាក់
ខេត្តស្ទឹងត្រែង ៖ ស្ពានបេតុងមួយកន្លែងនៅតាមបន្ទាត់ព្រំដែនខ្មែរ-លាវ ឆ្លងកាត់ទន្លេសេកុង ស្ថិតក្នុងឃុំសន្តិភាព ស្រុកសៀមប៉ាង បានរងការស្រុតបាក់ តាមត្រចៀកក្បាលស្ពាន ពីខាងចំហៀងខាងកើតកាលពីយប់ថ្ងៃទី២៤កក្កដា ដោយសារទឹកជំនន់មកពីប្រទេសលាវបានហូរចូលមកបុកយ៉ាងគំហុក។
ប្រភពពីកម្លាំងយោធាដែលឈរជើងនៅទីនោះថា ស្ពានខាងលើបានបាក់ស្រុតផ្នែកខាងកើតនៃត្រចៀកក្បាលស្ពាន ដោយសារតែទឹកទន្លេសេកុងហូរពេញប្រៀប ទើបបណ្តាលឲ្យទឹកហូរច្រុះត្រង់ចំណុចដីក្បាលស្ពានទើបចាក់ថ្មី។ ពេលនេះការធ្វើចរាចរឆ្លងកាត់ស្ពានខាងលើនេះត្រូវបានផ្អាកជាបណ្តោះអសន្នសិន។
ស្ពានឆ្លងទន្លេរសេកុងក្នុងស្រុកសៀមប៉ាងននេះទើបតែបញ្ចប់ការកសាងកាលពីដើមខែឧសភាកន្លងទៅថ្មីៗនេះ ដែលកសាងឡើងដោយកម្លាំងកងវិស្វកម្ម ដើម្បីបម្រើផលប្រយោជន៍ជូនប្រជាពលរដ្ឋធ្វើតំណើរឆ្លងកាត់ និងដើម្បីតភ្ជាប់ផ្លូវពីខេត្តមួយទៅខេត្តមួយទៀត។
សូមបញ្ចាក់ថាទឹកជំនន់ ធ្វើឲ្យបាក់ទំនប់បង្ហៀរទឹកនៃវារីអគ្គិសនីមួយកន្លែងនៅភាគអាគ្នេយ៍ប្រទេសឡាវកាលពីថ្ងៃទី២៤ ខែកក្កដា ឆ្នាំ២០១៨ បណ្តាលឲ្យទឹកហូរជនលិចផ្ទះប្រជាពលរដ្ឋយ៉ាងតិច៦ភូមិ ខេត្តអាតាពឺបណ្តាលឲ្យមានមនុស្សយ៉ាងតិចជាង១០០នាក់ត្រូវគេរាយការណ៍ថា បានបាត់បង់ជីវិត និងរាប់រយនាក់ផ្សេងទៀតនៅបាត់ខ្លួន ។មនុស្សជិត៧ពាន់នាក់ផ្សេងទៀតត្រូវអាជ្ញាធរឡាវ ប្រកាសជម្លៀសខ្លួនទៅរកទីសុវត្ថិភាព ។ក្រសួងធនធានទឹកនិងសាលាខេត្តក្រចេះក៏បានចេញសេចក្តីជូនដំណឹងឲ្យប្រជាពលរដ្ឋខេត្តស្ទឹងត្រែងមានការប្រុងប្រយត្ន័ហើយអាជ្ញាធរមានសមត្តកិច្ចក៏ឲ្យត្រៀមផងដែរ។