វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 156 នាក់
ម្សិលមិញ 6359 នាក់
សរុប 14086789 នាក់
ខេត្តបាត់ដំបង៖បុរសម្នាក់ត្រូវកម្លាំងនគរបានមូលដ្ឋានឃាត់ខ្លួនបានភ្លាមៗ ក្រោយបានប្រើពូថៅកាប់ទៅលើបងធម៌ពេលកំពុងផឹកស៊ីជាច្រើនពូថៅបណ្ដាលឱ្យរងរបួសធ្ងន់ កាលពីវេលាម៉ោង១០ព្រឹកថ្ងៃទី២៥ខែធ្នូ២០២១នៅចំណុចភូមិដំណាក់បេង ឃុំបួរ ស្រុកភ្នំព្រឹក។
នាយប៉ុស្ដិ៍នគរបាលបួរ លោក បូ បុល បានឲ្យដឹងថា ជនដៃដល់ឈ្មោះ ណែត វីរ: ភេទប្រុសអាយុ២៧ឆ្នាំ មុខរបធ្វើចម្ការស្នាក់ជាមួយជនរងគ្រោះឈ្មោះ ង៉ែត និត ហៅ នោង ភេទប្រុសអាយុ៤០ឆ្នាំ នៅកន្លែងកើតហេតុ ដែលត្រូវជាបងប្អូនធម៌នឹងគ្នា។ ជនដៃដល់បានប្រើប្រាស់ពូថៅកាប់.ទៅលើផ្ទៃមុខជនរងគ្រោះជាច្រើនពូថៅបណ្ដាលឲ្យរបួសធ្ងន់ ហើយត្រូវបានក្រុមគ្រួសារបញ្ជូនទៅកាន់មន្ទីរពេទ្យ រីឯជនដៃដល់ក៏ត្រូវកម្លាំងរបស់លោកចុះអន្តរាគមន៍ឃាត់ខ្លួនភ្លាមៗផងដែរ។
អំពើហិង្សាដ៏កំរោលរវាងបងប្អូនធម៌នេះបានផ្ដើមចេញពីការប៉ះទង្កិចសំដីគ្នាពេលកំពុងផឹកស៊ី។ បើតាមសាក្សីនៅទីនោះបាននិយាយថា មុនកើតហេតុគេឃើញមនុស្សមួយក្រុមផឹកស៊ីជុំគ្នា តែបន្តិចក្រោយមកក៏ឮឈ្លោះគ្នារវាងបងប្អូនធម៌២នាក់ខាងលើយ៉ាងតឹងសរសៃ.ក តែមិនដឹងរឿងអ្វីនោះទេ។ ជនរងគ្រោះកំពុងដេកលើអង្រឹងក្បែរគ្រែផឹក ស្រាបតែរំពេចនោះគេឃើញប្អូនធម៌ទាញពូថៅកាប់គ្មានប្រណីដៃ ជាច្រើនពូថៅលើផ្ទៃមុខបងធម៌នៅលើអង្រឹងបណ្ដាលឲ្យសន្លប់ឈាមជោគដីបង្កឲ្យភ្ញាក់ផ្អើលពេញវង់ផឹកស៊ី។
សមត្តកិច្ចនិយាយថាបើតាមប្រវត្តិជនដៃដល់នេះ តែងមានចរិតកាចសាហាវពេលស្រវឹងម្ដងៗជននេះធ្លាប់ទៅរស់នៅស្រុកថៃ ច្រើនឆ្នាំហើយ លុះត្រឡប់មកស្រុកវិញ ទើបបានប្រហែល២ខែ ក៏បង្កឲ្យមានហិង្សាយ៉ាងធ្ងន់ធ្ងរជាមួយបងធម៍។ជនសង្ស័យត្រូវនគរបាលរបស់លោកឃាត់ខ្លួនកសាងសំណុំរឿងចាត់ការតាមនីតិវិវិធីនិងបញ្ជូនបន្តទៅអធិការដ្ឋាននគរបាលស្រុក៕