វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2505 នាក់
ម្សិលមិញ 3717 នាក់
សរុប 14150838 នាក់
សហគមន៍អឺរ៉ុប៖«ប៉ាស្ព័រវ៉ាក់សាំង» គឺជាលិខិតឆ្លងដែនថ្មីសម្រាប់ពលរដ្ឋនៅលើពិភពលោកធ្វើដំណើរទៅក្រៅប្រទេសបានក្នុងដំណាក់កាលកូវីដ- ១៩ ។ប្រទេសនៅតំបន់សហគមន៍អឺរ៉ុបកំពុងតែពិភាក្សាទៅលើ លិខិតឆ្លងដែនវ៉ាក់សាំងថ្មីនេះ ខណៈប្រទេសអឺរ៉ុបបានខិតខំចាក់វ៉ាក់សាំងជូនពលរដ្ឋដើម្បីបញ្ចប់ការឆ្លងរាលដាល។
នៅថ្ងៃទី១៩ខែមករាគណៈកម្មការអឺរ៉ុប បានស្នើគម្រោងប៉ាស្ព័រវ៉ាក់សាំងជូនពលរដ្ឋរបស់ខ្លួនអាចធ្វើដំណើរក្នុងតំបន់បាន។ បញ្ហាលិខិតឆ្លងដែនវ៉ាក់សាំងនឹងត្រូវពិភាក្សាជាផ្លូវការនៅថ្ងៃទី ២១ខែមករា ។ប៉ាស្ព័រវ៉ាក់សាំង គឺជាលិខិតបញ្ជាក់ថា បុគ្គលនោះបានចាក់វ៉ាក់សាំងរួចរាល់ហើយ ។ តាមសំណើប្រទេសក្នុងតំបន់អឺរ៉ុបកំពុងជំរុញឲ្យចេញលិខិតបញ្ជាក់ជាផ្លូវការពីការចាក់វ៉ាក់សាំងកូវីដ-១៩រួចរាល់ អាចធ្វើដំណើរទៅកាន់ប្រទេសផ្សេងទៀតបានដោយសេរី។
ប្រទេសក្រិចនិងដាណឺម៉ាក គឺជាប្រទេសដែលគាំទ្រខ្លាំងជាងគេដល់គម្រោងលិខិតឆ្លងដែនវ៉ាក់សាំង ។ សកម្មភាពខាងលើគឺជាការជួយសង្គ្រោះដល់វិស័យ ទេសចរណ៍ អាចបើកដំណើរការល្អឡើងវិញជួយដល់ពលរដ្ឋរាប់លាននាក់មានការងារធ្វើ។នេះជារឿងដ៏ប្រសើរបំផុត ដើម្បីដំណើរការវិស័យទេសចរណ៍ឡើងវិញក្នុងសម័យកូវីដ-១៩ ៕