វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3100 នាក់
ម្សិលមិញ 6677 នាក់
សរុប 14150676 នាក់
ភ្នំពេញៈ នគរបាលខណ្ឌដង្កោ រាជធានីភ្នំពេញបាន ចាប់ឃាត់ខ្លួនយុវជនម្នាក់កាលពីរសៀលថ្ងៃទី១៨ ខែមករា ឆ្នាំ២០២១ ស្ថិតនៅចំណុចកន្លែងលាងម៉ូតូភូមិខ្វា សង្កាត់ដង្កោ រាជធានីភ្នំពេញ ដែលបានស៊ីចុកហើយផ្ញើសារសម្លេងតាមទូរស័ព្ទ (messenger) គំរាមទារប្រាក់ជាំថ្នូរនិងមិនបង្ហោះរូបអាសអាភាសរវាងជនរងគ្រោះនិងជនសង្ស័យដែលធ្លាប់បានដេកជាមួយគ្នា ។
ប្រភពពីនគរបាលខណ្ឌដង្កោឱ្យដឹងថា កាលពីរសៀលថ្ងៃទី១៧ ខែមករា ឆ្នាំ២០២១ ជនសង្ស័យឈ្មោះ សឿ សារ៉ន ហៅ រាជ សុវណ្ណារាជ អាយុ២៨ឆ្នាំ ស្នាក់នៅផ្ទះជួលស្ថិតនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ប្រកបមុខរបរបុគ្គលិក នៃក្រុមហ៊ុននាំពលករខ្មែរទៅប្រទេសជប៉ុន បានទូរស័ព្ទគំរាមស្ត្រីរងគ្រោះឈ្មោះ ហ ស ត អាយុ៣១ឆ្នាំធ្វើការក្នុងក្រុមហ៊ុនជាមួយគ្នា បង្ហោះរូបភាពអាសអាភាសដែលខ្លួនដេកជាមួយស្ត្រីរងគ្រោះ កាលពីអំឡុងចុងឆ្នាំ២០២០ និងទាំងគំរាមសម្លាប់ស្ត្រីរងគ្រោះហើយបានជេរប្រមាថធ្ងន់ៗជាច្រើនទៀតខណៈដែលស្ត្រីរងគ្រោះបានដើរលេងជាមួយបុរសម្នាក់ទៀតនៅភ្នំតាម៉ៅ ខេត្តតាកែវ។
បើតាមសមត្តកិច្ចគឺ កាលពីពាក់កណ្តាលខែធ្នូ ឆ្នាំ២០២០ ជនរងគ្រោះ ធ្លាប់ត្រូវបានជនសង្ស័យនាំទៅលេងផ្ទះនៅខេត្តកំពង់ចាម ហើយជនសង្ស័យក៏បានរៀបចំបន្ទប់ឱ្យជនរងគ្រោះដេក រួចធ្វើធ្វើសកម្មភាពចាប់បង្ខំរួមភេទបានសម្រេច០១លើកនិងលួចថតរូបភាពនៅពេលដេកជាមួយគ្នានោះតាមទូរស័ព្ទ។នៅពេលនោះជនសង្ស័យក៏បានគំរាមជនរងគ្រោះថាបើហ៊ានប្តឹងរឺទៅប្រាប់អ្នកដទៃនិងបង្ហោះរូបភាពនេះចូលក្នុងហ្វេសប៊ុកឱ្យផ្អើលតែម្តង។ដោយបានរូបភាពនឹងដៃបែបនេះហើយជនសង្ស័យក៏បានតម្រូវឱ្យជនរងគ្រោះទិញម៉ូតូម៉ាក PGX ០១គ្រឿងតម្លៃ ២៥០០ដុល្លារ ទៅឱ្យជនសង្ស័យបើមិនធ្វើតាមទេ និងយករូបភាពនេះទៅបង្ហោះ។
ដោយខ្លាចខ្មាស់គេជនរងគ្រោះក៏បានទិញម៉ូតូតាមការចង់បានរបស់ជនសង្ស័យដោយធ្វើការបង់រំលស់រយៈពេល០៣ឆ្នាំ។ បន្ទាប់មកនៅថ្ងៃខាងលើដោយការគំរាមកំហែងនិងគៀបសង្កត់ពីជនសង្ស័យខ្លាំងពេក ជនរងគ្រោះទ្រាំពុំបានក៏សម្រេចចិត្តប្តឹងរាយការណ៍ទៅសមត្ថកិច្ចដើម្បីយកទៅចាត់ការតាមផ្លូវច្បាប់។