វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 160 នាក់
ម្សិលមិញ 3625 នាក់
សរុប 6506814 នាក់
ភ្នំពេញ៖ លោកសុខ សម្បត្តិ អភិបាល ខណ្ឌព្រែកព្នៅ បានដឹកនាំក្រុមកាងារថ្នាក់ខណ្ឌ សង្កាត់ និងភូមិ ចុះត្រួតពិនិត្យ និងទប់ស្កាត់ផ្ទះនិងបែរត្រីថ្មីដែលភាគច្រើនជាជនជាតិវៀតណាម សង់រស់នៅយ៉ាងអនាធិបតេយ្យនៅតាមដងទន្លេ ស្ថិតក្នុងសង្កាត់ព្រែកព្នៅ និងសង្កាត់សំរោង ខណ្ឌព្រែកព្នៅ រាជធានីភ្នំពេញ នាព្រឹកថ្ងៃទី០៥ខែមករា ឆ្នាំ២០២១នេះ។
លោក សុខ សម្បត្តិ បានឲ្យដឹងថា យើងចុះមកនេះគឺចង់ដឹងចំនួនប្រជាពលរដ្ឋដែលរស់នៅលើទឹកទន្លេក្នុងសង្កាត់ទាំង២គឺសង្កាត់ព្រែកព្នៅនិងសង្កាត់សំរោង ក្នុងខណ្ឌព្រែកព្នៅនេះ មានប៉ុន្មានឲ្យពិតប្រាកដ គឺរក្សាផ្ទះឬបែរចាស់ តែមិនឲ្យផ្ទះឬបែរត្រីថ្មីបណ្តែតមកធ្ពួកបន្ថែមទៀតនោះទេ។លោកបញ្ជាក់ថា ក្នុងការចុះត្រួតពិនិត្យទាំង២សង្កាត់នេះ មានផ្ទះនិងបែរត្រីថ្មីចំនួន២បានមកធ្ពួករស់នៅលើផ្ទៃទន្លេនេះ ក្នុងនោះក្រុមការងារបានហៅផ្ទះនិងបែរត្រីថ្មីចំនួន២នោះមកនែនាំ និងធ្វើកិច្ចសន្យាឲ្យពួកគាត់ចាកចេញ បើមិនព្រមចេញទេអាជ្ញាធរខណ្ឌព្រែកព្នៅនិងចាត់វិធានការហើយ ហើយបើមានការខូចខាតឬបាត់បង់អាជ្ញាធរមិនទទួលខុសត្រូវឡើយ។
គួរបញ្ជាក់ថា នាព្រឹកថ្ងៃដដែលនោះដែរក្រុមការងារដឹកនាំដោយលោកសុខសម្បត្តិ បានមកពិនិត្យមើលមណ្ឌលធ្វើចត្តាឡីស័ករាជធានីភ្នំពេញ នៅក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ ដែលគ្រោងនិងរៀបចំក្រុងពាលី សម្ភោធដាក់ឲ្យដំណើរការនាថ្ងៃទី០៦ខែមករាផងដែរ៕