បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

តុលាការសម្រេចឃុំខ្លួនប្រធានផ្សារទួលពង្រ និងមនុស្ស៣នាក់ទៀត ពាក់ព័ន្ធការដើរប្រមូលចំណូលដោយមិនទទួលបានសិទ្ធិពីរដ្ឋ

បែកធ្លាយរឿងអាស្រូវ ពុករលួយរបស់លោកវរសេនីយ៍ទោ ពៅ ថាន អធិការរង នៃអធិការដ្ឋាននគរបាលស្រុកពារាំង ខេត្តព្រៃវែង

សមយុទ្ធនាគមាសជាឱកាសសម្រាប់ចិនបង្ហាញឥទ្ធិពលសព្វាវុធយោធា!

ជាច្រើនទៀត

ចំនួនអ្នកទស្សនា

ថ្ងៃនេះ 268 នាក់

ម្សិលមិញ 18637 នាក់

សរុប 16904369 នាក់

សម្ដេចបវរធិបតីនាយករដ្ឋមន្ត្រី អំពាវនាវភ្ញៀវទេសចរ និងវិនិយោគិនបរទេស ជួយផ្សព្វផ្សាយព័ត៌មានពិតរបស់កម្ពុជា

17-May-2025 / ផ្សេងៗ

ភ្នំពេញ៖ នៅចំពោះមុខវិនិយោគិនបរទេស ដែលកំពុងមានវត្តមានក្នុងប្រទេសកម្ពុជា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានអំពាវនាវឲ្យវិនិយោគិនទាំងអស់ជួយ ផ្សព្វផ្សាយព័ត៌មានពិតដែលកំពុង មើលឃើញស្រាប់ ដើម្បីលុបបំបាត់ព័ត៌មានប្រឌិត ដែលផ្សាយចោទប្រកាន់នាំឲ្យមានការយល់ច្រឡំ និងប៉ះពាល់ដល់កេរ្ដិ៍របស់កម្ពុជា។ a manet lin

ការអំពាវនាវធ្វើនៅល្ងាចថ្ងៃទី១២ ខែវិច្ឆិកា ឆ្នាំ២០២៤នេះ ក្នុងឱកាសអញ្ជើញជាអធិបតីភាព ពិធីជួបសំណេះសំណាល និងពិសារភោជនាហារសាមគ្គី ពាណិជ្ជករត្រកូលលីន ពិភពលោក ដែលមានការចូលរួមភ្ញៀវកិត្តិយសជាតិ និងអន្ដរជាតិ ក្នុងនោះសមាជិក សមាជិការបស់សភាពាណិជ្ជកម្ម ត្រកូលលីន ពិភពលោក មកពី៤ប្រទេស រួមមាន ប្រទេសម៉ាឡេស៊ី សឹង្ហបុរី កូរ៉េខាងត្បូង និងប្រទេសចិនក្នុងតំបន់ជាច្រើនទៀត។

សម្ដេចមហាបវរធិបតី មានប្រសាសន៍ ថា «ខ្ញុំសូមអំពាវនាវដល់ភ្ញៀវកិត្តិយសជាតិ និងអន្តរជាតិ ដែលមានវត្តមាននៅទីនេះ សូមជួយធ្វើការផ្សព្វផ្សាយនូវព័ត៌មានពិតរបស់កម្ពុជា ទៅឲ្យមិត្តភ័ក្ត បងប្អូន ដៃគូសហការ និងក្រុមគ្រួសាររបស់អស់លោក-លោកស្រី ហើយអញ្ជើញពួកគាត់មកលេង មកមើល និងស្វែងយល់ពីកម្ពុជា»។

បើតាមប្រសាសន៍របស់សម្ដេចមហាបវរធិបតី ប្រមុខនៃរាជរដ្ឋាភិបាលកម្ពុជា, កម្ពុជាស្វាគមន៍ជានិច្ចនូវការអញ្ជើញមកដល់របស់ភ្ញៀវបរទេសទាំងអស់ មិនថាមកវិនិយោគ, មកដើរលេងកម្សាន្ត ឬមកសិក្សាស្វែងយល់នោះទេ គឺកម្ពុជាស្វាគមន៍ជានិច្ច។ សម្ដេចបន្ដថា កម្ពុជាពិតជាមានសុខសុវត្ថិភាពពិតប្រាកដមែន ដែលភ្ញៀវអន្តរជាតិអាចមកកម្សាន្ដ ដោយមិនមានក្តីបារម្ភ។

សម្ដេចមហាបវរធិបតី ហ៊ុន ម៉ាណែត បានសង្កត់ធ្ងន់ថា មហាសន្និបាតសភាពាណិជ្ជកម្មត្រកូលលីនពិភពលោក នៅពេលនេះមិនត្រឹមតែជាកម្មវិធី ដែលកៀរគរនូវវិនិយោគគិនតែប៉ុណ្ណោះទេ ប៉ុន្តែជាកម្មវិធីមួយ ដែលអាចបង្ហាញទៅពិភពលោក ឲ្យបានឃើញតថភាពជាក់ស្តែង និងពិតប្រាកដរបស់ប្រទេសកម្ពុជា ដែលមានសុខសុវត្តិភាពពិតប្រាកដមែន មិនដូចជាអ្វីដែលពួកគាត់បានមើលឃើញ តាមរយៈប្រព័ន្ធផ្សព្វផ្សាយមួយចំនួននោះទេ។ជាមួយនិងការអំពាវនាវសម្តេចធិបតី ហ៊ុន ម៉ាណែត បានថ្លែងថា "នៅក្នុងស្ថានភាពពិភពលោកមិនពិតប្រាកដ កម្ពុជាបានរក្សាបាន នូវកំណើនសេដ្ឋកិច្ច និងមានសក្តានុពល"។

សម្តេចធិបតី ហ៊ុន ម៉ាណែត បានបន្តថា "កម្ពុជា គឺជាទីតាំងយុទ្ធសាស្ត្រសំរាប់វិនិយោគ ជាពិសេសកម្ពុជាមានកិច្ចព្រមព្រៀងក្របខ័ណ្ឌកិច្ចព្រមព្រៀងពាណិជ្ជកម្មសេរីសំខាន់ៗ
ដូចជា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP )កិច្ចព្រមព្រៀងពាណិជ្ជកម្មសេរីកម្ពុជា-ចិនកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ ។កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកម្ពុជា-អេមីរ៉ាតអារ៉ាប់រួម"។សម្តេចធិបតីក៏បានថ្លែងប្រាប់ដល់វិនិយោគិនបរទេសថា "កម្ពុជាមានធនធានមនុស្ស យុវជនវ័យក្មេងប្រកបដោយសក្តានុពលខ្ពស់ ចេះនិយាយភាសាបរទេសជាដើម"។សម្តេចធិបតី ក៏បានថ្លែងពីសក្តានុពលហេដ្ឋារចនាសម្ព័ន្ធតភ្ជាប់ ដូចជាកំពង់ផែទឹកជ្រៅ ព្រលានយន្តហោះថ្មី ទាំងនៅភ្នំពេញ ក៏ដូចជាខេត្តសៀមរាប ។

សូមបញ្ជាក់ថាពិធីជួបជុំនេះបានប្រព្រឹត្តទៅនៅមជ្ឈមណ្ឌលសន្និបាត និងពិពរណ៌កោះពេជ្រ ដោយមានការចូលរួមពីភ្ញៀវកិត្តិយសជាតិ និងអន្ដរជាតិ ក្នុងនោះសមាជិក សមាជិកា របស់សភាពាណិជ្ជកម្ម ត្រកូលលីន ពិភពលោក មកពី៤ប្រទេសមានប្រទេសម៉ាឡេស៊ី សឹង្ហបុរី កូរ៉េខាងត្បូង៣នាក់ និងប្រទេសចិនក្នុងតំបន់ជាច្រើនទៀត។សមាគមពាណិជ្ជកម្មត្រកូលលីននៅកម្ពុជា បានរៀបចំពិធីនេះឡើងក្នុងគោលបំណង៣សំខាន់៖

*ទី១៖ កៀរគរនូវវិនិយោគគិនក្រៅប្រទេស ឲ្យបានមកមើលឃើញ និងដឹងពីសក្តានុពល និងឱកាសវិនិយោគថ្មីក្នុងប្រទេសកម្ពុជានាបច្ចុប្បន្ន។ ថ្វីត្បិតតែការដាក់ឈ្មោះថា ត្រកូលលីន ក៏ពិតមែន ប៉ុន្តែនៅក្នុងមហាសន្និបាតនេះ គឺមានវិនិយោគគិនក្រៅប្រទេស និងក្នុងប្រទេស ចូលរួមក្រៅពីត្រកូលលីនផងដែរ។

*ទី២៖ ដោយសារតែថ្នាក់ដឹកនាំ និងសមាជិកសមាជិការរបស់សមាគម គឺសុទ្ធសឹងតែចេះ៣ភាសា ហើយក៏មានបទពិសោធន៍ ក្នុងការប្រកបការងាររកស៊ីជាមួយជនបរទេសជាច្រើន និងជាយូរមកហើយ ជាពិសេសគឺជាមួយ ជនជាតិចិន ហើយក៏យល់ពីបរិបទនៃសង្គមខ្មែរនាពេលបច្ចុប្បន្ន និងពីមុនផងដែរ ដូច្នេះចង់ឲ្យវិនិយោគគិនដែលឆ្លងកាត់តាមសមាគម ចូលមកវិនិយោគនៅក្នុងប្រទេសកម្ពុជា និងវិនិយោគគិនដែលបានមកវិនិយោគ ក្នុងប្រទេសកម្ពុជារួចមកហើយ។

*ទី៣៖ ដោយមើលឃើញពីការលាបពណ៌មូលបង្កាច់បង្អួចពីប្រទេសកម្ពុជា តាមរយៈវីដេអូមិនពិត ឬប្រឌិត ដោយចោទថាប្រទេសកម្ពុជា គឺជាប្រទេសដែលគ្មានសុខសុវត្ថិភាព និងជាទីកន្លែង នៃការប្រមូលផ្តុំនូវពួកក្រុមប្រកបរបរ ខុសច្បាប់ជាច្រើន ដោយមូលហេតុនេះហើយធ្វើឲ្យវិស័យទេសចរណ៍ និងការវិនិយោគក្នុងប្រទេសកម្ពុជារងនូវផលប៉ះពាល់ជាខ្លាំង ទើបសមាគមមានបំណង និងគំនិតក្នុងការចូលរួមលុបបំបាត់ និងបង្ហាញទៅសាធារណជននៅ ក្រៅប្រទេសជាពិសេស គឺប្រទេសសឹង្ហបុរី ម៉ាឡេស៊ី និងចិនឲ្យមើលឃើញ និងបានដឹងពីទិដ្ឋភាពជាក់ស្ដែង និងពិតប្រាកដរបស់ប្រទេសកម្ពុជានាពេលបច្ចុប្បន្ន។ a manet lin1