វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 180 នាក់
ម្សិលមិញ 4563 នាក់
សរុប 14167556 នាក់
កំពង់ឆ្នាំងៈ ដើម្បីធានានូវសុវត្ថិភាពចំណីអាហារដែលអាជីវករដាក់លក់ជូនប្រជាពលរដ្ឋយកទៅបរិភោគនោះ សាខាកាំកុងត្រូលខេត្តកំពង់ឆ្នាំង នៅថ្ងៃទី៧ ខែមិថុនា ឆ្នាំ២០១៩នេះ បានសហការជាមួយនិងមន្ទីរពាណិជ្ជកម្ម អាជ្ញាធរក្រុងកំពង់ឆ្នាំងបានចុះទៅពិនិត្យរកមើលសារធាតុគីមីហាមឃាត់ នៅផ្សារលើខេត្តកំពង់ឆ្នាំង ។
ប្រធានសាខាកាំកុងត្រូលខេត្តកំពង់ឆ្នាំង លោកយីវ ណារិន បានអោយដឹងថា នៅថ្ងៃនេះ សមត្ថកិច្ចកាំកុងត្រូលបានចុះពិនិត្យសុវតិ្ថភាពចំណីអាហារជាច្រើនមុខដូចជា អាហារកំប៉ុង អាហារកញ្ចប់ ព្រមទាំងរកមើលសារធាតុគីមីហាមឃាត់ដែលដាក់លើបន្លែ ស្លឹកគ្រៃបុក នំបញ្ចុក ដែលកំពុងដាក់លក់នៅតាមតូបនានាក្នុងផ្សារលើខេត្តកំពង់ឆ្នាំង។ ដែលសារធាតុគីមីទាំងនេះធ្វើអោយនំស្វិត ទុកបានយូ បន្លែមានភាពស្រស់បានយូ ប៉ុន្តែវានឹងធ្វើអោយប៉ះពាល់ដល់សុខភាពអ្នកបរិភោគ បង្ករអោយទៅជា ឈឺក្បាល វិលមុខ រាគ ក្អួតចង្អោរជាដើម ។
លោកប្រធានសាខាបានអោយដឹងទៀតថា ជាលទ្ធផលនៃការចុះត្រួតពិនិត្យនាថ្ងៃនេះ បានល្អប្រសើ ទំនិញដែលកំពុងដាក់លក់គឺមានសុវត្ថិភាពល្អ ចំពោះការធ្វើតេស្តរកសារធាតុគីមីហាមឃាត់លើនំបញ្ចុក បន្លែ ស្លឹកគ្រៃបុក ដែលអាជីវករដាក់លក់នៅផ្សារលើនេះ ពុំមានសារធាតុគីមីនោះទេ ។
លោកប្រធានសាខាកាំកុងត្រូលខេត្តកំពង់ឆ្នាំង ក៏បានធ្វើការអំពាវនាវដល់អាជីវករទាំងអស់ និង ប្រជាពលរដ្ឋទាំងអស់ ត្រូវយល់ដឹងអំពីសុវត្ថិភាពចំណីអាហារដែលយកទៅដាក់លក់ឲ្យប្រជាពលរដ្ឋ យកទៅបរិភោគ។
ព្រោះថាបើលក់ទំនិញខូចគុណភាពដល់ប្រជាពលរដ្ឋអ្នកប្រើប្រាស់នោះ ធ្វើអោយបាត់បង់ជំនឿទុកចិត្តពីប្រជាពលរដ្ឋ ហើយបង្កផលប៉ះពាល់ សុខភាពដល់អ្នកប្រើប្រាស់ ។ ចំណែកអាជីវករប្រឈមមុខនឹងផ្លូវច្បាប់ជាធរមាន ។លោកប្រធានបានអោយដឹងថា កន្លងមកនេះ តាមរយៈនៃការចុះពិនិត្យ នៅតាមបណ្តាផ្សារនានាក្នុងខេត្តកំពង់ឆ្នាំង ឃើញថា អាជីវកនៅគ្រប់ទីកន្លែង បានយល់ដឹងច្រើនអំពីសុវត្ថិភាពចំណីអាហារ លក់របស់ដែលមានគុណភាពជូនពលរដ្ឋ ដោយឡែកការដាក់តាំងលក់ទំនិញគឺអនុវត្តបានតាមការណែនាំរបស់សមត្ថកិច្ចកាំកុងត្រូល ដោយដាក់តាំងលក់ទំនិញទៅតាមប្រភេទនៃទំនិញនីមួយៗផងដែរ ។