វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 447 នាក់
ម្សិលមិញ 3717 នាក់
សរុប 14148780 នាក់
ភ្នំពេញ៖ក្នុងព្រឹត្តិការណ៍ប្រណាំងកង់ភ្នំ Cambodia MTB Series 2020 ជុំទីពីររៀបចំ នៅព្រែកលៀប ជាយរាជធានីភ្នំពេញកុមារា ប៉ិច ធារ៉ាអ្នកប្រណាំងពាក់លេខ ២៦១ ទទួលនូវការចាប់អារម្មណ៍យ៉ាងខ្លាំងពីសំណាក់អ្នកប្រើប្រាស់បណ្តាញសង្គមហ្វេសប៊ុក។
កុមារា ប៉ិចធារ៉ាពាក់លេខ២៦១អ្វីដែលទាក់ទាញគឺកុមាររូបនេះកុមារជិះកង់កញ្ចាស់អត់ស្បែកជើងអត់មួកចូលប្រកួត ។ភាគច្រើនកោតសរសើរនូវការតស៊ូរបស់ ប៉ិច ធារ៉ា ក្នុងការប្រកួតប្រជែង ដោយមិនខ្វល់ថា ខ្លួនចាញ់ប្រៀបទាំងគុណភាពកង់ និងសម្ភារការពារខ្លួននោះឡើយ។នេះបើតាមលោក កឹម សុវណ្ណា ដែលជាអ្នកថតរូបសារព័ត៌មានដ៏មានបទពិសោធន៍យូរឆ្នាំឲ្យកាសែតដឹង។
កុមារា ប៉ិច ធារ៉ាមានអាយុ១៣ឆ្នាំ រស់នៅភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ ក្បែរតំបន់ព្រែកលៀប រូបនេះ បានប្រាប់សារព័ត៌មានថា ម្តាយ៖ «ខ្ញុំចូលចិត្តកីឡាប្រណាំងកង់ ខ្ញុំចង់ក្លាយជាកីឡាករប្រណាំងម្នាក់នៅថ្ងៃអនាគត»។
ក្នុងចំណោមអ្នកចូលរួមប្រកួតលើគ្រប់ប្រភេទវិញ្ញាសាសរុបជាង២០០នាក់ ធារ៉ា មិនមានឈ្មោះក្នុងកំណត់ត្រានោះឡើយ ប៉ុន្តែលោក កឹម សុវណ្ណា ដែលជាអ្នកថតរូបបានអះអាងថា យុវជនរូបនោះ ពិតជាបានទៅដល់ទី ទោះបីជាមានថិរវេលាយឺតក៏ដោយ។
ក្រុមអ្នករៀបចំព្រឹត្តិការណ៍ Cambodia MTB Series បានឆ្លើយតបនឹងការសាកសួរក្នុងទំព័រហ្វេសប៊ុករបស់ខ្លួនថា៖ «កុមារនៅមូលដ្ឋាន តែងតែចង់ចូលរួមប្រកួតក្នុងព្រឹត្តិការណ៍ យើងអនុញ្ញាតឲ្យពួកគេចូលរួមដោយមិនតម្រូវឲ្យបង់ប្រាក់។ ពួកគេភាគច្រើន គ្មានមួកសុវត្ថិភាព ដែលនេះជាបញ្ហាដ៏ធំ ប៉ុន្តែទោះបីជាយ៉ាងណាក៏ដោយ យើងសម្រេចចិត្តឲ្យពួកគេចូលរួមដើម្បីឲ្យពួកគេបានសប្បាយចិត្ត»។
កូនពៅក្នុងគ្រួសារមានបងប្អូន៥នាក់រូបនេះរៀបរាប់ថា កង់ ដែលខ្លួនប្រើប្រាស់សម្រាប់ប្រកួតប្រជែងក្នុងព្រឹត្តិការណ៍ខាងលើ ជាកង់ដែលខ្លួនទុកជិះលេងពេលទំនេរពីការសិក្សា។ សិស្សថ្នាក់ទី៤នៅសាលាបឋមសិក្សាមង្គលសត្ថាវ័នរូបនេះ អះអាងថា កត្តា ដែលជំរុញឲ្យខ្លួនចូលរួមប្រកួត ដោយសារការស្រឡាញ់ និងចូលចិត្តជិះកង់។
សម្រាប់ការប្រកួតខាងលើ ប៉ិច ធារ៉ា ពុំទទួលបានលទ្ធផលល្អនោះទេ តែរូបគេបានមកដល់គោលដៅ។ កុមារារូបនេះ បានរៀបរាប់ពីស្ថានភាពគ្រួសារថា គ្រួសារគេមានជីវភាពក្រលំបាក ដោយឪពុកជាជាងសំណង់ រីឯម្តាយជាស្ត្រីមេផ្ទះ ហើយបច្ចុប្បន្នកំពុងញាំញីដោយជំងឺ។
ក្រោយមកកុមាររូបនេះទទួលបានការជួយឧបត្ថម្ភកង់និងអំណោយមួយចំនួនពីសុប្បរសជននាថ្ងៃទី១១វិច្ឆិកា!។អំណោយលោក ម៉ឺង ពន្លឹក ប្រធានសមាគមចលនាយុវជនកម្ពុជា(ក្រុម១៥៧) មាន៖– កង់ថ្មី ចំនួន ១គ្រឿង និងសម្ភារកង់ ១កំប្លេ– អាវកង់ (ក្រុម១៥៧)– ស្បែកជើង ១ គូ
– ខោ អាវ Baleno ១ កំប្លេ– កាតាប ១ សៀវភៅ ១០ ក្បាល ប៊ិច ១ កំប៉ុង– អង្ករ ២០គីឡូ– ទឹកត្រី ១យួរ– ទឹកស៊ីអីវ ១ យួរ– ត្រីខ កំប៉ុង ១យួរ
– ទឹកសុទ្ធ ១កេសនឹងថវិកា ៧០០.០០០ រៀល៕