សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 9346 នាក់

ម្សិលមិញ 8227 នាក់

សរុប 14136227 នាក់

លោកស្រី វេជ្ជបណ្ឌិត ឱ វណ្ណឌីន និងលោក ឃួង ស្រេងប្រកាសបិទបញ្ចប់យុទ្ធនាការចាក់វ៉ាក់សាំងការពារជំងឺកូវីដ-១៩ ទូទាំងរាជធានីភ្នំពេញ !

27-March-2024 / សុខភាពនិងកីឡា

ភ្នំពេញ៖ ស្ថិតនៅវិទ្យាល័យ ជា សុីម ជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញនារសៀលថ្ងៃទី០៨ ខែកក្កដា ឆ្នាំ២០២១ នេះ លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស និង ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញចូលរួមពិធីបិទបញ្ចប់យុទ្ធនាការចាក់វ៉ាក់សាំងការពារជំងឺកូវីដ-១៩ ទូទាំងរាជធានីភ្នំពេញ។ a close inject1

លោកស្រីវេជ្ជបណ្ឌិត ឱ វណ្ណឌីនមានប្រសាសន៍ថា ៖ក្រោមការដឹកនាំរបស់របស់សម្ដេចអគ្គមហាសេនាបតីតេជោហ៊ុន សែន យុទ្ធនាការនៃការចាក់វ៉ាក់សាំងការពារជំងឺកូវីដ-១៩ បានចាប់ផ្ដើម ចាក់ វ៉ាក់សាំងនេះជូនប្រជាពលរដ្ឋកាល ពីថ្ងៃទី ទី១០ខែកុម្ភៈឆ្នាំ២០២១ ហើយបើគិតមកដល់ត្រឹមថ្ងៃទី០៧ខែកក្កដាម្សិលមិញនេះ គឺមានប្រជាពលរដ្ឋដែលបានមកចាក់វ៉ាក់សាំងការពារជំងឺកូវីដ-១៩ មានចំនួន ២១២៨៧៩១ នាក់។ អ្នកដែលមិនបានទទួលការចាក់វ៉ាក់សាំងនេះ មានចំនួន ២៣៨០៤នាក់ ដោយអ្នកទាំងនេះ ជាប្រជាពលរដ្ឋដែលមានបញ្ហាសុខភាព ក្រោយពីក្រុមគ្រូពេទ្យបានពិនិត្យឃើញថា ពួកគាត់មិនអាចចាក់វ៉ាក់សាំងការពារជំងឺកូវីដ-១៩បាន។

លោកស្រីបន្តថា ៖ការកើនឡើងចំនួនអ្នកចាក់រហូតដល់ជាង២លាន១សែននាក់ស្មើនឹង១២៣,៦៥ ភាគរយ នេះ គឺដោយសារយើងបានចាក់អោយប្រជាពលរដ្ឋមកពីខេត្ត ពិសេសបងប្អូនកម្មករនិងជនបរទេសនៅស្រុកខ្មែរ ។ ដោយឡែកសម្រាប់អ្នកនៅភ្នំពេញចំនួនភាគរយដែលប្រជាពលរដ្ឋបានចាក់គឺមានចំនួន៩៩,២២ភាគរយ ហើយយចំនួនដែលនៅសល់ គឺជាចំនួនបងប្អូនប្រជាពលរដ្ឋដែលមានបញ្ហាសុខភាពមិនអាចចាក់វ៉ាក់សាំងបាន។

លោកស្រីវេជ្ជបណ្ឌិត ឱ វណ្ណឌីនបានបញ្ជាក់ទៀតថា ៖ក្រុមគ្រូពេទ្យបញ្ចប់ការចាក់វ៉ាក់សាំងការពារជំងឺកូវីដ-១៩ នៅថ្ងៃទី០៨ខែកក្កដានេះ ហើយក្រុមគ្រូពេទ្យនឹងបន្តសកម្មភាពនៃការចាក់វ៉ាក់សាំងជូនប្រជាពលរដ្ឋនៅតាមបណ្ដាខេត្តផ្សេងៗទៀត ដោយអនុវត្តទៅតាមយុទ្ធសាស្ត្រផ្ការីករបស់សម្ដេចតេជោហ៊ុនសែន ។

លោក ឃួង ស្រេង អភិបាលរាជធានីភ្នំពេញបានលើក ឡើងផងដែរថា ៖សម្រាប់ប្រជាពលរដ្ឋដែលរស់នៅក្នុងរាជធានីភ្នំពេញតែម្តង បានទទួលការចាក់វ៉ាក់សាំងការពារជំងឺកូវីដ-១៩ ចំនួនប្រមាណ ជាង១លាន៧សែននាក់ ចំពោះ តួលេខដែលបានកើនឡើងរហូតដល់ជាង ជាង២លាន១សែននាក់នោះ គឺដោយសារតែមានបងប្អូនប្រជាពលរដ្ឋ ជាកម្មករកម្មការិនីនៅតាមខេត្តបានសម្រុកចាក់វ៉ាក់សាំងការពារកូវីត-១៩នៅភ្នំពេញហើយ ក្នុងនោះក៏មានជនបរទេស មកទទួលការចាក់វ៉ាក់សាំងនៅរាជធានីភ្នំពេញនេះផងដែរ ។

សូមជម្រាបថា នៅក្នុងសេចក្ដីជូនដំណឹងរបស់ក្រសួងសុខាភិបាល នៅថ្ងៃទី០៧ ខែកក្កដា ឆ្នាំ២០២១ រកឃើញអ្នកឆ្លងថ្មី ៩៥៤នាក់ទៀត ជាសះស្បើយ ១០៤៦នាក់ និងស្លាប់ ២៧នាក់៖– ករណីឆ្លងសហគមន៍ ៨១៨នាក់– អ្នកដំណើរពីបរទេស ១៣៦នាក់
គិតត្រឹមព្រឹក ថ្ងៃទី៨ ខែកក្កដា ឆ្នាំ២០២១– អ្នកឆ្លងសរុប= 58,057 នាក់– អ្នកជាសះស្បើយ= 50,020 នាក់– អ្នកស្លាប់= 825 នាក់ ៕