វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3852 នាក់
ម្សិលមិញ 5467 នាក់
សរុប 14163429 នាក់
ប្រទេសហុងគ្រី៖ នៅក្នុងប្រទេសហុងគ្រីមានករណីឆ្លងជម្ងឺកូវីតកើនឡើងដល់ទៅ ១១៨.៩១៨ នាក់និង ស្លាប់២.៥៩៦នាក់។ ចំណែកអ្នកព្យាបាលជាសះស្បើយវិញមានតែ២៧ពាន់នាក់ប៉ុណ្ណោះ ។ អ្វីដែលចាប់អារម្មណ៍បំផុតគឺក្នុងរយៈពេល២៤ម៉ោងកន្លងមក ប្រទេសនេះ មានអ្នកឆ្លងកូវីដ-១៩ថ្មីដល់ទៅជាង៤១០០នាក់។នេះបើតាមគេហទំព័រ Worldometer នៅថ្ងៃទី១០ខែវិច្ឆិកាឆ្នាំ២០២០។
សារព័ត៌មាន BBC បានផ្សាយឲ្យដឹងថាដោយសារតែការឆ្លងកើនឡើងខ្ពស់ ហើយមន្ត្រីរដ្ឋាភិបាលប្រទេសនេះជាច្រើនរូបក៏បានឆ្លងផងដែរ ដើម្បីទប់ស្កាត់ការរីករាលដាលនៃជំងឺកូវីដ-១៩ ប្រទេសហុងគ្រីសម្រេចបិទប្រទេសជាថ្មី គឺលើកទីពីរ ។នាយករដ្ឋមន្ត្រីប្រទេសហុងគ្រី លោក Viktor Orban បានប្រកាសបិទប្រទេសរយៈពេលមួយខែ ពោលគឺចាប់ពីថ្ងៃពុធ ទី១១ខែវិច្ឆិកា ខាងមុខនេះតែម្តង ។ វិធានការនេះ នឹងធ្វើការហាមឃាត់ការប្រមូលផ្តុំជាសាធារណៈ និងការបិទសាលារៀនមួយចំនួន ដោយឱ្យសិស្សរៀនតាមអនឡាញវិញ ។
មិនថាប្រទេសហុងគ្រីនោះឡើយ ប្រទេសជាច្រើនទៀតនៅក្នុងតំបន់អឺរ៉ុប ក៏បានសម្រេចបិទប្រទេសជាលើកទីពីរផងដែរ ដោយសាររលកឆ្លងកូវីដ-១៩លើកទីពីរកើនឡើងខ្ពស់។ សូមបញ្ជាក់ថាពិភពលោកទាំងមូលមានករណីឆ្លងកើនឡើងដល់ទៅជាង៥១,៣ លាននាក់។មានអ្នក ស្លាប់ ១,២៧លាននាក់ និងជាសះស្បើយជាង៣៦,១លាននាក់ផងដែរ៕