ប៉េអឹមខេត្តកំពង់ធំចុះបង្ក្រាបបទល្មើសជនមាន់ស្លាប់ពលរដ្ឋម្នាក់មេបញ្ជាការលើផ្ទៃប្រទេសបញ្ជាឲ្យស្រាវជ្រាវរកមុខអ្នកបង្ក
20-February-2025 / ព័ត៌មានជាតិ
កំពង់ធំ៖ នៅថ្ងៃទី៩សីហានាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានចេញ បញ្ជាឲ្យស្រាវជ្រាវ និងបង្ក្រាបបទល្មើស រកមូលហេតុពិតក្នុងករណីស្លាប់ប្រជាជននៅខេត្តកំពង់ធំម្នាក់ក្រោយពីមានសមត្តកិច្ចអាវុធហតហថខេត្តចុះបង្ក្រាបបនល្បែងជលមាន់។
តាមសារសំឡេងបណ្តាញសារពត៍មានទទួលបាននាយឧត្តមសនីយ៍ សៅ សុខា មានប្រសាសន៍ ថា ការិយាល័យនាយការិយាល័យអធិការកិច្ច ស្នងការ ស្នងការដ្ឋានកសាងកម្លាំង រួមជាមួយនឹងស្នងការ ស្នងការដ្ឋានស្រាវជ្រាវ និងបង្ក្រាបបទល្មើស ដែលទាក់ទងទៅនឹងការអនុវត្តន៍នូវនីតិវិធី ដឹកនាំកិច្ចការស្រាវជ្រាវនេះ ដោយស្នងការ ស្នងការស្រាវជ្រាវ និងបង្ក្រាបបទល្មើស ចុះទៅធ្វើអធិការកិច្ច ទៅត្រួតពិនិត្យ រកអំពីមូលហេតុពិតករណីស្លាប់ប្រជាជននៅខេត្តកំពង់ធំ ។
«ថ្ងៃនេះខ្ញុំនឹងធ្វើសេចក្ដីសម្រេចចេញបទបញ្ជាឲ្យអស់លោកចុះទៅស្រាវជ្រាវហើយខេត្តកំពង់ធំ ត្រូវសហការរឿងនេះឲ្យបានពិតប្រាកដស៊ីជម្រៅ កំហុសនៅលើអ្នកណា ដែលបានប្រព្រឹត្តត្រូវឃាត់ខ្លួនអ្នកហ្នឹងភ្លាម ឥឡូវនៅចំពោះមុខ ខ្ញុំសុំឃាត់មនុស្សទាំងដែលមានការពាក់ព័ន្ធ អ្នកដែលចុះទៅអនុវត្តរង់ចាំការស្រាវជ្រាវ»។ទាក់ទិននឹងករណីនេះ លោកឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំមិនអាចសុំការបំភ្លឺ បាននោះទេ ដោយគាត់បានបញ្ជាក់ប្រាប់កាសែតថា«វល់ជាប់ប្រជុំ»។
អ្នកស្រី សុន សារិន អាយុ៤៦ឆ្នាំរស់នៅភូមិរួម ឃុំក្រវ៉ា ស្រុកបារាយណ៍ ខេត្តកំពង់ធំ បានឲ្យដឹងថា ជនរងគ្រោះសព(ប្តីគាត់)ឈ្មោះ សួង ឌ័ន អាយុ ៤៧ឆ្នាំ ជាអនុភូមិក្រវ៉ា កាលវេលាម៉ោង ៥ល្ងាចថ្ងៃទី៧ ខែសីហា ឆ្នាំ២០២២ នៅភូមិរូង ឃុំក្រវ៉ា ស្រុកបារាយ ខេត្តកំពង់ធំ ត្រូវបានកម្លាំងអាវុធហ្ថចាប់ខ្លួន និងបានទៅសង្កត់ត្រង់ចំណុច ក រហូតគាត់ដកដង្ហើមមិនចេញ រហូតគាត់ផុតដង្ហើមនៅលើរថយន្តរបស់អាវុធហត្ថ ។គាត់សូមឲ្យជួយរកពន្លឺយុត្តិធម៌ជូនគ្រួសារគាត់ផង។
ចំណែកលោក ពេជ្រ ថៃ អាយុ ៥០ឆ្នាំ ត្រូវបានកម្លាំងអាវុធហត្ថឃាត់ខ្លួនទៅជាមួយនឹងជនរងគ្រោះខាងលើនេះបានឲ្យដឹងថា មុនកើតហេតុជនគ្រោះបានចូលជ្រកភ្លៀង នៅតូបបើកល្បែងមាន់អនឡាញ មិនទាន់អង្គុយផងស្រាប់តែមានកម្លាំងអាវុធហត្ថចុះចាប់តែម្តង ។ លោកបានបន្តថា កុំរត់មានក្រុមហ៊ុនគេជាអ្នកស្រាយទេ តែជនរងគ្រោះខ្លាចក៏រត់តែម្តង តែរត់មិនរួចត្រូវបានអាវុធហត្ថឃាត់ខ្លួនបានតែម្តង ហើយក៏វាយខ្នោះ តែភ្លាមនោះ ជនរងគ្រោះបានស្រែកប្រាប់កម្លាំងអាវុធហត្ថថា ខ្លួនមិនស្រួលខ្លួនឡើយ សូមដោះខ្នោះចេញ តែយ៉ាងណាកម្លាំងសមត្ថកិច្ចមិនព្រមដោះខ្នោះឡើយ។
លោកបានបន្ថែមថា ក្រោមមកបានចាប់បញ្ជូនចូលក្នុងរថយន្តតែម្តង ដែលមានគ្នា ៤នាក់ ទាំងជនរងគ្រោះត្រូវបានកម្លាំងសមត្ថកិច្ចចាប់បញ្ជូនមកខេត្ត តែភ្លាមនោះជនរងគ្រោះថា «បងខ្ញុំមិនស្រួលទេ» ដល់ពាក់កណ្តាលទើបកម្លាំងអាវុធហត្ថដោះខ្នោះចេញពីជនរងគ្រោះ តែអាការមិនស្រួលឡើយ ហើយសភាពរាងកាយជនរងគ្រោះបែកញើសជោក រហូតដល់ផ្លូវ២០២ទើប ជនរងគ្រោះស្រែកម្តងទៀតថា ស្រែកទឹកណាស់ តែក្នុងរថយន្តនោះគ្មានទឹកឡើយ ហើយក៏ឈប់រថយន្តទិញទឹកឲ្យជនគ្រោះផឹក តែជនរងគ្រោះមិនព្រមផឹកទេ ប្រហែលជា ១០នាទី សភាពជនរងគ្រោះត្រជាក់រឹងដូចដំថ្ម តែដល់ចំណុចមុខវត្តបល្ល័ង្ក ភូមិបល្ល័ង្ក ស្រុកបារាយណ៍ ឈ្មោះ សួង ឌ័ន បានធ្វើទុកម្តងទៀត ក៏ដាច់ខ្យល់ស្លាប់តែម្តង។ ទោះបីជាព្យាយាមធ្វើចលនាយ៉ាងណាក្តី តែជនរងគ្រោះបានស្លាប់ហើយ ។ លោកបន្ថែម ក្រោមពីបានស្លាប់ក្នុងរថយន្តសមត្ថកិច្ចក៏បានដឹកបញ្ជូនទៅកាន់មន្ទីរពេទ្យបង្អែកស្រុកសន្ទុក បារាយណ៍ ដើម្បីឲ្យគ្រូពេទ្យធ្វើការសង្គ្រោះ ប៉ុន្តែពេលដល់មន្ទីរពេទ្យបានប្រាប់ថា ឈ្មោះ សួង ឌ័ន(ជនរងគ្រោះ) បានស្លាប់បាត់បង់ជីវិតហើយ។
សូមបញ្ជាក់ថា កម្លាំងអាវុធហត្ថខេត្តកំពង់ធំ បានចុះប្រតិបត្តិការ បង្ក្រាបទីតាំងហាងកាហ្វេជល់មាន់អនឡាញមួយកន្លែង នៅភូមិរូង ឃុំក្រវ៉ា ស្រុកបារាយណ៍ ខេត្តកំពង់ធំ កាលពីវេលាម៉ោង៥ល្ងាច ថ្ងៃទី៧ ខែសីហា ឆ្នាំ២០២២ បង្កឲ្យមានករណីសោកនាដកម្មខាងលើនេះ៕
