ដាក់ពិន័យត្រឹមព្រមានស្តីឲ្យករណីយ៍លោក សិដ្ឋ តារា អនុប្រធានពន្ធនាគារខេត្តកំពង់ស្ពឺ ពុករលួយ កឹបកេងលុយរដ្ឋ
11-February-2026 / ព័ត៌មានជាតិ
ភ្នំពេញ៖ លោក សិដ្ឋ តារា អនុប្រធានពន្ធនាគារខេត្តកំពង់ស្ពឺ ត្រូវបានសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ដាក់ទណ្ឌកម្មវិន័យតាមរូបភាព អប់រំ ព្រមាន ស្ដីបន្ទោស ដោយសារពាក់ព័ន្ធករណីកឹបកេងលុយរដ្ឋ(ពុករលួយ)។ នេះបើតាមប្រកាសស្ដីពីការអនុវត្តទណ្ឌកម្មចំពោះមន្ដ្រីពន្ធនាគារ របស់សម្ដេចក្រឡាហោម ស ខេង ចេញនៅរសៀលថ្ងៃទី០៨ ខែមិថុនា ឆ្នាំ២០២២។
ការដាក់ពិន័យគឺយោងតាមលិខិតរបស់លោក ឆែម សាវុធ អគ្គនាយក នៃអគ្គនាយកដ្ឋានពន្ធនាគារដែល បានឲ្យដឹងថា អគ្គនាយកដ្ឋានពន្ធនាគារ បានអញ្ជើញលោក សិដ្ឋ តារា អនុប្រធានពន្ធនាគារខេត្តកំពង់ស្ពឺ (អតីតជាប្រធានការិយាល័យរដ្ឋបាល សរុប) មកបំភ្លឺករណីលោក សុទ្ធ ភឿន បានទទួលមរណភាព ហើយពុំបានរៀបចំឯកសារ ដើម្បីស្នើសុំបង្កកប្រាក់បៀវត្ស។បើតាមលិខិតមេគុកធំលោក សុទ្ធ ភឿន មុនពេលទទួលមរណភាព បានលក់ប្រាក់បៀវត្សឲ្យទៅប្រពន្ធរបស់លោក សិដ្ឋ តារា ហើយកាតវីងនោះ បានតម្កល់ទុកនៅប្រពន្ធលោក សិដ្ឋ តារា ជាអ្នកបើកប្រាក់ប្រចាំខែ។ ចំពោះលោក សិដ្ឋ តារា ពេលនោះ ក្នុងនាមជាប្រធានការិយាល័យរដ្ឋបាល សរុប (មន្ត្រីជំនាញ) បានដឹងឮករណីមានចងការប្រាក់នេះដែរ ប៉ុន្តែរូបលោកធ្វើជាមិនដឹង ដើម្បីការពារផលប្រយោជន៍ផ្ទាល់ខ្លួន ដោយមូលហេតុប្រពន្ធជាអ្នកចងការប្រាក់ ឲ្យមន្ត្រីក្នុងពន្ធនាគារ។
ក្នុងន័យនេះ ដើម្បីចៀសវាងជាគំរូមិនល្អដល់មន្ត្រីដទៃទៀត ក្នុងការដឹកនាំគ្រប់គ្រង និងដោយ អនុលោមតាមក្រមសីលធម៌ និងបទវិន័យមន្ត្រីអនុរក្សពន្ធនាគារត្រង់ ប្រការ៨ ចំណុចគ.១ ត្រទី១៣ ចែងអំពី «ការមិនគោរពអនុវត្តបញ្ជ និងការណែនាំរបស់ប្រធានអង្គភាព»។ អគ្គនាយកដ្ឋានពន្ធនាគារ បានស្នើសុំគោលការណ៍អនុវត្តទណ្ឌកម្ម ខាងវិន័យចំពោះលោក សិដ្ឋ តារា បច្ចុប្បន្នអនុប្រធានពន្ធនាគារខេត្តកំពង់ស្ពឺ តាមរូបភាព អប់រំ ព្រមានស្តីបន្ទោសតែម្ដង។សូមបញ្ជាក់ថាបើតាមច្បាប់ប្រឆាំងអំពោះពុករលួយគឺអនុគ្រោះសូន្យគ្រប់ករណិយ៍ពុករលួយទាំងអស់។តែករណីយ៍មួយនេះសម្តេចមេគុកធំនាយឧត្តមសេនីយ៍ឆែមសាវុធស្នើសុំតែដាក់ការព្រមានទៅវីញដោយមិនអនុវត្តតាមច្បាប់ប្រឆាំងអំពើរពុករលួយឡើយ។ការពិតទៅក្នុងគុកខេត្តកំពង់ស្ពឺនេះមានលេចចេញរឿងអាស្រូវបក្ខពួកនិងគ្រប់គ្រងគ្មានតម្លាភាពផងដែរតែមិនមានការដាកវិធានការអ្វីឡើយសម្រួលគ្នារហូត។
ជាំក់ស្តែងជាមួយនឹងភាពមិនប្រក្រតីរបស់មន្ត្រីពន្ធនាគារខាងលើនេះ ក៏មានទីតាំងលេងភ្នាល់ឡូតូនៅខាងមុខពន្ធនាគារខេត្ត ក៏បើកលេងយ៉ាងរំភើយផងដែរ ដែលធ្វើឲ្យមន្ត្រីខ្លះញៀនល្បែង នាំគ្នាសម្រុកចូលលេងរហូតអ្នកខ្លះ បញ្ចាំរបស់របរ មានម៉ូតូជាដើម។ ប្រជាពលរដ្ឋដែលធ្វើដំណើរឆ្លងកាត់ ក៏ជាអ្នកបានឃើញបានរិះគន់ថាមន្ត្រីពន្ធនាគារខេត្តកំពង់ស្ពឺ វក់និងញៀនល្បែងស៊ីសងយ៉ាងខ្លាំង។លោកឧត្តមសេនីយ៍មេគុកខេត្តកំពង់ស្ពឺ ទីន សុវណ្ណនី នៅរសៀលថ្ងៃទី៨ ខែមិថុនា ឆ្នាំ២០២២នេះ បានប្រាប់កាសែតហ្វ្រេសនីវ ថា លោកទទួលស្គាល់ពិតជាមាន ហាងខាង មុខពន្ធនាគារមួយកន្លែង បើកលេងឡូតូតាមកញ្ចក់ទូរទស្សរាល់ថ្ងៃ តែមានច្បាប់ ឬអត់ច្បាប់លោកមិនបានដឹងទេ ពីព្រោះមិនជាជំនាញលោក តែលោកបានរាយការណ៍ថ្នាក់លើ និងជំនាញនគរបាលខេត្តអស់ហើយកន្លងមក។លោកមេគុករូបនេះស បានបញ្ជាក់ថា កន្លងកូនចៅបានចូលលេងនៅទីនោះមែនតែត្រូវបានកោះប្រជុំណែនាំ រហូតធ្វើកិច្ចសន្យាលាយលក្ខជាអក្សររួចរាល់ហើយ រហូតមន្ត្រីខ្លះត្រូវបានបញ្ឈរជើងថែមទៀតផង។ ក្រោយលេចចេញបាតុភាពខាងលើ ក្រុមគណៈកម្មការខេត្ត បានចុះពិនិត្យដល់ពន្ធនាគារផ្ទាល់ផងដែរ។
