» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2924 នាក់

ម្សិលមិញ 6501 នាក់

សរុប 13951479 នាក់

ដី​ឃុំ​នៅ​បិត​ត្រាំ​ង​៦៩​ហិកតា​ត្រូវ​បានប្រគល់​ឲ្យ​ក្រុមហ៊ុន Ream City Land​ដូ​និង​អគារ​សាលាខេត្ត​ព្រះសីហនុ​ថ្មី​មួយ​និង​ផ្លូវ​២​គីឡូម៉ែត្រ​


​ខេត្ត​ព្រះសីហនុ​៖​កិច្ចព្រមព្រៀង​ដោះដូ​ដី​មួយ​របស់​រដ្ឋ​ជាមួយ​ក្រុមហ៊ុន​អភិវឌ្ឍន៍ ដែល​ត្រូវ​បានបង្ហាញ​នៅក្នុង​ឯកសារ​ផ្លូវការ បានឱ្យដឹងថា ថា ដីព្រៃ​រដ្ឋ​ចំនួន​៩៤​ហិកតា​ត្រូវបាន​ផ្ទេរ​ទៅឱ្យ​ឧកញ៉ា​នៅ​ខេត្ត​ព្រះសីហនុ ម្នាក់​និង​៦៩​ហិកតា ទៅឱ្យ​ក្រុមហ៊ុន Ream City Land & House​។ ដី​បឹង​តា​មោក ប្រមាណ​១៦​ហិកតា​ក៏ត្រូវ​បាន​ផ្ទេរ​ទៅឱ្យ​បុគ្គល​២​រូប​ផងដែរ​។​ឯកសារ​ផ្ទេ​ដែល​ចុះហត្ថលេខា​ដោយ​សម្តេចនាយក​រដ្ឋមន្ត្រី ហ៊ុន សែន នៅ​ថ្ងៃទី​២០ ខែឧសភា ឆ្នាំ​២០២២​បាន​ឲ្យ​ដឹងថា​ការដោះដូរ​ដី​របស់​រដ្ឋាភិបាល​ដើម្បី​ទទួលបាន​គម្រោង​សាងសង់​សាធារណៈ​។a land sihanu  

កិច្ចព្រមព្រៀង​របស់រ​ដ្ឋា​ភិ​បាល​ជាមួយ​ក្រុមហ៊ុន Ream City Land បង្ហាញថា ក្រុមហ៊ុន Ream City Land ទទួលបាន​ដី​មាត់សមុទ្រ​ទំហំ​៦៩​ហិកតា សម្រាប់​សាងសង់​កំពង់ផែ​ទេសចរណ៍ និង​លំនៅដ្ឋាន​។ ថ្នូរ​នឹង​ការដោះដូរ​នេះ ក្រុមហ៊ុន Ream City Land នឹង​សាងសង់​អគារ​រដ្ឋបាលខេត្ត​ព្រះសីហនុ ដែល​ក្រុមហ៊ុន​បាន​ប៉ាន់ប្រមាណ​ថា​នឹង​ចំណាយ​ទឹកប្រាក់​ចំនួន​១០​លាន​ដុល្លារ​។ ក្រុមហ៊ុន​ក៏​នឹង​សាងសង់​ផ្លូវ​មួយ​ខ្សែ​ប្រវែង​២,១​គីឡូម៉ែត្រ​នៅ​រាម ដោយ​មិនបាន​បញ្ជាក់​ពី​ចំនួន​ថវិកា​សម្រាប់​ការសាងសង់​នេះឡើយ​។​​បើ​គិត​ទៅ ប្រាក់​ចំនួន​១០​លាន​ដុល្លារ សម្រាប់​ផ្ទៃដី​៦៩​ហិកតា ស្មើនឹង​ប្រហែល​១៤,៥​ដុល្លារ​ក្នុង​មួយ​ម៉ែត្រការ៉េ​។ អនុក្រឹត្យ​នេះ​បន្ថែមថា ការអភិវឌ្ឍ​របស់​ក្រុមហ៊ុន Ream City Land នឹងមាន «​លំនៅដ្ឋាន​ឆ្លាត​វៃ ទំនើប និង​ប្រកបដោយ​ភាព​ច្នៃ​ប្រតិដ្ឋ​»​។​

​ចៅសង្កាត់​រាម លោក គឹម ចាន់ មានប្រសាសន៍ថា មន្ត្រី​មូលដ្ឋាន​មិនបាន​ដឹង​អំពី​កិច្ចព្រមព្រៀង​របស់​រដ្ឋ​ជាមួយ​អាជីវកម្ម​ឯកជន​នេះ​ទេ​។​៖ «​ខ្ញុំ​មិនដឹង​រឿងនេះ​ទេ​។ យើង​មិនទាន់​ឃើញ​អនុក្រឹត្យ​នោះ​នៅក្នុង​ឃុំ​ទេ​។ អនុក្រឹត្យ​ទាំងអស់​ដែល​បានចេញ មិនដែល​បានមក​ដល់​ឃុំ​ទេ ប៉ុន្តែ​ប្រហែលជា​នៅ​ថ្នាក់ស្រុក​»​។​​អនុ​ក្រិ​ត្យ​ក្នុង​ការផ្ទេរ​ដី​ដាច់ដោយឡែក​មួយ​នៅ​ស្រុក​ព្រៃនប់ ខេត្ត​ព្រះសីហនុ លោក​ឧកញ៉ា រតនៈ សម្បត្តិ ទទួលបាន​ដី​៩៤​ហិកតា ដែល​កាលពីមុន​ត្រូវបាន​កំណត់​ជា​គម្រប​ព្រៃឈើ ក្នុង​ឃុំ​បិត​ត្រាង​បានធ្វើ​ឡើង មួយ​សប្ដាហ៍​ក្រោយពី លោក​ឧកញ៉ា រតនៈ សម្បត្តិ បាន​បរិច្ចាគ​ថវិកា​ចំនួន​២​ម៉ឺន​ដុល្លារ​ដល់​សាខា​កាកបាទក្រហមកម្ពុជា​ខេត្ត​ព្រះសីហនុ​។ លោក​ឧកញ៉ា រតនៈ សម្បត្តិ ក៏បាន​បរិច្ចាគ​ឧបករណ៍​ការពារ​កុបកម្ម​ដល់​មន្ត្រីនគរបាល​ខេត្ត​ព្រះសីហនុ​ផងដែរ​។ នេះ​បើ​យោងតាម​សារព័ត៌មាន Huy Bunleng​។​​មេឃុំ​បិត​ត្រាង លោក មៀ​ច ចាន់ ឱ្យដឹងថា ដី​នេះ ពីមុន​ជា​កម្មសិទ្ធិ​របស់​ក្រុមហ៊ុន​មួយ​ឈ្មោះថា Fuhai Development​។​​ឯកសារ​ដដែល​ដែល​រៀបរាប់​ពី​កិច្ចព្រមព្រៀង​ស្តីពី​ដីធ្លី​ខេត្ត​ព្រះសីហនុ ក៏បាន​រៀបរាប់​ពី​ការផ្ទេរ​របស់​រដ្ឋាភិបាល​នូវ​ផ្ទៃដី​ទំហំ​១៥,៦​ហិកតា​នៅ​បឹង​តា​មោក ក្នុង​រាជធានី​ភ្នំពេញ ទៅឱ្យ​បុគ្គល​ឈ្មោះ ថៃ អ៊ុយ និង តាំង គីម​ផងដែរ​។​ a land sihanu1