វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2452 នាក់
ម្សិលមិញ 5378 នាក់
សរុប 14081745 នាក់
ភ្នំពេញ៖ទំនប់អាងស្តុកទឹកអូរខៃដននៅព្រុំដែនខ្មែរថៃត្រូវបានបាក់បណ្ដាលឲ្យមានការជន់លិចផ្លូវជាតិលេខ៥ចំណុចកូនដំរីនិងភូមិមួយចំនួនក្នុងសង្កាត់និមិត្តប្រឈមនឹងការរងគ្រោះ។ នៅព្រឹកថ្ងៃទី២០ ខែតុលា ឆ្នាំ២០២០ កម្លាំងអន្តរាគមន៍កងពលតូចថ្មើរជើងលេខ៥១ បានចុះសម្រួលចរាចរណ៍ជូនប្រជាពលរដ្ឋនិងជួយសង្គ្រោះជម្លៀសប្រជាពលរដ្ឋរងគ្រោះដោយទឹកជំនន់ដែលហូរចេញពីអាងស្តុកទឹកអូរខៃដនដែលបាក់បណ្ដាលឱ្យទឹកហូរកាត់ផ្លូវជាតិលេខ៥ ចំណុចកូនដំរី ដល់រង្វង់មូលផ្លូវលេខ៥៨ ហើយភូមិមួយចំនួន មានភូមិសូរិយា ភូមិអណ្ដូងថ្មមាស ភូមិថ្មសិនសង្កាត់និមិត្តប៉ោយប៉ែត។
រដ្ឋបាលក្រុងប៉ោយប៉ែត បានសេចក្តីជូនដំណឹងស្តីពីការផ្អាកធ្វើចរាចរជាបណ្តោះអាសន្ននូវយានយន្តដឹកជញ្ជូនធុនធំគ្រប់ប្រភេទ ដែលធ្វើដំណើរឆ្លងកាត់ផ្លូវជាតិ៥ត្រង់ចំណុចអាស្រមលោកយាយម៉ៅរហូតដល់ផ្លូវបំបែកកូនដំរីទៅស្រុកម៉ាឡៃ និងផ្លូវក្នុងទីប្រជុំជនក្រុង ចាប់ពីជូនដំណឹងនេះទៅរហូតដល់ទឹកស្រកទៅវិញ។
ក្នុងថ្ងៃនេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចេញពីភ្នំពេញទៅពិនិត្យដោយស្ថានភាពដោយផ្ទាល់។
សម្តេចមានប្រសាសន៍តាមហ្វេសប៊ុកថា៖ ពេលនេះខ្ញុំកំពុងធ្វើដំណើរទៅកាន់ខេត្ត បន្ទាយមានជ័យដើម្បីសួរសុខទុក្ខនិងជួយឧបត្ថម្ភប្រជាជនប្រមាណពីរម៉ឺនគ្រួសារដែលរងគ្រោះដោយជំនន់ទឹកភ្លៀង។ ខ្ញុំនឹងបំពេញការងារពីរថ្ងៃនៅខេត្តបន្ទាយមានជ័យគឺថ្ងៃ២១និងថ្ងៃ២២ខែតុលាឆ្នាំ២០២០ មុននឹងត្រឡប់មកភ្នំពេញវិញដើម្បីដឹកនាំការប្រជុំគណៈរដ្ឋមន្ត្រីនៅថ្ងៃ២៣ ខែតុលាឆ្នាំ២០២០៕