វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 456 នាក់
ម្សិលមិញ 8227 នាក់
សរុប 14127337 នាក់
ភ្នំពេញ៖ឃាតកម្មសម្លាប់ថៅកែជនជាតិចិន នៅខណ្ឌសែនសុខ រួចយកខ្មោចច្រកក្នុងថង់ខ្មៅដាក់ចូលវ៉ាលីទៅទម្លាក់ នៅខេត្តកំពង់ស្ពឺ, ជនដៃដល់ត្រូវចាប់ខ្លួនបានហើយ។លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ បានឲ្យដឹងថា កាលពីថ្ងៃទី២៣ ខែកញ្ញា ឆ្នាំ២០២០ នៅចំណុចចន្លោះគីទ្បូម៉ែត្រលេខ១០៤ -១០៥ ផ្លូវជាតិលេខ ៤ ស្ថិតនៅក្នុងភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានជនសង្ស័យម្នាក់ជិះរថយន្តម៉ាក ហាយទ្បែនឌឺ ពណ៌ស មិនចាំស្លាកលេខ បានមកឈប់នៅចំណុចខាងលើ ហើយបានយកវ៉ាលីពណ៌ខ្មៅមួយ ចេញពីកូថរថយន្តទម្លាក់ទៅជ្រោះ រួចជនសង្ស័យនោះក៏បើករថយន្តគេចខ្លួនមកតាមផ្លូវជាតិលេខ៤ ឆ្ពោះមកភ្នំពេញ។
លុះនៅថ្ងៃទី២៤ ខែកញ្ញា ឆ្នាំ២០២០ កម្លាំងនាយកដ្ឋាននគរបាលព្រហ្មទណ្ឌ បានដឹកនាំសហការជាមួយ ស្នងការដ្ឋាននគរបាលខេត្តកំពង់ស្ពឺ ធ្វើការស្រាវជ្រាវរហូតឈានទៅដល់ការឃាត់ខ្លួនជនសង្ស័យម្នាក់ឈ្មោះ Wu Hong អាយុ៤៨ឆ្នាំ ជនជាតិចិន កាន់លិខិតឆ្លងដែនលេខ E06258381 ជាបុគ្គលិកក្រុមហ៊ុន Bai Lirun Invesment Cambodia Co.,LTD។
នៅព្រឹកថ្ងៃទី២៥ ខែកញ្ញា ឆ្នាំ២០២០សមត្តកិច្ច បានចុះទៅឆែកឆេរ លំនៅដ្ឋានមួយកន្លែងស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ រកឃើញតំណត់ឈាមប្រទ្បាក់នៅតាមជញ្ជាំង, ពិដាន និងបានដកហូតវត្ថុតាងមួយចំនួន ពាក់ព័ន្ធករណីឃាតកម្មនេះ។ជនសង្ស័យ បានសារភាពថា កាលពីវេលាម៉ោង១១ថ្ងៃត្រង់ ថ្ងៃទី២២ ខែកញ្ញា ឆ្នាំ២០២០ គេបានធ្វើសកម្មភាពវាយនឹងញញួរ ចំនួន៥ញញួរ ហើយចាក់មួយកំបិតចំបំពង់ក ទៅលើជនរងគ្រោះឈ្មោះ Zhnag Bing អាយុ៤៥ឆ្នាំ ជនជាតិចិន កាន់លិខិតឆ្លងដែនលេខ EG 0251671 ជាថៅកែក្រុមហ៊ុន Bai Lirun Invesment Cambodia Co.,LTD រហូតដល់ស្លាប់ប្រាកដមែន ។
មូលហេតុដោយសារ តែខឹងជនរងគ្រោះ តែងតែជេស្តីបន្ទោសមកលើខ្លួន ហើយខ្លួនក៏មានគំនុំគំគួនរហូតឈានទៅដល់សម្លាប់តែម្តង។ខ្លួនបានរៀបចំសាកសពដាក់ក្នុងវ៉ាលីពណ៌ខ្មៅមួយ ដឹកតាមរថយន្តមួយគ្រឿងម៉ាក ហាយទ្បែនឌឺ យកទៅទម្លាក់ចោលនៅផ្លូវជាតិលេខ ៤ ហួសកន្លែងយាយម៉ៅ (ភ្នំពេជ្រនិល) ចម្ងាយប្រហែល ២ទៅ៣គីទ្បូ រួចក៏បើករថយន្តមកភ្នំពេញវិញ ក៏ត្រូវសមត្ថកិច្ចឃាត់ខ្លួនតែម្តង។