វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1318 នាក់
ម្សិលមិញ 5020 នាក់
សរុប 14116765 នាក់
បាត់ដំបង៖នៅថ្ងៃទី១១ខែឧសភាឆ្នាំ២០២០ម៉ោង១២ថ្ងៃត្រង់មានភ្លៀងធ្លាក់មួយមេ លាយឡំនឹងខ្យល់កន្ត្រាក់នៅក្នុងឃុំចំនួន២នៃស្រុករតនមណ្ឌលបណ្តាលឱ្យខូចខាតផ្ទះប្រជាពលរដ្ឋ៦ខ្នងនិងរបើកដំបូលសាលាបឋមសិក្សាមួយខ្នង។ប៉ុន្តែមិនមាននរណាម្នាក់រងរបួសទេ។
លោកវរសេនីយ៍ឯកសននិលអធិការនគរបាលស្រុករតនមណ្ឌលបានឱ្យដឹងថាភ្លៀងធ្លាក់មួយមេលាយឡុំនឹងខ្យល់កន្ត្រាក់បោកបក់ទៅលើឃុំផ្លូវមាសរលំផ្ទះចំនួន៥ខ្នងនិងសាលារៀនបឋមសិក្សាបឹងខ្ទុមរបើកដំបូលខូចក្បឿង៦០សន្លឹកនិងឃុំត្រែងរលំផ្ទះចំនួន១ខ្នង។ទាក់តងនិងធាតុអាកាសនេះដែរលោកចាន់ យុត្ថា អ្នកនាំពាក្យនិងជារដ្ឋលេខាធិការក្រសួងធនធានទឹក និង ឧតុនិយមបានឱ្យដឹងថា អាកាស ធាតុក្តៅចាប់ផ្តើមថយចុះទៅវិញហើយនៅថ្ងៃទី១១ខែឧសភានេះបន្ទាប់ពីជ្រលងសម្ពាធទាបរុញមកពីប្រទេសថៃ បានបង្កើនឥទ្ធិពលលើភាគខាងជើង និងតំបន់ ទំនាបកណ្តាលភាគពាយព្យដោយបង្កឱ្យមានភ្លៀងធ្លាក់រាយប៉ាយជាបន្តបន្ទាប់។
ព្រមជាមួយនឹង ជ្រលងសម្ពាធទាបរុញមកពីប្រទេសថៃបានបង្កើនឥទ្ធិពល និង ខ្យល់មូសុងនិរតី ចាប់ផ្តើមបក់មកនូវគ្រប់កម្រិត (ចាប់តាំងពីថ្ងៃទី៤ខែឧសភាខ្យល់មូសុងនិរតី មាន ត្រឹមកម្ពស់៥០០ម៉ែត្រពីផ្ទៃដីនិងចាប់ពីថ្ងៃទី១៥ខែឧសភា ទៅចាប់ផ្តើមបក់មកនូវ កម្ពស់១.៥០០ម៉ែត្រ) មានន័យថារបបខ្យល់សុង និរតីពេញ លេញបាន មកដ ល់ ជា មួយនឹងភ្លៀងធ្លាក់ចាប់ផ្តើមរាយប៉ាយ។
ក្រសួងធនធានទឹកនិងឧតុនិយមនៅថ្ងៃទី១១ខែឧសភាឆ្នាំ២០២០ បានជូន ដំណឹង អំពីស្ថានភាពអាកាសធាតុសម្រាប់ពីថ្ងៃទី១៣ដល់ថ្ងៃទ១៩ខែឧសភាថា ជ្រលងសម្ពាធទាបបង្កើនឥទ្ធិពលមកលើភាគពាយព្យនិង ភាគ ខាងជើង របស់ កម្ពុ ជានិង ចាប់ពីអំឡុងថ្ងៃទី១៥ខែឧសភាទៅរបបខ្យល់មូសុងនិរតីបក់មក លើប្រទេ ស កម្ពុជាជាមួយនិងការចាប់ផ្តើមមកដល់នូវរដូវវស្សា។
ក្នុងសេចក្តីជូនដំណឹងសរសរថា ស្ថានភាពអាកាសធាតុនៅប្រទេស កម្ពុជា ចាប់ពីថ្ងៃទី១៣ដល់ថ្ងៃទី១៥ខែឧស ភាឆ្នាំ២០២០ សម្រាប់បណ្តាខេត្តនៅ តំបន់ វាលទំនាបកណ្តាល មានសីតុណ្ហភាព អប្បបរមាពី២៥ទៅ២៨អង្សាសេ សីតុ ណ្ហ ភាពអតិបរមា មានពី៣៦ទៅ៣៩អង្សា សេ ។ បណ្តាខេត្តនៅជូរភ្នំដងរែក និង ខ្ពង់ រាប ភាគឦសាន មានសីតុណ្ហភាព អប្បប រ មាពី២៥ទៅ២៧អង្សាសេ សីតុណ្ហ ភាព អតិបរមា មានពី៣៤ទៅ៣៨អង្សា សេ និង បណ្តាខេត្តនៅតំបន់មាត់សមុទ្រ មាន សីតុណ្ហភាព អប្បបរមាពី២៥ទៅ២៨អង្សា សេ សីតុណ្ហភាពអតិបរមា មានពី៣៣ ទៅ៣៦អង្សា សេ។
ចាប់ពីថ្ងៃទី១៣ទៅ១៥ ខែឧស ភា បណ្តាខេត្តនៅភាគពាយព្យ អាចនឹងមានភ្លៀងធ្លាក់ ក្នុងកម្រិតពីខ្សោយទៅ បង្គួរ។ ឯផ្នែកដទៃទៀតអាចមានភ្លៀងពីខ្សោយទៅមធ្យម ។ ចាប់ពីថ្ងៃទី១៥ដល់១៩ខែ ឧសភា មានភ្លៀងធ្លាក់ក្នុងកម្រិតពីតិចទៅបង្គួរ សម្រាប់បណ្តានៅតំបន់ជួរភ្នំដង រែក ខ្ពង់រាបភាគឦសាននិងតំបន់មាត់សមុទ្រ។ បាតុភូតផ្គររន្ទះនិងខ្យល់កន្ត្រាក់ នៅតែបន្តកើតមាន ពិនៅបណ្តាខេត្តតំបន់ វាលទំនាបដូចជាខេត្តបន្ទាយមានជ័យ ប៉ៃលិន ពោធិសាត់ បាត់ដំបង សៀមរាប ឧត្តរមានជ័យនិងខេត្តព្រះវិហារ នៅអំ ឡុងពីថ្ងៃទី១៣ដល់ថ្ងៃទី១៦ខែឧសភា ត្រូវបង្កើនការប្រុងប្រយ័ត្ន៕