វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2388 នាក់
ម្សិលមិញ 10264 នាក់
សរុប 14141570 នាក់
ថៃ៖ កាលពីថ្ងៃព្រហស្បតិ៍ ទី៣ ខែកញ្ញាអាជ្ញាធរ ថៃបានចាប់ដាក់គុកមេធាវីសិទ្ធិមនុស្សអាណនណាមប៉ា( Anon Nampa) និងសកម្មជនម្នាក់ទៀត ពីបទរំលោភលើលក្ខខណ្ឌនៃការបង់ប្រាក់ធានានៅក្រៅឃុំ ជុំវិញការប្រមូលផ្តុំធ្វើបាតុកម្មប្រឆាំងរដ្ឋាភិបាល ។
ទីភ្នាក់ងារសារព័ត៌មាន Reuters បានចុះផ្សាយឲ្យដឹងថា៖ការចាប់ខ្លួនពួកគេ គឺស្ថិតក្នុងចំណោមមនុស្ស រាប់សិបនាក់ ដែលត្រូវបានចាប់ខ្លួន ក្នុងរយៈពេលប៉ុន្មានសប្តាហ៍ថ្មីៗនេះ ពីបទញុះញង់ និងការចោទប្រកាន់ទាក់ទងនឹងបាតុកម្ម ដែលប៉ូលិសនិយាយថា បានរំលោភលើបំរាមការប្រមូលផ្តុំ ដើម្បីការពារការឆ្លងកូវីដ១៩ ។ សកម្មជនថៃគ្រោងធ្វើបាតុកម្មធំមួយ នៅថ្ងៃទី១៩ ខែកញ្ញា ។លោក Anon បានបង្ហោះលើហ្វេសប៊ុករបស់លោកថា “ទុកឱ្យការជាប់គុករបស់ខ្ញុំ នៅថ្ងៃនេះ ជាភាពអាម៉ាសនៃការយាយីប្រឆាំងនឹងប្រជាជន ។ នៅថ្ងៃទី១៩ ខែកញ្ញា ឆ្នាំ២០២០ បាតុកម្មនឹងទាមទារយកមកវិញ” ។
លោក Anon ត្រូវបានចាប់ខ្លួនដោយប៉ូលិសថៃ ជាលើកទី៣ កាលពីថ្ងៃទី២៥ ខែសីហា ដែលបានចោទប្រកាន់លោក ពីការនាំឲ្យមានការបះបោរប្រឆាំងនឹងតួនាទីរបស់លោក នៅក្នុងបាតុកម្មនយោបាយមួយ ដែលបានអំពាវនាវឲ្យមានការកែទម្រង់រាជាធិបតេយ្យដ៏មានឥទ្ធិពលរបស់ប្រទេសនេះ ។
លោកត្រូវបានចាប់ខ្លួនក្រោមការចោទប្រកាន់ស្រដៀងគ្នា ពីរដងរួចមកហើយ និងត្រូវបានដោះលែងឱ្យនៅក្រៅឃុំ ។ប៉ូលិសបាននិយាយថា ទាំងលោក Anon និង Panupong ត្រូវប្រឈមមុខនឹងការចោទប្រកាន់ពីបទរំលោភមាត្រា ១១៦ ដែលចែងអំពីការញុះញង់ឲ្យមានការបះបោរ និងពីបទរំលោភលើការរឹតត្បិតការជួបជុំសាធារណៈ ។
មេធាវីការពារសិទ្ធិមនុស្ស បានស្ថិតនៅជួរមុខនៃចលនាមួយ ដែលបានធ្វើបាតុកម្មស្ទើរតែរាល់ថ្ងៃ អស់រយៈពេល មួយខែមកហើយ នៅក្នុងប្រទេសអាស៊ីអាគ្នេយ៍មួយនេះ ។លោក គឺជាមនុស្សទីមួយ ដែលបានអំពាវនាវជាចំហឲ្យមានការផ្លាស់ប្តូរតួនាទីរបស់ព្រះមហាក្សត្រមាហវិជ្ចរ៉ាឡុងកន( Maha Vajiralongkorn )ដោយបានទម្លាយបំរាមដ៏យូរលង់ដែលមហាក្សត្រ មិនអាចប៉ះពាល់បាន ៕