វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3556 នាក់
ម្សិលមិញ 5020 នាក់
សរុប 14119003 នាក់
ភ្នំពេញ ៖ លោក ដួង ចាន់សារ៉ាត់ ប្រធានអង្គភាពលូទឹកនៃមន្ទីរសាធារណការនិងដឹកជញ្ជូនរាជធានីភ្នំពេញ បានឱ្យដឹង នៅរសៀលថ្ងៃទី២៥ សីហា ឆ្នាំ២០២០នេះថា ក្រោយពីមានការណែនាំពីលោក ឃួង ស្រេង អភិបាលរាជធានីភ្នំពេញ បានបញ្ជាឲ្យមន្ទីរសាធារណការ ចុះកាយសំរាមនៅក្នុងប្រឡាយបឹងត្របែក ដែលប្រជាពលរដ្ឋយកទៅបោះចោលរហូតមើលមិនឃើញទឹកក្នុងប្រឡាយនោះទេ។មកដល់ពេល នេះមន្ទីរសាធារណការនិងដឹកជញ្ជូនរាជធានីភ្នំពេញបានកាយនិងកើបដឹកចេញហើយ ។
លោកដួង ចាន់សារ៉ាត់ បានឱ្យដឹងទៀតថា សំរាមនៅក្នុងប្រឡាយបឹងត្របែក ដែលប្រជាពលរដ្ឋយកទៅបោះចោល ក្នុងប្រឡាយនោះកាលពីខែកក្កដាមន្ទីរសាធារណការនិងដឹកជញ្ជូនរាជធានីភ្នំពេញបានកាយប្រមូលសំរាមនៅប្រឡាយបឹងត្របែក បានចំនួន ១៥៤ឡានស្មើនឹងប្រមាណ៥០ភាគរយនៃសំរាមក្នុងប្រឡាយហើយ ដើម្បីរំដោះការលិចលង់ដោយជំនន់ទឹកភ្លៀងនៅរដូវវស្សានេះ។
លោកប្រធានបានបញ្ជាក់ដែរថា តាមគម្រោងរបស់រដ្ឋបាលរាជធានីភ្នំពេញក្នុងរយៈពេល៣ខែធ្វើការកាយស្ដារនិងកើបសំរាមដឹកចេញម្ដង តែបើសំរាមច្រើនហើយកកស្ទះខ្លាំងយើងអាចធ្វើការកាយកើបដឹកចេញជាក់ស្ដែងមិនបាច់ចាំដល់ខែឬអាទិត្យនោះទេធ្វើយ៉ាងណាកុំឱ្យកកស្ទះទឹកត្រូវតែកាយភ្លាមដូចពេលនេះអញ្ចឹង។
លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញធ្លាប់មានប្រសាសន៍ដឹងថា៖ ប្រឡាយបឹងត្របែកពិសេសនៅក្រោយស្ថានីយ៍បឹងត្របែកត្រូវបងប្អូនប្រជាពលរដ្ឋយកសំរាមទៅបោះចោលរហូតមើលមិនឃើញទឹកក្នុងប្រឡាយទៅហើយ ដោយមើល ឃើញពីបញ្ហាប្រឈមនេះ មន្ទីរសាធារណការនិងដឹកជញ្ជូនរាជធានីភ្នំពេញ ក្រោមការណែនាំពីលោកឃួង ស្រេង អភិបាលរាជធានីភ្នំពេញ បានឱ្យមន្ត្រីជំនាញដាក់គ្រឿងចក្រចុះកាយភ្លាមៗតែម្តង ដើម្បីធ្វើយ៉ាងណាអាចបូមទឹកបានរំដោះការលិចលង់៕