» លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ » កម្មកររោងចក្រ Y&W និងសហជីពរីរាយនិងការបើកប្រាក់ឈ្នួលទាំងថ្ងៃសៅរ៍-អាទិត្យ » ស្ងាត់​បាន​មួយរយៈ ការដឹកជញ្ជូន​ឈើ​ចេញពី​តំបន់​អភិរក្ស​ចាប់ផ្តើម​ឡើងវិញ ?! » ងប់​ជាមួយ​ប្តី​ចុង​សុខចិត្ត ឲ្យ​សម្លាប់​កូន​ខ្លួនឯង​អាយុ​ត្រឹម ២២​ខែ » អាជ្ញាធរ​ជាតិ​អប្សរា​ថា​ការធ្វើ​របង​នៅ​អង្គរ​គឺ​គម្រោងការ​របស់​រដ្ឋ​! » វៀតណាមតែងតាំងស្រី្តជាប្រមុខរដ្ឋស្តីទីបន្ទាប់ពីការលាលែងរបស់លោកលោក វ៉ូ វ៉ាន់​ធឿ​ងដែលឡើងបាន១ឆ្នាំ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2215 នាក់

ម្សិលមិញ 5544 នាក់

សរុប 13943312 នាក់

ការស្ទង់មតិ​អ្នកគាំទ្រ​ចាប់​លោក​រ៉ុង​ឈុន​៧៩​ភាគរយ​សម្តេច​តេ​ជោ​ចាំមើល​គេ​ផ្សាយ​អត់​?

 

​ភ្នំពេញ​៖​នៅក្នុង​ពិធី​សម្ពោធ​ដាក់ឱ្យ​ដំណើរការ​សាកល្បង​សួន​ទឹក ហ្គា​ឌិន​ស៊ី​ធី នៅ​ព្រឹក​ថ្ងៃទី​១៦ ខែសីហា ឆ្នាំ​២០២០​សម្តេច​តេ​ជោ​នាយករដ្ឋមន្ត្រី​លើកឡើងថា វិទ្យុ​បរទេស ផ្សាយ​ជា​ភាសា​ខ្មែរ​នៅ​កម្ពុជា អង្គការសិទ្ធិមនុស្ស និង​សារព័ត៌មាន​ប្រឆាំង​នៅ​កម្ពុជា នឹង​ផ្សាយ​អំពី​លទ្ធផល​ស្ទង់​មតិ​របស់​អង្គការ​ខុមហ្វ្រែល រយៈពេល​មួយ​សប្ដាហ៍ ពាក់ព័ន្ធ​ការចាប់ខ្លួន​លោក រ៉ុង ឈុន ពីព្រោះ​លទ្ធផល​បង្ហាញថា អ្នក​ឆ្លើយថា ការចាប់ខ្លួន​លោក រ៉ុង ឈុន ជាការ​ស្របច្បាប់​មាន​រហូតដល់​៧៩ ភាគរយ ចំណែក​អ្នក​ថា មិន​ស្របច្បាប់​មាន​ត្រឹម​២១ ភាគរយ ប៉ុណ្ណោះ​។​a boder  chhun 

​សម្ដេច​តេ​ជោ​ថា សម្ដេច​ចាំមើល​ថា អង្គការ​ខុមហ្វ្រែល​ផ្សាយ ឬ​អត់ ? ហើយ វិទ្យុ​បរទេស​និយាយ​ភាសា​ខ្មែរ​ផ្សាយ ឬ​អត់ ? ពួក​សិទ្ធិមនុស្ស​ផ្សាយ ឬ​អត់ ? ពួក​អ្នកប្រឆាំង ផ្សាយ ឬ​អត់ ? ហើយ​នេះ​មិនមែនជា​ផេ​ករ​បស់ អ្នកគាំទ្រ​រាជរដ្ឋាភិបាល​ទេ​។​

​សូមបញ្ជាក់ថា ការស្ទង់មតិ​មួយ ដែល​រៀបចំឡើង​ដោយ​អង្គការ​ខុមហ្វ្រែល ជុំវិញ​ការចាប់ខ្លួន​លោក រ៉ុង ឈុន ក្នុង​សំណុំ​ព្រំដែន ដែល​បាន​បិទ​បញ្ចប់​កាលពី​វេលា​ម៉ោង​១២ និង​៥៥​នាទី​រសៀល​ថ្ងៃទី​១៦ ខែសីហា ឆ្នាំ​២០២០ បានបង្ហាញ​នូវ​ការគាំទ្រ​យ៉ាងច្រើន​លើសលុប​ក្នុងការ​ចាប់​លោក រ៉ុង ឈុន ដែល​អ្នក​សម្តែង​មតិ​បាន​អះអាងថា ការចាប់​លោក រ៉ុង ឈុន មិនមែនជា​រឿង​រំលោភច្បាប់ និង​សិទ្ធិមនុស្ស​នោះឡើយ ពោលគឺ​រឿង​ត្រឹមត្រូវ​តាមច្បាប់​។​

​ការស្ទង់មតិ​នេះ ខុមហ្វ្រែល បាន​ដាក់ឱ្យ​អ្នកលេង​បណ្តាញ​សង្គម​ហ្វេ​ស​ប៊ុ​ក​បោះឆ្នោត​ដោយមាន​ជម្រើស​ពីរ​។ ជម្រើស​ទី​១ “​ការចាប់​លោក រ៉ុង ឈុន រំលោភច្បាប់ និង​សិទ្ធិ​” និង​ជម្រើស​ទី​២ “​ការចាប់​លោក រ៉ុង ឈុន មិន​រំលោភច្បាប់ និង​សិទ្ធិ​”​។ ដែល​ការស្ទង់មតិ​នេះ ត្រូវបាន​ធ្វើឡើង​រយៈពេល ៧​ថ្ងៃ ដោយ​ចាប់ផ្តើម​នៅ​ម៉ោង​១២ និង​៥៥​នាទី​រសៀល​ថ្ងៃអាទិត្យ ទី​៩ ខែសីហា ហើយ​បញ្ចប់​នៅ​ម៉ោង​១២ និង​៥៥​នាទី​រសៀល​ថ្ងៃអាទិត្យ ទី​១៦ ខែសីហា ឆ្នាំ​២០២០​នេះ ហើយ​រយៈពេល​៧​ថ្ងៃនេះ អ្នក​ដែល​បាន​ចូលរួម​បោះឆ្នោត​សម្តែង​មតិ​មាន​ចំនួន ១៣,៦០០​នាក់​។

ក្នុងនោះ​អ្នកបោះឆ្នោត​គាំទ្រ​ថា ការចាប់​លោក រ៉ុង ឈុន ជា​រឿង​ត្រឹមត្រូវ​មិន​រំលោភច្បាប់ និង​សិទ្ធិមនុស្ស មាន​រហូតដល់​ទៅជា​ង​១​ម៉ឺន​នាក់ ស្មើនឹង​៧៩​ភាគរយ ខណៈ​អ្នកបោះឆ្នោត​គាំទ្រ​ថា ការចាប់​លោក រ៉ុង ឈុន ជា​រឿង​រំលោភច្បាប់ និង​សិទ្ធិ មាន​ត្រឹមតែ​ជិត​៣​ពាន់​នាក់ ស្មើនឹង​ប្រមាណ​២១​ភាគរយ​ប៉ុណ្ណោះ​។​

​សូមបញ្ជាកថា​សមត្ថកិច្ច​បាន​ចាប់ខ្លួន លោក រ៉ុង ឈុន ចោទ​ពីបទ​ល្មើស ញុះញង់ ឱ្យមាន​ភាពវឹកវរ​ដ​ល់​សន្តិសុខ​សង្គម ជុំវិញ​ការលើក​ពី​បញ្ហា​ព្រំដែន​។ ការចាប់ខ្លួន លោក រ៉ុង ឈុន កើតមានឡើង បន្ទាប់ពី​រូបលោក បានចេញ​សេចក្តីថ្លែងការណ៍​មិន​ពិត ពាក់ព័ន្ធ ការបោះបង្គោល​ព្រំដែន ពី​លេខ ១១៤ ដល់​លេខ ១១៩ ថា​មាន​ភាពមិនប្រក្រតី​ច្រើន ធ្វើឱ្យ​បាត់បង​ដី​អាស្រ័យ​ផល​ទៅ​ភាគី​វៀតណាម ជាច្រើន​រយ​ហិច​តា​។​

​ព្រះរាជអាជ្ញារង នៃ​អាយ្យ​កា​អម​សាលាដំបូង​រាជធានី​ភ្នំពេញ​លោ គុជ គឹម​ឡុង បាន​ប្រាប់​ព័ត៌មាន ថា លោក រ៉ុង ឈុន ត្រូវបាន​ចាប់ខ្លួន ពាក់ព័ន្ធ​នឹង​ការ​បំភ្លៃ​ការពិត​លើ​បញ្ហា​ព្រំដែន ដែលជា​បទល្មើស​ជាក់ស្តែង គឺ​បទល្មើស​ញុះញង់​បង្ករ​ភព វឹកវរ​ដល់​សន្តិសុខ​សង្គម តាម​មាត្រា ៤៩៥ នៃ​ក្រមព្រហ្មទណ្ឌ នៃ​ព្រះរាជាណាចក្រ​កម្ពុជា​។​

​គណៈកម្មាការ​ចម្រុះ​កិច្ចការ​ព្រំដែន នៅ​ថ្ងៃទី ៣១ ខែកក្កដា ចេញ​សេចក្តី​ថ្លែង​ការទាត់ចោល សេចក្តី​ថ្លែង ការណ៍​របស់លោក រ៉ុង ឈុន តំណាង​ក្រុមប្រឹក្សា​ឃ្លាំមើល​កម្ពុជា និង​ជា​ប្រធាន​សហភាព​សហជីព​កម្ពុ​ជា ដែល​បានចេញ​ផ្សាយ​មិន​ពិត​ថា ការបោះបង្គោល​ព្រំដែន​ពី​លេខ ១១៤ ដល់​លេខ ១១៩ មាន​ភាពមិនប្រក្រតី​ច្រើន ដែល​ធ្វើឱ្យ​ពលរដ្ឋ​បាត់បង់​ដី​អាស្រ័យ​ផល​ទៅខាង​ភាគី​វៀតណាម​ច្រើន​រយ​ហិច​តា​។ ហើយ​ថាបើ​គិតពី​បន្ទាត់​ព្រំដែន​ចាស់​មកដល់​ការបោះបង្គោល​ឡាក់ និង​បង្គោល​រណប​ថ្មី បាន​ចូលមក​ប្រហែល ៥០០ ម៉ែត្រ​ក្នុង​ដី​កម្ពុជា​។

សេចក្តី​ថ្លែង​ការ​របស់លោក រ៉ុង ឈុន និយាយទៀតថា ខ្សែបន្ទាត់​ព្រំដែន ចេះតែ​រំកិល​បន្តិច​ម្តងៗ ចូលមកក្នុង​ទឹកដី​កម្ពុជា ប្រមាណ ៣ គីឡូម៉ែត្រ​បច្ចុប្បន្ននេះ ហើយ​ថា អាជ្ញាធរ​វៀតណាម បាន​ចូលមក​បណ្តេញ និង​រុញច្រាន​ប្រជាពលរដ្ឋ​ខ្មែរ​ដែល​រងគ្រោះ​ពី​ដីធ្លី ប្រមាណ ជាង ២០០​ម៉ែត្រ​ក្នុង​ដី​ខ្មែរ ដែល​អាជ្ញាធរ​ខ្មែរ​មិនបាន​ទប់ស្កាត់ ចំពោះ​ទង្វើ​អាជ្ញាធរ​វៀតណាម ធ្វើ​មកលើ​ពលរដ្ឋ​រងគ្រោះ នៅ​ឃុំ​ត្រពាំង​ផ្លុ​ង ស្រុក​ពញាក្រែក ខេត្ត​ត្បូងឃ្មុំ​។​បន្ទាប់​ចាប់​លោក​រ៉ុង​ឈុន​អាជ្ញាធរ​ក៏បាន​បន្ត​ចាប់ខ្លួន​លោក​សួង​សុភ​ណ្ឌ័​ប្រធាន​គណបក្ស​ខ្មែរ​ឈ្នះ​ទៀត​ក្រោយពី​លោក​បាន​ទៅ​មើល​ព្រុះ​ដែន​និង​ជួប​ប្រជាពលរដ្ឋ​នៅ​ទីតាំង​ដែល​លោក​រ៉ុង​ឈុន​បាន​ទៅ​!៕a bodera1 a bodera