វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3976 នាក់
ម្សិលមិញ 8227 នាក់
សរុប 14130857 នាក់
សៀមរាប ៖ គ្រូស្តោះផ្លុំនិងកូនសិស្សសរុបបីនាក់ត្រូវបានឃាត់ខ្លួនពាក់ពន្ធ័និងករណីយ៍ឆីពងក្រហមកូនស្រីអ្នកជម្ងឺដែលមកស្តោះផ្លុំកាលពីថ្ងៃទី៩ឧសភា។
នៅព្រឹកថ្ងៃទី១៥ ឧសភា នេះលោកវរសនីយ៍ឯក ជា ហេង នាយការិយល័យនគរបាលប្រឆាំងការជួញដូរមនុស្ស និងការពារអនីតិជនខេត្តសៀមរាបបានឱ្យដឹង ថា កាលពីថ្ងៃទី០៩ ឧសភា នារីរងគ្រោះអាយុ ២០ឆ្នាំ បានដាក់ពាក្យបណ្តឹងថា នាងបានទៅនៅថែទាំជំងឺម្តាយនៅផ្ទះគ្រូអឹម(គ្រូខ្មែរ) ហើយត្រូវបានឈ្មោះ គ្រូអឹម ហៅចូលបន្ទប់យកដៃច្រត់ពីលើក្បាល ហើយឱ្យលេបថ្នាំពណ៌ខៀវ ស្រាប់តែទន់ខ្លួន ក៏ត្រូវគ្រូអឹមបានរួមភេទជាមួយខ្លួន ។ បន្ទាប់មកគ្រូអឹមឱ្យកូនសិស្សឈ្មោះសី ឈ្មោះប៊ុន ឈ្មោះជាល ឈ្មោះវីត រួមភេទជាមួយខ្លួនបានម្នាក់ម្តងទៀតផង ។
ក្រោយពីទទួលពាក្យបណ្តឹង លោកក៏សុំលោកព្រះរាជអាជ្ញាអមសាលាដំបូងខេត្តសៀមរាប បើកការស៊ើបអង្កេតបឋម ។ នៅរសៀលថ្ងៃទី១៤ ឧសភា ដឹកនាំកម្លាំងដោយលោក ថេង សំណាង ព្រះរាជអាជ្ញារងបានទៅដល់ផ្ទះគ្រូអឹម នៅភូមិក្របីរៀល សង្កាត់ក្របីរៀល ក្រុងសៀមរាប ខេត្តសៀមរាប ហើយធ្វើការឆែកឆេររកឃើញវត្ថុតាងសំបកថ្នាំសម្រើបជាច្រើនបន្ទះនិងឃើញមានជនរងគ្រោះចំនួន២នាក់ទៀត ដែលជាកូនអ្នកជំងឺ។
លោកបានបញ្ជាក់ថា ជនជនសង្ស័យទាំង៣នាក់មាន៖១-ឈ្មោះពិន អុឹម ភេទប្រុស អាយុ៤៦ឆ្នាំ,២-ឈ្មោះសយ សំប៊ុន ភេទប្រុស អាយុ៣៤ឆ្នាំ,និង៣-ឈ្មោះ ស៊ាន កុសល (ហៅ ជា) ភេទប្រុស អាយុ៣៦ឆ្នាំ ។ អ្នកទាំង៣នាក់ រស់នៅភូមិសង្កាត់ កើតហេតុខាងលើ ត្រូវបានកម្លាំង ជំនាញយើងបាននាំមកសួរ ប៉ុន្តែពួកគេមិនសារភាពទេ ។
បច្ចុប្បន្ន ជនសង្ស័យទាំង៣នាក់ ត្រូវបានកម្លាំងជំនាញ ធ្វើការឃាត់ខ្លួនតាមបញ្ជា របស់លោកកើត វណ្ណា រ៉េត ព្រះរាជអាជ្ញាអមសាលាដំបូងខេត្តសៀមរាបនៅថ្ងៃទី១៤ ឧសភា វេលាម៉ោង០៧និង២០នាទីដើម្បីយកមកសួរនាំនៅការិយាល័យជំនាញ ហើយរៀបចំកសាងសំណុំរឿងបញ្ជូនខ្លួនទៅកាន់តុលាការខេត្ត ចាត់ការបន្តទៅតាមផ្លូវច្បាប់៕