វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 708 នាក់
ម្សិលមិញ 6001 នាក់
សរុប 13873538 នាក់
ខេត្តព្រៃវែង៖ស្នងការដ្ឋាននគរបាលខេត្តព្រៃវែងនៅថ្ងៃទី២សីហា២០២០បានចេញសេចក្តីប្រកាសមួយការពារលោកឧត្តមសេនីយ៍ត្រី ថោង វណ្ណឌី អត្តលេខ ៥៤០៧២ ឋានៈ ស្នងការរងទទួលការងារគ្រឿងញៀនដែលត្រូវបានអគ្គស្នងការនគរបាលជាតិបញ្ឈរជើងជាមួយមន្ត្រីនគរបាលគ្រឿងញៀន៦នាក់ទៀតថាតុការរកមិនឃើញបទល្មើសលក់អាវុធឲ្យចោរនោះទេ!
ក្នុងសេចក្តីប្រកាសបញ្ជាក់ថាពាក់ព័ន្ធ នឹងមន្ត្រីនគរបាលនៃស្នងការដ្ឋាននគរបាលខេត្តព្រៃវែងចំនួន ៧នាក់ ដែលបានអនុវត្តភារកិច្ចលើសពីព្រំដែន នៃក្រមសីលធម៌វិជ្ជាជីវៈ និងវិន័យរបស់កងកម្លាំងនគរបាលជាតិហើយត្រូវបាន៖ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿនអគ្គស្នងការនគរបាលជាតិ បានចេញសេចក្តីសម្រេចលេខ ៤៩០ ស.ស.រ ចុះថ្ងៃទី២៧ ខែកក្កដា ឆ្នាំ ២០២០ សម្រេចដាក់វិន័យដោយរូបភាពផ្អាកការងារបណ្ដោះអាសន្នចំពោះមន្ត្រីនគរបាលនៃស្នងការដ្ឋាននគរបាលខេត្តព្រៃវែចំនួន០៧នាក់ដោយរង់ចាំការសម្រេចជាថ្មី។
២.យោងតាមពាក្យបណ្តឹងរបស់ជនរងគ្រោះ មន្ត្រីជំនាញ នៃស្នងការដ្ឋាននគរបាលខេត្តព្រៃវែងបានកសាសំណុំរឿងតាមនីតិវិធីចំពោះករណីលោកអនុសេនីយ៍ឯក ទូច ធារ៉ា អត្តលេខ ៧១៨៦៨ ឋាន: នាយរងការិយាល័យប្រឆាំងគ្រឿងញៀន បញ្ជូនទៅសាលាដំបូងខេត្តព្រៃវែង កាលពីថ្ងៃទី៣០ ខែកក្កដា ឆ្នាំ២០២០ ដើម្បីចាត់ការតាមនីតិវិធីច្បាប់។
៣.អំឡុងឆ្នាំ ២០១៩ លោកឧត្តមសេនីយ៍ត្រី ថោង វណ្ណឌី អត្តលេខ ៥៤០៧២ ឋានៈ ស្នងការរងទទួលការងារគ្រឿងញៀន ធ្លាប់បានជាប់ចោទពីបទជួញដូរអាវុធដោយគ្មានការអនុញ្ញាត ប៉ុន្តែចៅក្រមស៊ើបសួរនៃសាលាដំបូងរាជធានីភ្នំពេញពុំបានរកឃើញភស្តុតាងដាក់បន្ទុកនោះឡើយ និងបានសម្រេចលើកលែងការចោទប្រកាន់តាមដីការដំណោះស្រាយលេខ ៣១៦២ ស.ដ.ដ ចុះថ្ងៃទី២១ ខែឧសភា ឆ្នាំ២០២០ របស់សាលាដំបូងរាជធានី
ភ្នំពេញ។
ក្នុងនាមថ្នាក់ដឹកនាំ និងមន្ត្រីនគរបាលនៃស្នងការដ្ឋាននគរបាលខេត្តព្រៃវែង សូមថ្លែងអំណរគុណយ៉ាជ្រាលជ្រៅចំពោះសាធារណជន និងបណ្ដាញទំនាក់ទំនងសង្គមដែលបានចូលរួមចំណែកក្នុងការកែលម្អ និងការពារកិត្តិយសដល់កងកម្លាំងនគរបាលជាតិជារួម និងដោយឡែកកងកម្លាំងនគរបាលនៃស្នងការដ្ឋាននគរបាលខេត្តព្រៃវែង ដែលនេះគឺជាចំណែកមួយនៃការពង្រឹងការអនុវត្តភារកិច្ចការពារសន្តិសុខ សណ្តាប់ធ្នាប់ និងសុវត្ថិភាពសង្គម។