
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 3818 នាក់
ម្សិលមិញ 14915 នាក់
សរុប 18330977 នាក់
ភ្នំពេញ៖ស្ត្រីម្នាក់ត្រូវបានកម្លាំងនគរបាល ឃាត់ខ្លួននាំយកទៅសាកសួរ ក្រោយពេលគាត់ធ្វើសកម្មភាព យកកាំបិតប៉ុនប៉ងអារ.កសម្លាប់ក្មេងស្រីម្នាក់ ព្រោះតែខឹងក្មេងស្រីរូបនោះយកដុំថ្មគប់កូនប្រុសគាត់ បែកក្បាលកាលពី២ថ្ងៃមុន។
ហេតុការណ៍នេះ បានកើតឡើងកាលពីវេលាម៉ោង ៣:១៥នាទីរសៀល ថ្ងៃទី១៦ ខែកក្កដា ឆ្នាំ២០២០នៅ ក្នុងបុរីពិភពថ្មីឈូកវ៉ា២ ក្នុងភូមិតិក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ស្ត្រីដៃដល់ខាងលើឈ្មោះ លីវ ប៊ុនធឿន អាយុ៤៣ឆ្នាំ មានទីលំនៅផ្ទះលេខ៦ ផ្លូវលេខ២៦បុរីពិភពថ្មីឈូវ៉ា២ ក្នុងភូមិតិក្ខប្បញ្ញោ សង្កាត់សំរោងក្រោម។ ក្រោយពេលចាប់ខ្លួនស្ត្រីនោះបាននិយាយថា គាត់ខឹងខ្លាំងណាស់ដេកអត់លក់២យប់ហើយ ដោយសារតែក្មេងស្រីខាងលើ ធ្វើឲ្យកូនគាត់ចេញឈាម ហើយត្រូវដឹងថា កូនគាត់ធំឡើងអាចជាតារាផង ដូច្នេះគាត់សុំត្រឹមតែឲ្យក្មេងស្រីនេះ ចេញឈាមវិញដូចជាកូនគាត់វិញប៉ុណ្ណោះ។
នៅរសៀលថ្ងៃកើតហេតុគាត់បានទៅទិញកូនកាំបិត រួចក៏ចាប់ក្មេងស្រីនោះអារ និងឆូតមុខ ច្រមុះ និងដៃព្រមទាំងក តែម្ដងនេះ គឺជាការតបស្នងហើយអ្នកដាំផ្លែអ្វី គឺបានផលនោះអីចឹងហើយ។រីឯក្មេងស្រីរងគ្រោះឈ្មោះ ឡាស់ម៉ាវី លីយ៉ា អាយុ៥ឆ្នាំ រងរបួសផ្ទៃមុខ ច្រមុះ ក និងដៃ រស់នៅផ្ទះលេខ១៨ ផ្លូវលេខ២០ បុរីភពថ្មីឈូកវ៉ា២ ភូមិតិក្ខប្បញ្ញោ សង្កាត់សំរោងក្រោម។
អ្នកភូមិបាននិយាយថា រឿងហេតុនេះផ្ដើមពីការកាន់ ជើងកូនខ្លាំងពេក និងខ្វះការពិចារណាវែងឆ្ងាយ ដោយកាលពីថ្ងៃទី១៤ ខែកក្កដា ឆ្នាំ២០២០ កូនប្រុសរបស់ស្ត្រីដែលជាជនដៃដល់ខាងលើបាន រើសដុំថ្មគប់ដាក់ក្មេងស្រីរងគ្រោះ ហើយក៏ត្រូវក្មេងស្រីរងគ្រោះគប់តបតវិញ បណ្ដាលឲ្យត្រូវក្បាលរងរបួសបែករយះដេរ២ថ្នេរ ដោយពេលនោះម្ដាយក្មេងស្រីរូបនោះ ក៏បានជួយបញ្ជូនទៅកាន់មន្ទីរពេទ្យផងដែរ។
បន្ទាប់មកក្មេងស្រីរូបនោះអត់ហ៊ានដើរលេង២ថ្ងៃ រហូតដល់ថ្ងៃកើតហេតុ ទើបហ៊ានចេញដើរលេង ហើយដើរកាត់មុខផ្ទះស្ត្រីដៃដល់រូបនោះ ក៏ត្រូវបានស្ត្រីនេះស្ទុះចូលទៅចាប់យកកាំបិតទើបនឹងទិញថ្មីៗ ដើម្បីអារកសម្លាប់ចោល។ ប៉ុន្តែពេលនោះក្មេងស្រីរងគ្រោះបានស្រែកយំខ្លាំង បង្កឲ្យមានការភ្ញាក់ផ្អើល ទើបស្ត្រីដៃដល់នោះឆូតមុខ ឆូតច្រមុះ ដៃ និង ក បណ្ដាលឲ្យរងរបួសធ្ងន់ធ្ងរ រួចទើបរត់ចូលទៅពួនសម្ងំនៅក្នុងផ្ទះ។ក្រោយមកនគរបាលប៉ុស្តិ៍សំរោងក្រោម និងនគរបាលប៉ុស្តិ៍កាកាប២ បានចេញអន្តរាគមន៍ រហូតឈានដល់ការឃាត់ខ្លួន បាននាំយកទៅសាកសួរ និងចាត់ការតាមច្បាប់៕