វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1487 នាក់
ម្សិលមិញ 5304 នាក់
សរុប 14141013 នាក់
ភ្នំពេញ៖ មន្ដ្រីនគរបាលខណ្ឌបឹងកេងកង បានឲ្យដឹងថា ករណីយ៍ម៉ូតូកង់បីបើកកៀឡានរ៉ុលរ៉យ ម្ចាស់រថយន្ដស៊េរីទំនើប Rolls-Royce សម្រេចចិត្តបញ្ចប់រឿងរ៉ាវនៅកន្លែងកើតហេតុតែម្ដង ដោយមិនទាមទារឲ្យអ្នកបើកម៉ូតូកង់បីដឹកឥវ៉ាន់នោះ សងប្រាក់ចំពោះការខូចខាតឡានឡើយ។ អ្នកបើកម៉ូតូកង់បី ក៏បានសុំទោស ចំពោះកំហុសរបស់ខ្លួន និងអរគុណចំពោះទឹកចិត្តសណ្ដោប្រណី របស់ម្ចាស់រថយន្ដនេះ។
សូមជម្រាបថា រថយន្ដស៊េរីទំនើប Rolls-Royce ពណ៌ខ្មៅ ពាក់ផ្លាកលេខពោធិ៍សាត់ 2D-7777 ត្រូវម៉ូតូកង់បីដឹកឥវ៉ាន់បើកកៀរ បណ្ដាលឲ្យរងការខូចខាតអស់មួយចំហៀងផ្នែកខាងស្ដាំ ពេលរថយន្ត និងម៉ូតូកង់បីកំពុងធ្វើដំណើរស្របទិគ្នានៅវេលាម៉ោង១២ថ្ងៃត្រង់ ថ្ងៃទី០៥ ខែតុលា ឆ្នាំ២០២២នេះ ស្ថិតនៅតាមបណ្ដោយផ្លូវលេខ១៧៣ សង្កាត់អូឡាំពិក ខណ្ឌបឹងកេងកង រាជធានីភ្នំពេញ។ចំពោះរថយន្ដដែលត្រូវបានប្រជាពលរដ្ឋឃើញរូបភាពដែលចតបញ្ច្រាសនៅជាប់របងវត្តនោះ គឺម្ចាស់រថយន្ដជាអ្នកបើកយកទៅចតក្រោយកើតហេតុ ដើម្បីចៀសវាងការកកស្ទះចរាចរណ៍។ ខណៈនៅពេលកើតហេតុ ទាំងរថយន្ដ និងម៉ូតូកង់បី គឺបើកបរស្របទិសគ្នា។
ក្រៅពីនេះមានករណីយ៍រថយន្តនីសាន់ បើកលឿនជាន់ហ្វ្រាំងមិនទាន់ជ្រុលទៅបុ.ក កង់បីឥណ្ឌា រងកាខូចខាតទាំងសងខាង ចំណែកអ្នកបើកបរកង់បីឥណ្ឌារងរបួសស្រាលផងដែរនៅវេលាម៉ោង ០១និង២០នាទីរសៀលថ្ងៃទី០៥ ខែតុលា ឆ្នាំ២០២២ តាមបណ្ដោយបេតុងថ្មី សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។ប្រជាពលរដ្ឋដែលបានឃើញហេតុការណ៍ បានឲ្យដឹងថា នៅពេលកើតហេតុគេបានឃើញកង់បីឥណ្ឌាមួយគ្រឿងម៉ាក Baja Maxima ពណ៌សពាក់ផ្លាកលេខភ្នំពេញ1JH-5459 បើកបរដោយបុរសម្នាក់ តាមបណ្តោយផ្លូវបេតុងចេញពី បុរីVarina ទិសដៅពីត្បូងទៅជើង លុះមកដល់ផ្លូវបំបែកជាបួន ស្រាប់តែមានរថយន្តមួយគ្រឿងម៉ាកNissan Navara ពណ៌ខ្មៅពាក់ផ្លាកលេខភ្នំពេញ2AW-0919 បើកបរដោយបុរសម្នាក់ តាមបណ្តោយផ្លូវបេតុងថ្មីទិសដៅពីកើតទៅលិច ក្នុងល្បឿនលឿនបានជ្រុលមកបុ.កជាមួយកង់បីឥណ្ឌា ចំពាក់កណ្តាលពេញទំហឹង បណ្ដាលឲ្យខូចខាតចំហៀងខាងស្តាំ និងមួយកំណាត់មុខយ៉ាងដំណំ ។
អ្នកបើកបរ របួសស្រាល ត្រូវបានក្រុមគ្រួសារដឹកយកទៅសង្គ្រោះនៅមន្ទីរពេទ្យសែនសុខផងដែរ ចំណែករថយន្តខូចខាតផ្នែកខាងមុខយ៉ាងដំណំកម្លាំងសមត្ថកិច្ចមូលដ្ឋាន បានចុះមកដល់កន្លែងកើតហេតុភ្លាមៗ និងបានធ្វើការវាស់វែងរួចយករថយន្ត និងកង់បីឥណ្ឌាដាក់គៀន ដើម្បីដោះស្រាយគ្នាមួយជំហានសិន តែបើមិនត្រូវគ្នាទេនិងយកកង់បីឥណ្ឌា នឹងរថយន្តទៅរក្សារទុកនៅអដ្ឋធិកាខណ្ឌសែនសុខ រងចាំដោះស្រាយគ្នា បន្តនៅពេលក្រោយទៀត៕