
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 320 នាក់
ម្សិលមិញ 5988 នាក់
សរុប 18745655 នាក់
ភ្នំពេញ៖នៅព្រឹកថ្ងៃទី២៦ ខែសីហា ឆ្នាំ២០២៤ លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន នៃអគ្គស្នងការដ្ឋាននគរបាលជាតិ និងប្រតិបត្តិការបង្ក្រាបដោយកម្លាំងការិយាល័យ ក៤បានបង្ហាញជនសង្ស័យ៦នាក់និគ្រឿងញៀនដែលរឹបអូសបាន៤រយឡីឡូក្រាម។
លោកឧត្តមសេនីយ៍ឯក ឃឹង សារ៉ាត់ មានប្រសាសន៍ថា ក្រុមឧក្រិដ្ឋជនទាំង ៦នាក់ ខាងលើនេះ(ស្រី២នាក់) ត្រូវបានសមត្ថកិច្ចមន្ទីរប្រឆាំងគ្រឿងញៀនស្រាវជ្រាវ តាមដានជាបន្តបន្ទាប់ រហូតសម្រេចបានជោគជ័យ ក្នុងភូមិសាស្ត្ររាជធានីភ្នំពេញ មានខណ្ឌពោធិ៍សែនជ័យ និងខណ្ឌទួលគោក។ ជនទាំងនេះ ជាមុខសញ្ញាចែកចាយគ្រឿងញៀនឆ្លងប្រទេស ដោយពួកគេយកកម្ពុជាធ្វើជាប្រទេសឆ្លងកាត់ ហើយបន្តនាំចេញទៅកាន់ប្រទេសទី៣។
លោកឧត្តមសេនីយ៍ បន្ថែមថា ជនសង្ស័យទាំង ៦នាក់ ខាងលើនេះ ជាក្រុមសេនារិយោរបស់ក្រុមឧក្រិដ្ឋជនដែលនៅក្រៅប្រទេសក្នុងការជួញដូរគ្រឿងញៀន។ ក្នុងការឃាត់ខ្លួនពួកគេ សមត្ថកិច្ចដកហូតបានគ្រឿងញៀនជាង ៤០០គីឡូក្រាម ផងដែរ។តែលោកឧត្តមសេនីយ៍ឃឹងសារ៉ាតមិនបានបង្ហើបឲ្យដឹងថាថាមេខ្លោងជាឧក្រឹដ្ឋជននៅខាងក្រៅនៅប្រទេសណានិងជាអ្នកណានោះទេសូម្បីអត្តសញាណជនសង្ស័យក៏មិនបានឲ្យដឹងដែរ?។
គួរបញ្ជាក់ថា ក្នុងរយៈពេលក្រោយក្នុងអាណត្តិទី៧នៃរាជរដ្ឋាភិបាលនេះ នគរបាលកម្ពុជា បានធ្វើការបង្ក្រាបករណីជួញដូរ និងផលិតគ្រឿងញៀនធំៗជាច្រើនករណី ដោយបានឃាត់ខ្លួនក្រុមឧក្រិដ្ឋជនជាច្រើននាក់ និងដកហូតថ្នាំញៀនរាប់ពាន់គីឡូក្រាម ជាបន្តបន្ទាប់ យកទៅបំផ្លាញគ្ចោលជារៀងរាល់ឆ្នាំផងដែរ។ កាលពី ក្នុងពាក់កណ្តាលឆ្នាំ២០២៤ សមត្ថកិច្ចក៏ទើបធ្វើពិធីដុតបំផ្លាញគ្រឿងញៀនជាង ៤តោន កម្ទេចចោលផងដែរ។