វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 684 នាក់
ម្សិលមិញ 5020 នាក់
សរុប 14116131 នាក់
ភ្នំពេញ៖តារាស្រីសម្បុរស្រអែមស្រស់កញញា ម៉ា រីណែត បន្ទាប់ពិពីជោគជ័យតាមរយៈការថតខ្សែភាពយន្ដជារឿង “ដុំហ្វីលចុងក្រោយ” រហូតទទួលបានពានរង្វាន់ជាតួឯកស្រីល្អបំផុតហើយនោះ កញ្ញាក៏បានក្លាយជាតួអង្គសំខាន់ក្នុងខ្សែភាពយន្ដឯកសារផ្សព្វផ្សាយពីប្រសាទអង្គរវត្តដែលដឹកនាំដោយផលិតកម្មក្រៅស្រុកបន្ថែមទៀត។
នេះជាជោគជ័យមួយក្នុងវិថីសិល្បៈរបស់តារារូបនេះបន្ទាប់ពីកញ្ញាទទួលបានបរិញ្ញាបត្រ័ច្បាប់។ម៉ា រីណែត បានឱ្យដឹងថា ខ្សែភាពយន្តឯកសារនេះគឺមានចំណងជើងថា “Angkor The Lost Empire of Cambodia” គឺជាការដឹកនាំថតដោយផលិតកម្មបរទេស បង្ហាញពីអរិយធម៌ដ៏រុងរឿងគួរឱ្យកោតស្ងប់ស្ងែងលើទឹកដីអង្គរនៃកម្ពុជាយើង។ កញ្ញាថា កញ្ញារំភើបចិត្តខ្លាំងណាស់ព្រោះមាននិស្ស័យ មានវាសនាខ្ពស់បានចូលថតក្នុងប្រាសាទអង្គរនាពេលនាត្រីនិងក្លាយជាចំណែកមួយជួយផ្សព្វផ្សាយពីវប្បធម៌ អរិយធម៌របស់ខ្មែរយើង។
គួរបញ្ជាក់ឱ្យដឹងថា ម៉ា រីណែត ក្រៅពីជាសិល្បការិនីឆ្នើមហើយនោះ នាងក៏ជានិស្សិតទទួលការសិក្សាអប់រំបានខ្ពស់ដែលបញ្ជប់ថ្នាក់បរិញ្ញាបត្រផ្នែកច្បាប់ និងកំពុងតែបន្ដសិក្សាថ្នាក់អនុបណ្ឌិតលើមុខជំនាញផងដែរ។