វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5160 នាក់
ម្សិលមិញ 10264 នាក់
សរុប 14144342 នាក់
ភ្នំពេញ៖ តារាចម្រៀងស្រីនាងសុគន្ធ និសាបានរៀបអាពាហ៍ពិពាហ៍ជាមួយលោកចៅសម្បត្តិហៅសាំបា ដែលជាអ្នកធុរកិច្ចកាលពីថ្ងៃទី០១ ខែធ្នូ ឆ្នាំ២០១៧ នៅក្នុងសណ្ឋាគារដ៏ប្រណិតមួយដោយមានការចូលរួមយ៉ាងស្និតស្នាលពីមិត្តភក្តិ គ្រួសារទាំងសងខាង ព្រមទាំងភ្ញៀវកិត្តិយសជាច្រើននាក់ទៀតបានចូលរួមយ៉ាងសប្បាយក្រៃលែង។
មួយរយៈកន្លងនេះ១ឆ្នាំហើយគេបានឃើញគូស្វាមីភរិយាទាំងពីរនាក់នេះតែងតែបង្ហាញនូវអារម្មណ៍ផ្អែមល្ហែមដដែលទោះជាលោកប្តីចូលចិត្តដើរលេងក៏ដោយ។ ជាក់ស្តែងកាលពីថ្ងៃទី២៩ ខែវិច្ឆិកា ឆ្នាំ២០១៨ អ្នកនាងសុគន្ធ និសា បានបង្ហោះសារមួយថា “រវល់យ៉ាងណាក៏មិនភ្លេចការងារក្នុងគ្រួសារ ដើម្បីសុភមង្គល ក្នុងជីវិតដែលរវល់ដូចគ្នា”។
មិនទាន់អស់ទេ ស្វាមីរបស់អ្នកនាង សុគន្ធ និសា បានធ្វើរឿងមួយគួរឲ្យភ្ញាក់ផ្អើលជាខ្លាំងក្នុងថ្ងៃខួបអាពាហ៍ពិពាហ៍គម្រប់១ឆ្នាំ ដោយក្នុងនោះ និសា បានបង្ហាញអារម្មណ៍ភ្ញាក់ផ្អើលមួយថា “ចេះ surprise ទៀត អរគុណ honey for special love , happy Anniversary one year our wedding love you”។ មានន័យថា “ចេះធ្វើឲ្យខ្ញុំភ្ញាក់ផ្អើលទៀត អរគុណប្តីសំឡាញ់សម្រាប់ក្តីស្រឡាញ់ពិសេសមួយនេះ។ រីករាយខួបអាពាហ៍ពិពាហ៍គម្រប់១ឆ្នាំ អូនស្រឡាញ់បង។”៕