នាថការីកូនអាន ថា ខ្លួនមិនរុញរាទេ បើជាតិត្រូវការ
15-March-2026 / សិល្បះនិងប្លែកៗ
ភ្នំពេញ៖នាដការីរបាំបុរាណកញ្ញា សុខគា គីមលាង ហៅកូនអាន បានបង្ហាញជំហរថា នាងមិនរុញរាទេបើជាតិត្រូវការដើម្បីជាតិមាតុភូមិនឹងរួមដំណើរជាមួយបងប្អូនកងទ័ពក្នុការការពារទឹកដី!។វាជាការៀបរាប់របស់កញ្ញាកូនអាន:ភ្ជាប់វីដេអូបែបនេះថា “ស្មារតីតែមួយ យើងឈរឲ្យរឹងមាំជាមួយគ្នាយើងឆ្ពោះទៅមុខជាមួយគ្នា រាងកាយមួយនេះ នឹងរួមដំណើរជាមួយបងប្អូនដោយមិនរុញរាឡើយ”។
សម្រាប់ព្រិត្តិការណ៍នៅសមរភូមិមុខថ្មីៗនេះកញ្ញា សុខគា គីមលាង ហៅ កូនអាន បន្តថា “សូមបួងសួងឱ្យទេវតាវត្ថុស័ក្តិសិទ្ធក្នុងចក្កវាឡតាមជួយថែរក្សាបងៗកងទ័ពដែលឈរការពារតាមខ្សែបន្ទាត់ព្រំដែនផង សូមឲ្យមានស្មារតីរឹងមាំសុខភាពល្អខ្ញុំ និងប្រជាជនកម្ពុជាឈរនៅជាមួយបងៗជាដរាបទៅ”។កត់សម្គាល់កន្លងមកឃើញថានាថការី សុគា គីមលាង ក៏ធ្លាប់បានតាំងចិត្តខ្ពស់ក្នុងការចូលរួមថែរក្សាសម្បត្តិវប្បធម៌-អរិយធម៌ ខណ:កន្លងមក អ្នកគាំតករដឹងថា នាងតែងតែមានភាពលេចធ្លោលើសកម្មភាពផ្សព្វផ្សាយវប្បធម៌សិល្ប:ខ្មែរ។
សូមបញ្ជាក់ថាថ្មីៗនេះនាថការនីរបាំបុរាណ កូនអាន ត្រូវបានប្រកាសតែងតាំងជា Universal Woman Cambodia ផ្ទុយពីអ្វីដែលហ្វេនៗតែងទស្សន៍ទាយថា នាងនឹងចូលប្រកួត Miss Universe Cambodia តាមការឱ្យតម្រុយកន្លងមក។ព្រោះកន្លងមកតាម ទំព័រហ្វេសប៊ុកផ្លូវការរបស់ Universal Woman Cambodia បានប្រកាសដំណឹងដ៏គួរឱ្យភ្ញាក់ផ្អើលមួយ ដោយស្ងាត់ស្ថាប័នស្រាប់តែប្រកាសតែងតាំងនាថការនីរបាំបុរាណ កញ្ញា សុគា គីមលាង ជាម្ចាស់មកុដ Universal Woman Cambodia ដែលនឹងត្រូវតំណាងឲ្យកម្ពុជាចូលរួមប្រកួត Universal Woman 2025 នៅឯប្រទេសឥណ្ឌានាពេលឆាប់ៗខាងមុខនេះ។
តែ អ្វីដែលធ្វើឱ្យអ្នកគាំទ្រចម្លែកចិត្តនោះគឺ កូនអាន បែរជាជ្រើសយកកម្មវិធី Universal Woman Cambodia មុនកម្មវិធី Miss Universe Cambodia ទៅវិញ ព្រោះកន្លងមកនាងតែងឱ្យតម្រុយសម្រាប់ការប្រកួតបវរកញ្ញាចក្កវាឡ តែទោះជាយ៉ាងនេះក្តីនៅតែមានការគាំទ្រច្រើនចំពោះការសម្រេចចិត្តរបស់តារាស្រីរូបនេះ។យ៉ាងណាមិញ កូនអាន សង្ឃឹមថា ពុកម៉ែងបងប្អូន និងបណ្តាអ្នកគាំទ្រវិស័យបវរកញ្ញាទាំងអស់ នឹងបន្តគាំទ្ររូបនាងចំពោះដំណើរឆ្ពោះកាន់ការប្រកួតUniversal Woman 2025 នៅឯប្រទេសឥណ្ឌានាពេលឆាប់ៗខាងមុខនេះ ហើយនាងប្តេជ្ញាបញ្ចេញឱ្យអស់ពីសមត្ថភាពមិនឱ្យអ្នកគាំទ្រខកបំណងឡើយ។
កាលពីប៉ុន្មានឆ្នាំមុននាថការីរបាំ សុគា គីមលាង ធ្លាប់បានបដិសេដមិនចូលរួមប្រកួតបវរកញ្ញាច្រើនកម្មវិធីមកហើយ បើទោះបីជាកាលណោះ គេធ្លាប់សន្យាឱ្យនាងចេញទៅប្រកួតលើឆាកអន្តរជាតិក្តី ក៏នាងមិនចាប់អារម្មណ៍ដែរ ផ្ទុយទៅវិញនាងនៅតែបន្តអាជីពជានាថការីរបាំបុរាណយ៉ាងសាមញ្ញបំផុត ។នៅក្នុងឆ្នាំ ២០២៤ កញ្ញា កូនអាន ចាប់ផ្តើមផ្លាស់ប្តូរចរិត ដោយនាងបានចាប់ផ្តើមសាងកេរ្តិ៍ឈ្មោះក្នុងសិល្បៈឱ្យល្បីល្បាញ ទទួលការងារតូចធំទាំងអស់ មិនថាការងារថតស្ពត ថតសំអាង ឬថតភាពយន្ត ចុងក្រោយនេះនាងសម្រេចចិត្ត នឹងចូលរួមប្រកួត Miss Universe Cambodia 2025 ផងដែរ ។
ចំពោះដំណឹងកញ្ញា កូនអាន នឹងចូលរួមប្រកួត Miss Universe ២០២៥ខាងមុខនេះ កំពុងធ្វើឱ្យមហាជនជាច្រើនមានការចាប់អារម្មណ៍ ក៏សាទរចំពោះការប្តេជ្ញាចិត្តរបស់នាងផងដែរ ។កាលពីឆ្នាំ២០២៤កញ្ញា កូនអាន មានសមិទ្ធិផលធំៗជាច្រើន ជាក់ស្តែងនាងទើបតែថតបញ្ចប់ភាពយន្តខ្នាតធំមួយ ដោយភាពយន្តនោះត្រៀមនឹងយកទៅចូលប្រកួតប្រជែងនៅក្នុងមហោស្រពភាពយន្តនៅក្រៅប្រទេសផងដែរ ។
