វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1447 នាក់
ម្សិលមិញ 4027 នាក់
សរុប 14154117 នាក់
ភ្នំពេញ៖ សមត្ថកិច្ចបានចាប់ខ្លួនលោក សេង សុវណ្ណារ៉ា អតីតអនុរដ្ឋលេខាធិការក្រសួងយុត្តិធម៌ត្រូវបាននគរបាលសន្តិសុខផ្ទៃក្នុងក្រសួងមហាផ្ទៃចាប់ឃាត់ខ្លួន នៅរសៀលថ្ងៃទី២៦ ខែមិថុនា ឆ្នាំ២០២០បញ្ជូនមកអយ្យការអមសាលាដំបូងរាជធានីភ្នំពេញ ពាក់ព័ន្ធករណីរំលោភដីសាធារណៈរបស់រដ្ឋរាប់សិបហិកតានៅខេត្តមណ្ឌលគិរី ។
លោកសេង សុវណ្ណារ៉ា កំពុងស្ថិតក្រោមការសាកសួររបស់លោកសេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ ។ លោក សេង សុវណ្ណារ៉ា អាយុ៥៣ឆ្នាំ មានអាសយដ្ឋាននៅរាជធានីភ្នំពេញ តែបច្ចុប្បន្នលោកមានដីធ្លីធ្វើស្រែចម្ការរាប់សិបហិកតានៅខេត្តមណ្ឌលគិរី ។
លោក សេង សុវណ្ណារ៉ាដែលត្រូវបាន ព្រះមហាក្សត្រនៃកម្ពុជាចេញព្រះរាជក្រិត្យដកចេញពីអនុរដ្ឋលេខាធិការក្រសួងយុត្តិធម៌ ត្រូវបាន នៅថ្ងៃទី២៤ ខែសីហា ឆ្នាំ២០១៩កន្លងទៅត្រូវបាននាយកដ្ឋានសន្តិសុខផ្ទៃក្នុង ចេញលិខិតអញ្ជើញឲ្យមកបំភ្លឺករណីរំលោភលើដីសាធារណៈរបស់រដ្ឋរាប់សិបហិកតានៅខេត្តមណ្ឌលគិរី តែពេលចូលបំភ្លឺរួចហើយក៏ត្រូវឃាត់ខ្លួនបញ្ជូនមកតុលាការតែម្តង ។
លោក សេង សុវណ្ណារ៉ា អាចមានការជាប់ពាក់ព័ន្ធករណីឈូសឆាយ និង ទន្ទ្រានយកដីព្រៃចម្ការស្រល់សាធារណៈរបស់រដ្ឋប្រមាណ១ពាន់ហិកតាធ្វើជាកម្មសិទ្ធិផ្ទាល់ខ្លួន នៅចំណុចភូមិអន្ត្រេះ ឃុំអរបួនលើ ស្រុកកោះញែក ខេត្តមណ្ឌលគិរីដែលលិខិតសុំកាន់កាប់ដីធ្លីនោះមានចុះហត្ថលេខាដោយលោកស្វាយសំអ៊ាងជាចៅហ្វាយខេត្តទៅទៀត ៕