វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 956 នាក់
ម្សិលមិញ 6359 នាក់
សរុប 14087589 នាក់
អាមេរិក៖ ឧត្តមសេនីយ៍ឆាលប្រោន( Charles Q. Brown) ត្រូវបានក្លាយជាមេទ័ពជើងអាកាសជនជាតិស្បែកខ្មៅដំបូងគេបង្អស់នៅអាមេរិកក្រោយពីទទួលបានការគាំទ្រពីព្រឹទ្ធសភាអាមេរិកដែលធ្វើឲ្យលោកបង្កើតបានជាប្រវត្តិសាស្ត្រ មួយសម្រាប់ទព័អាកាសអាមេរិក។ លោកឧត្តមសេនីយ៍ឆាលប្រោន( Charles Q. Brown) គឺជា មេបញ្ជាការទី២២នៃកងកម្លាំងទាហានអាកាសអាមេរិក។
ការតែងតាំងបាន កើតឡើងក្នុងពេលដែលក្រុមជនជាតិស្បែកខ្មៅនាំគ្នាធ្វើបាតុកម្មប្រឆាំងការរើសអើងជាតិសាសន៍នៅអាមេរិក ក្រោយការស្លាប់ បុរសស្បែកខ្មៅម្នាក់ដោយស្នាដៃប៉ូលិសអាមេរិក។កាសែត Defensenews បានផ្សាយថា លោកឆាលប្រោន( Charles Q. Brown )បច្ចុប្បន្នជាមេបញ្ជាការកម្លាំងទាហានអាកាសប្រចាំនៅសមុទ្រប៉ាស៊ីហ្វិក។ លោកត្រូវបានព្រឹទ្ធសភា អាមេរិក បោះឆ្នោត ឲ្យកាន់តំណែងអគ្គមេបញ្ជាការកម្លាំងទាហានអាកាស ដោយមានសំឡេងគាំទ្រ៩៨ គ្មានសំឡេងប្រឆាំងឡើយ។
លោក ឆាលប្រោន( Charles Q. Brown )នឹងជំនួសលោកដេវហ្គោលហ្វេន( Dave Goldfein )ជាមេបញ្ជាការលំដាប់ទី១នៃកម្លាំងទាហានអាកាសអាមេរិក។នៅលើបណ្តាញសង្គមទ្វីទរ័ប្រធានាធិបតីដូណាល់ត្រាំ បានបញ្ជាក់ថា លោក Brown កាន់តំណែង នេះគឺជាប្រវត្តិសាស្ត្រ ថ្មី ហើយលោកនឹងធ្វើការជាមួយ លោកឲ្យបានល្អបំផុត។លោកប្រោន( Brown )មានភាពល្បីល្បាញនៅក្នុងជួរកងទ័ពអាកាសអាមេរិក។ លោកក៏ធ្លាប់បានកាន់តំណែងមេបញ្ជាការប្រចាំ នៅអឺរ៉ុប មជ្ឈឹមបូព៌ា និងអាស៊ីប៉ាស៊ីហ្វិកដែរ៕