តុលាការខេត្តបន្ទាយ មានជ័យ នឹងប្រកាសសាលក្រមរឿងក្តីរបស់អ្នកកាសែតជើងយូរ ម្នាក់នៅថ្ងៃទី ៥ មិថុនា ២០២០ ក្រោមការ ចោទប្រកាន់ពីបទបរិហាកេរ្ត៍បន្ទាប់ពីផ្សាយរឿងពិត
21-September-2026 / ព័ត៌មានជាតិ
ខេត្តបន្ទាយមានជ័យ : កាលពីថ្ងៃទី២៧ ឧសភាឆ្នាំ២០២០ លោក ភុំ ជិន ណារ៉ា ជាភ្នាក់ងារ កាសែត និងគេហទំព័រ មាតុភូមិ ហើយក៏ជាប្រធានសមាគមមិត្តអ្នកសារព័តមានខ្មែរ សាខា ខេត្តបាត់ដំបង-បន្ទាយ មានជ័យ ត្រូវបានតុលា ការ ខេត្តបន្ទាយមាន ជ័យ បានបើកសាវនាការជំនុំជម្រះរឿងក្តី ពីបទបរិហាកេរ្ត៍ជាសាធារណ: តាមបណ្ដាញសង្គម facebook តាម ពាក្យបណ្តឹងរបស់លោករដ្ឋលេខាធិការក្រសួង ការពារជាតិម្នាក់ ។
សូម រំលឹកបន្តិច អំពីដំណើរ រឿងហេតុដែលបណ្តាលអោយមានការប្តឹងផ្តល់ គឺនៅថ្ងៃទី០១ /១០ / ២០១៨ លោកភុំ ជិនណារ៉ាបានផុសលើទំព័រfbលោកថា៖ម្ចាស់ ដីជាប៉ូលីសបានបង្កបង្កើនផល លើដីនេះជាង២០ឆ្នាំ ។ ពេលដីឡើងថ្លៃស្រាប់តែមានលោករដ្ឋលេខាធិការក្រសួងការពារជាតិម្នាក់កាន់ប្លង់រឹងមកអះអាងទាមទាយកដី ។ លោក ភុំ ជិនណារ៉ា បន្តថា រឿងដែលហួសចិត្តនោះគឺប្លង់រឹងធ្វើនៅឆ្នាំ១៩៩៨ ដែលដីជំនាន់នោះ នៅជាព្រៃសំបូរដោយគ្រាប់មីននៅឡើយ ។ លោកបន្តថា តើគេជិះកប៉ាល់ហោះវាស់ដី ឬអីលោក ម្ចាស់? ! ។ អាណិតម្ចាស់ដីខំឱនលំទោនសំពះជម្រាបសួរលោករដ្ឋលេខាធិការរូបនោះគាត់យ៉ាងរាបសារ ។
ក្នុងការដែលលោក ភុំ ជិនណារ៉ា បានផុសអត្ថបទនេះក្នុង Fb ក៏មានភ្ជាប់រូបថតលោករដ្ឋលេខាធិការនិងលោកមន្ត្រីប៉ូលីសនោះផង ។ តាមការបញ្ជាក់ពីលោកភុំ ជិនណារ៉ា អោយដឹងថា ៖ លោកសរសេរតាមតែការពិតនិងរូបជាក់ស្តែង ដែលនរណាៗ ក៏ដឹងពីប្រវត្តិដីនេះដែរ គឺដីនេះដើមឡើយជាកម្មសិទ្ធរបស់ឈ្មោះសៅសារ៉ន ជាអតីតយោធា ក្នុងអង្គភាពកងពលលេខ ១២ បានកាន់កាប់តាំង ពីឆ្នាំ១៩៩៧ ដែលកាល ណោះជាព្រៃពោរពេញដោយគ្រាប់មីន ។
លោក បន្តថា: ឈ្នោះ ជូពុនបានទិញពីសៅ សារ៉ន នៅឆ្នាំ២០១៤ ហើយក៏កាន់កាប់និងធ្វើស្រែរហូតមកដល់ឆ្នាំ២០១៨ ទើបឃើញលោករដ្ឋ លេខាធិការក្រសួង ការពារជាតិកាន់ប្លង់មកសួររក និងទាមទាយកដីនេះ? ។ លោកភុំ ជិនណារ៉ា បានអះអាងថា៖មន្ត្រីប៉ូលីស កាន់កាប់ដីនោះយូរឆ្នាំហើយជារឿងពិត! ពេលដីឡើងថ្លៃ លោករដ្ឋលេខាធិការកាន់ប្លង់រឹងទៅអះអាង ទាមទារយកក៏ជារឿងពិត ។
ឆ្នាំ ១៩៩៨ ដែលជាឆ្នាំចេញប្លង់ដី នៅកន្លែងនោះសុទ្ធតែជាព្រៃមីនក៏ជារឿងពិតដែលអ្នករស់នៅតំបន់ប៉ោយប៉ែតសុទ្ធតែដឹងគ្រប់គ្នា! ដូច្នេះ តើ មានចំណុចត្រង់ណា ដែលថា រូបលោក (ភុំ ជិនណារ៉ា) បរិហារកេរ្ត៍លោករដ្ឋលេខាធិការនោះ ? លោកភុំ ជិនណារ៉ា បានធ្វើការសន្និ ដ្ឋានក្រៅផ្លូវការថា អាចជាដីលោករដ្ឋលេខា ធិការមែន ព្រោះលោកមានប្លង់ តែលោកមិន បានទៅកាន់កាប់ ឬ អាស្រ័យផល ឃើញដីទំនេរ អ្នកផ្សេងក៏ចូលមកបង្កបង្កើនផលទៅ! ឬក៏អាចថា ប្លង់ដែលលោករដ្ឋលេខាធិការមាននោះ ជាដីដែលនៅក្បែរៗនោះដែរ ព្រោះលោក មិនដែលមក ឬក៏ស្គាល់មិនច្បាស់ ! ឬក៏អាចមានជនខិលខូចបន្លំធ្វើប្លង់យកទៅលក់បោកប្រាស់លោករដ្ឋ លេខាធិការ ? ។
នេះគ្រាន់តែជាការប៉ាន់ស្មានរបស់លោកភុំជិន ណារ៉ាតែប៉ុណ្ណោះ ។ តែរឿងពិត បែបណាវិញអោយប្រាកដនោះ គេនឹងដឹងក្រោយតុលាការកាត់ក្ដីរួច ព្រោះភាគីទាំងពីរ (លោកជូពុន និងលោករដ្ឋលេខាធិការ) បានប្ដឹងទាមទារយកដីនោះចូលតុលាការហើយ ! ។ រឿងដែលគួសោកស្ដាយនោះ គឺមិនទាន់មានការសម្រេចពីតុលាការផងលោក ភុំ ជិនណារ៉ាក្លាយជាជនជាប់ចោទមុនគេបាត់ទៅហើយ ។
លោក ភុំ ជិនណារ៉ាបានអោយដឹងពីបំណងដែលលោកសរសេរអត្ថបទនេះគឺចង់ដាស់ តឿន អោយអ្នកមានដីទាំងអស់ឆាប់រូតរះទៅធ្វើប័ណ្ណកាន់កាប់ដីធ្លីដើម្បីចៀសវាងការមាន រឿងរ៉ាវ នៅពេលដីឡើងថ្លៃ ដូចករណីដីលោក ជូពុន និងលោករដ្ឋលេខា ធិការនេះ។ ដូចការលោកគិតមែនគឺក្រោយការផ្សាយរបស់លោកមិនបានប៉ុន្មានផងនៅខេត្តព្រះសីហនុក៏មានផ្ទុះរឿងទំនាស់ដីធ្លីយ៉ាងស្រួចស្រាល់ រហូតដល់មានការដោះដូរចៅ ហ្វាយខេត្ត និងអភិបាលរង ខេត្តពីរនាក់ត្រូវបាត់ដំណែង។ តែគួឲ្យស្ដាយបំណងល្អ របស់លោក ភុំ ជិនណារ៉ា បែរជាត្រូវក្លាយជាជនជាប់ចោទពីបទបរិហារកេរ្ត៍ទៅវិញ? ។
មុនការបើកសាវនាការលោកភុំ ជិនណារ៉ាបានដាក់ពាក្យសុំទៅតំណាងអយ្យការ ស្នើសុំអោយបង្អង់បទចោទប្រកាន់មកលើរូបលោក ហើយ សុំអោយលើកយកច្បាប់ស្ដីពីរបបសារព័ត៌មានមកអនុវត្តន៍វិញ តែតុលាការនៅតែចោទ ប្រកាន់លោកដដែល ។ ក្នុងពេលជំនុំជម្រះ មេ ធាវីខាងដើមចោទ បានសុំអោយតុលាការផ្ដន្ទា ទោសលោក ភុំ ជិនណារ៉ា ពីបទបរិហាកេរ្ត៍ និងសុំទាមទាជម្ងឺចិត្តចំនួន ១ម៉ឺនដុល្លារអាមេរិក ឯលោក ភុំ ជិនណារ៉ា បានសំណូមពរអោយតុលាការលើកលែងការចោទប្រកាន់មកលើរូបលោក។
តែទោះជា មានសំណូមពរពីលោក ភុំ ជិនណារ៉ា យ៉ាងណា ក៏តុលាការថា : សាល ក្រមនឹងត្រូវប្រកាសនៅថ្ងៃទី៥ខែមិថុនា ២០២០ ខាង មុខនេះ ។ គេមិន ដឹងថា វាសនារបស់អ្នក កាសែតចាស់វស្សារូបនេះ ដែលតែងតែលើក ការពិតមកនិយាយមកផ្សាយរកយុត្តធម៍នេះត្រូវតុលាការសម្រេចយ៉ាងម៉េចនោះទេ ? ដូច្នេះរង់ចាំមើលលទ្ធផលទាំងអស់គ្នាមើលតើអ្នកសែតសុទ្ធតែត្រូវរងគ្រោះ៕ ដោយ: សុផល
