គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 6024 នាក់

ម្សិលមិញ 9639 នាក់

សរុប 20696195 នាក់

ប្រមុខរដ្ឋស្ដីទី បណ្តេញលោក សុខ សុវណ្ណ វឌ្ឍនា សាប៊ុង ហៅ William Guang ចេញពីសមាជិកនៃឧត្តមក្រុមប្រឹក្សាពិគ្រោះ និងផ្តល់យោបល់!

21-September-2026 / ព័ត៌មានជាតិ

ភ្នំពេញ៖នៅថ្ងៃទី០៤ ខែឧសភា ឆ្នាំ២០២០នេះ លោក សុខសុវណ្ណ វឌ្ឍនាសាប៊ុង ហៅ William Guang ប្រធានគណបក្សខ្មែរក្រោក ពីសមាជិកនៃឧត្តមក្រុមប្រឹក្សាពិគ្រោះ និងផ្តល់យោបល់ ត្រូវបានប្រមុខរដ្ឋស្តីទី សម្តេចវិបុលសេនាភក្តី សាយ ឈុំចេញព្រះរាជក្រឹត្យសម្រេចបញ្ចប់មុខតំណែងជាសមាជិកឧត្តមក្រុមប្រឹក្សាពិគ្រោះនិងផ្តល់យោបល់ដែលមានថានៈស្មោះទេសរដ្ឋមន្ត្រីហើយតាមសំណើនាយករដ្ឋមន្ត្រីហ៊ុនសែន!។ a delect william

សូមបញ្ជាក់ថាលោក សុខសុវណ្ណ វឌ្ឍនាសាប៊ុង ក្នុងនាមជាប្រធានគណបក្សខ្មែរក្រោកដែលមិនបានទទួលមួយ ជើងម៉ាសើក្នុងការបោះឆ្នោតរដ្ឋសភាអាណត្តិទី៦ជាមួយគណបក្សសូន្យកៅអី១៥គណបក្សទៀត បានក្លាយជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ដែលគ្មានអភ័យឯកសិទ្ធ បន្ទាប់ពីស្ថាប័ននេះត្រូវបានព្រះមហាក្សត្រសម្រេចបង្កើតឡើងតាមការទូលថ្វាយរបស់សម្តេចតេជោ ហ៊ុន សែន កាលពីឆ្នាំ២០១៨។

សូមបញ្ជាក់ថា៖មុននឹងត្រូវបណ្តេញលោក សុខសុវណ្ណ វឌ្ឍនាសាប៊ុងហៅវីល្លីយ៉ាំហ្កាំងចេញនៅថ្ងៃទី៣ឧសភា ក្រសួងបរិស្ថាន បានចេញសេចក្តីប្រកាសព័ត៌មាន ចោទលោកប្រធានបក្សខ្មែរក្រោករូបនេះ ថាមានទង្វើគ្មានការទទួលខុសត្រូវ និងភាពមិនដឹងអំពីរបៀបរបប និងនីតិវិធីនៃការបំពេញការងារ នៅក្នុងក្របខណ្ឌនៃការងាររដ្ឋបាលសារធារណៈ បន្ទាប់ពីប្រធានប្រតិភូគណបក្សខ្មែរក្រោក ដឹកនាំដោយលោក សុខ សុវណ្ណវឌ្ឍនាសាប៊ុង សាមាជិកឧត្តមក្រុមប្រឺឹក្សាពិគ្រោះ និងផ្ដល់យោបល់ បានចុះបំពេញបេសកកម្មនៅក្នុងតំបន់ឧទ្យានជាតិព្រះសីហនុ (រាម) ក្នុង ភូមិសាស្ត្រ ស្រុកព្រៃនប់ ខេត្តព្រះសីហនុ កាលពីថ្ងៃទី២ ខែឧសភា ឆ្នាំ២០២០ដោយមានលិខិតបំពេញបេសកកម្មតែត្រូវបានមន្ត្រីបរិស្ថានហាមឃាតមិនឲ្យចូលត្រួតពិនិត្យ។

លោកវីល្លាម បានសរសេរសារតាមហ្វេសប៊ុក កាលពី ថ្ងៃទី២ ខែឧសភា ឆ្នាំ ២០២០ ឲ្យដឹងថា៖ក្បួនដំណើរស្របច្បាប់ របស់ឧត្តមក្រុមប្រឹក្សាពិគ្រោះ និងផ្ដល់យោបល់ ត្រូវគេបង្ខាំងរារាំងដំណើរដោយ ក្រុមសន្តិសុខឯកជន និងមន្ត្រីបរិស្ថាន ដឹកនាំដោយឈ្មោះ មួ ឆាយ និងមន្ត្រីរដ្ឋបាលស្រុក ខណៈដែលយើងខ្ញុំធ្វើដំណើរចុះទៅពិនិត្យរកការពិត ក្រោយខ្ញុំទទួលដំណឹងថា អាជ្ញាធរប្រើប្រាស់ហឹង្សា បង្ខាំងពលរដ្ឋ ពីចន្លោះ៣០ ទៅ៥០នាក់ ជាពិសេសករណីនេះ ធ្លាប់មានពលរដ្ឋស្លាប់ ដោយការបង្ខាំងនេះទៀតផង ដែលករណីនេះកើតឡើងនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។

សម្រាប់រឿងចុះស្រាវជ្រាវនេះក្រសួងបរិស្ថានបានបន្តចោទថា៖ ចរិតក្រអឺតក្រទម និងការប្រើប្រាស់ពាក្យសំដីប្រមាថ មូលបង្កាច់ ចោទប្រកាន់ ដោយគ្មានមូលដ្ឋាន ភស្តុតាងច្បាស់លាស់របស់ប្រធានប្រតិភូគណបក្សខ្មែរក្រោក មកលើអាជ្ញាធរមូលដ្ឋាន និងមន្ត្រីមានសមត្ថកិច្ចគឺមិនសាកសម ជាអ្នកមានសមត្ថកិច្ចនិងជាដៃគូរាជរដ្ឋាភិបាល ចុះបំពេញបេសកកម្មនោះទេ។គេមិនទាន់ដឹងថាតើការបណ្តេញលោកវិល្លីយ៉ាំងតែម្នាក់ឯងឬក៏ដេញប្រតិភូគណបក្រខ្មែរក្រោកទាំងពីរនាក់ដែរឬអត់នោះទេ!?។ការដេញលោកវីល្លីយ៉ាំងចេញពីសមាជិកឧត្តមក្រុមប្រឹក្សាពិគ្រោះនិងផ្តល់យោបល់នឹងធ្វើឲ្យប្រតិភូមកពីគណកបក្សផ្សេងចំនួន១៤គណបក្សទៀតដែលនៅធ្វើការគ្មានអភ័យឯកសិទ្ធស្រាប់រងារជាមិនខាន!៕ a delect william1 a delect william2 a delect will1 a william3