សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 1751 នាក់

ម្សិលមិញ 2962 នាក់

សរុប 16505875 នាក់

ប្រេងឡើងថ្លៃបង្កការតវ៉ារហូតនាយករដ្ឋមន្ត្រីប្រទេសកាហ្សាក់ស្ថានលាលែងពីតំណែង

30-March-2025 / ព័ត៌មានអន្តរជាតិ

ប្រទេសកាហ្សាក់ស្ថាន៖នៅថ្ងៃពុធ ទី ០៥ ខែមករា ឆ្នាំ ២០២២ប្រធានាធិបតីបហរទេសកាហ្សាក់ស្ថាន លោក កាស្ស៊ីម ហ្ស៊ូម៉ា តូកាយ៉េវ បានទទួលយកការលាលែងពីតំណែងរបស់រដ្ឋាភិបាលប្រទេសនេះ ។ក្រៅពីដូរនាយករដ្ឋមន្ត្រី លោកប្រធានាធិបតីតូកាយេវ ក៏បានតែងតាំងអនុប្រធានគណៈកម្មាធិការសន្តិសុខជាតិថ្មីម្នាក់។ a kazakstan1

ការដំឡើងថ្លៃឥន្ធនៈក្នុងប្រទេសផលិតប្រេងនៅអាស៊ីកណ្តាលមួយនេះ បានបញ្ឆេះការតវ៉ាប្រឆាំងរដ្ឋាភិបាល ដែលធ្វើឱ្យនគរបាលជិត ១០០ នាក់រងរបួស។
ការប៉ះទង្គិចគ្នាបានបន្តនៅថ្ងៃពុធទី៦មករា បន្ទាប់ពីគណៈរដ្ឋមន្ត្រីបានលាលែងចេញពីតំណែង។ អ្នកឆ្លើយឆ្លងព័ត៌មាន ទីភ្នាក់ងារសារព័ត៌មានរ៉យទរ័ បានឃើញបាតុកររាប់ពាន់នាក់ដែលធ្វើដំណើរប្រញាប់ប្រញាល់ឆ្ពោះទៅកណ្តាលទីក្រុង អាលម៉ាទី ដោយពួកគេខ្លះជិះឡានធំ បន្ទាប់ពីកងកម្លាំងសន្តិសុខមិនអាចបំបែកពួកគេដោយឧស្ម័នបង្ហូរទឹកភ្នែកនិងគ្រាប់បែកធ្វើឱ្យស្រវាំងភ្នែកបាន។

សម្ព័ន្ធក្រុមហ៊ុន អាតាម៉េគែន ដែលជាអ្នកចរចាបញ្ចុះបញ្ចូលផ្នែកពាណិជ្ជកម្មរបស់ប្រទេសកាហ្សាក់ស្ថាន បាននិយាយថា សមាជិករបស់ខ្លួនបានរាយការណ៍អំពីករណីនៃការវាយប្រហារលើធនាគារ អាគារលក់ទំនិញធំៗ និងភោជនីយដ្ឋាននានា។កាហ្សាក់ស្ថានគឺជាប្រទេសមានការគ្រប់គ្រងយ៉ាងតឹងរ៉ឹងមួយ ដែលព្យាយាមធ្វើឱ្យគេឃើញរូបភាពនៃស្ថិរភាពនយោបាយ ដើម្បីជួយឱ្យប្រទេសនេះទាក់ទាញការវិនិយោគបរទេសរាប់រយពាន់លានដុល្លារក្នុងឧស្សាហកម្មប្រេងនិងលោហធាតុរបស់ខ្លួន អស់រយៈពេល ៣ ទសវត្សរ៍ បន្ទាប់ពីបានឯករាជ្យពីសហភាពសូវៀត។អាជ្ញាធរក្រុងបានជំរុញឲ្យប្រជាពលរដ្ឋស្នាក់នៅផ្ទះ ដោយថាប្រតិបត្តិការអនុវត្តច្បាប់កំពុងបន្ត។

ការតវ៉ាបានចាប់ផ្តើម បន្ទាប់ពីរដ្ឋាភិបាលបានដកចេញនូវការគ្រប់គ្រងតម្លៃហ្គាសអិលភីជីនៅដើមឆ្នាំថ្មីនេះ ជាហេតុនាំឱ្យឥន្ធនៈប្រភេទនេះឡើងថ្លៃ។ កន្លងទៅ ពលរដ្ឋកាហ្សាក់ស្ថានជាច្រើននាក់បានបំប្លែងប្រព័ន្ធឥន្ធនៈរថយន្តរបស់ពួកគេឱ្យដើរដោយឧស្ម័ន អិលភីជី ដោយសារតែតម្លៃរបស់វាទាប។
ភាពអាសន្ន ក៏ត្រូវបានប្រកាសរហូតដល់ថ្ងៃទី ១៩ មករា នៅតាមតំបន់ជាច្រើន នៃខេត្ត Mangystau ជាទី ដែល បាតុកម្មបានចាប់ផ្តើមផ្ទុះ និងនៅក្រុង Almaty ជាទីដែលម៉ោងបម្រាមគោចរ អនុវត្តពីម៉ោង ១១ យប់ ដល់ម៉ោង ៧ ព្រឹក។

លោកប្រមុខរដ្ឋ លោក កាស្ស៊ីម ហ្ស៊ូម៉ា តូកាយ៉េវ ក្នុងសារថ្លែងទៅកាន់បណ្តាជន បានអំពាវនាវ ឲ្យគេវិលត្រឡប់ទៅកាន់ ភាពស្ងប់ សុខស្រួលវិញ។ យើងឥតត្រូវការជម្លោះទេ - លោក Tokayev បានថ្លែង ទាំងព្រមាន ពួកបាតុករឲ្យទប់ខ្លួន កុំប្រព្រឹត្តរាល់អំពើបង្កហេតុណាក៏ដោយ។

ថ្លែងទៅកាន់សមាជិកគណៈរដ្ឋមន្ត្រីស្តីទី លោក តូកាយ៉េវ បានបញ្ជាឱ្យពួកគេ និងអភិបាលខេត្តនានា ដាក់ឡើងវិញនូវការគ្រប់គ្រងតម្លៃឧស្ម័ន អិលភីជី ហើយឱ្យពង្រីកការគ្រប់គ្រងតម្លៃទៅលើប្រេងសាំង ប្រេងម៉ាស៊ូត និងទំនិញប្រើប្រាស់«សំខាន់ៗខាងសង្គមកិច្ច»ផ្សេងៗទៀត៕ a kazakstan
—