វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1404 នាក់
ម្សិលមិញ 4292 នាក់
សរុប 14111103 នាក់
ប្រទេសម៉ាលី៖ប្រធានាធិបតីនិងនាយករដ្ឋមន្ត្រីនៃរដ្ឋាភិបាលអន្តរកាលរបស់ប្រទេសម៉ាលីបានលាលែងពីតំណែងកាលពីថ្ងៃពុធទី២៦ឧសភាបន្ទាប់ពីពួកយោធាធ្វរដ្ឋប្រហារចាប់ខ្លួនលោកបានក្នុងរយៈពេល២ថ្ងៃ ។
ជំនួយការរបស់អនុប្រធានាធិបតីម៉ាលីបាននិយាយថាលោកប្រធានាធិបតី បា ដូ (Bah Ndaw) និងលោកនាយករដ្ឋមន្ត្រី ម៉ុកតា អូណេ (Moctar Ouane) ត្រូវបាននាំខ្លួនទៅកាន់មូលដ្ឋានយោធាមួយកន្លែងនៅខាងក្រៅរដ្ឋធានីបាម៉ាកូ (Bamako) កាលពីថ្ងៃចន្ទបន្ទាប់ពីមានការរុះរើគណៈរដ្ឋមន្ត្រីដែលក្នុងនោះមន្ត្រីយោធាជាន់ខ្ពស់២នាក់នៃរបបយោធាត្រូវបានប្ដូរចេញ។
ក្រុមកងទ័ពដឹកនាំដោយលោកមេបញ្ជាការ អាស៊ីមី ហ្គោតា (Assimi Goita) ដែលបច្ចុប្បន្នជាអនុប្រធានាធិបតីម៉ាលីបានធ្វើរដ្ឋប្រហាររំលំប្រធានាធិបតីមុនកាលពីថ្ងៃទី១៨ ខែសីហា ឆ្នាំ២០២០ ដែលបានទម្លាក់លោក អ៉ីប្រាហ៊ីម បួបាខារ គៃតា (Ibrahim Boubacar Keita) ចេញពីតំណែងប្រធានាធិបតី។។
ក្រុមយោធាដឹកនាំដោយលោក ហ្គោតា (Goita) បានបង្កើតរដ្ឋាភិបាលបណ្តោះអាសន្នដោយជ្រើសរើសលោក បា ដូ (Bah Ndaw) ឧត្តមសេនីយ៍ចូលនិវត្តន៍ឲ្យធ្វើជាប្រធានាធិបតី។
មេរដ្ឋប្រហារលោក ហ្គោតា (Goita) បាននិយាយថា លោកប្រធានាធិបតីនិងនាយករដ្ឋមន្ត្រីបានរំលោភលើរដ្ឋធម្មនុញ្ញដោយមិនបានពិគ្រោះយោបល់ជាមួយគាត់អំពីការរុះរើគណៈរដ្ឋមន្ត្រីនោះ។លោកបានចោទប្រកាន់រដ្ឋាភិបាលរបស់លោក បា ដូ (Bah Ndaw) ថាមិនបានដោះស្រាយភាពតានតឹងក្នុងសង្គមនៅប្រទេសម៉ាលីរួមទាំងការធ្វើកូដកម្មដោយសហជីពធំៗផងដែរ។
តាមការចេញផ្សាយ ដោយទីភ្នាក់ងារព័ត៌មានចិនស៊ីនហួរ នៅព្រឹកថ្ងៃព្រហស្បតិ៍ ទី២៧ ខែឧសភា ឆ្នាំ២០២១ក្រុមប្រឹក្សាសន្តិសុខអង្គការសហប្រជាជាតិ (UNSC) បានថ្កោលទោសយ៉ាងខ្លាំងលើយោធាម៉ាលី ជុំវិញការចាប់ឃុំខ្លួនប្រធានាធិបតី, នាយករដ្ឋមន្ត្រី និងមន្ត្រីជាន់ខ្ពស់ក្រសួងការពារជាតិ នៃរដ្ឋាភិបាលស៊ីវិលបណ្ដោះអាសន្ន ក្នុងប្រទេសអាហ្វ្រិកខាងលិចមួយនេះ។
នៅក្នុងសេចក្ដីថ្លែងការណ៍ ចេញផ្សាយនៅថ្ងៃពុធសប្ដាហ៍នេះ (ពេលវេលានៅញូយ៉ក) ក្រុមប្រឹក្សាសន្តិសុខ UN បានទទូចឱ្យយោធាម៉ាលី រក្សាសុវត្ថិភាព និងដោះលែងអ្នកដែលត្រូវបានឃុំខ្លួន ឱ្យមានសេរីភាពឡើងវិញជាបន្ទាន់ ដោយគ្មានលក្ខខណ្ឌអ្វីទាំងអស់ ហើយក៏បានបង្ហាញការគាំទ្រផងដែរ ដល់រដ្ឋាភិបាលស៊ីវិលបណ្ដោះអាសន្នម៉ាលី ដែលមានភារកិច្ចរៀបចំការបោះឆ្នោតសកលមួយ នៅឆ្នាំ២០២២ខាងមុខ។
ជំនួយការរបស់លោក ហ្គោតា (Goita) បានប្រាប់ក្រុមអ្នកសារព័ត៌មានថា មេដឹកនាំទាំងពីរនឹងត្រូវបានដោះលែងតែមិនទាន់ភ្លាមៗទេ។លោកប្រធានាធិបតី បាហ៍ ណាដរ (Bah Nadaw), លោកនាយករដ្ឋមន្ត្រី ម៉កថា អ៊ូវ៉ាន (Moctar Ouane) និងលោករដ្ឋមន្ត្រីការពារជាតិ សួឡៃម៉ាន ដូឃ្យួរ (Souleymane Doucoure) គឺត្រូវបានចាប់ខ្លួនទាំងអស់គ្នាតែម្តង យកទៅឃុំឃាំងជាបណ្តោះអាសន្ន នៅឯមូលដ្ឋានយោធាក្នុងតំបន់ កាទី (Kati) ស្ថិតនៅក្បែររដ្ឋធានី បាម៉ាកូ (Bamako)។