វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 46 នាក់
ម្សិលមិញ 5378 នាក់
សរុប 14079339 នាក់
ភ្នំពេញ៖លោកវេជ្ជបណ្ឌិត លី សូវ៉ាន់អ្នកនាំពាក្យរបស់ក្រសួងសុខាភិបាល នៅថ្ងៃទី១៤មេសានេះបានអំពាវនាវតាមកាសែតថា សូមស្នើឱ្យអ្នកដែលរស់នៅក្នុងខុនដូរ ក្នុងសង្កាត់បឹងកេងកង ជាមួយស្ត្រីជនជាតិវៀតណាម និងបុរជនជាតិកាណាដា ទៅធ្វើតេស្តិ៍រកមេរោគកូវីដ ១៩ ។
តែលោកដុកទរ័បានបញ្ជាក់ថា ការស្នើសុំនេះគឺសម្រាប់តែអ្នកដែលបានស្នាក់នៅក្នុងខុនដូជាមួយអ្នកដែលផ្ទុកវីរុសកូវីដ ១៩ មិនមែនពលរដ្ឋក្នុងតំបន់បឹងកេងកង ឬ តំបន់ខ្លះនៃសង្កាត់បឹងកេងកងនោះទេ ៖«បាទការស្នើសុំ គឺសម្រាប់តែអ្នកដែលគាត់រស់នៅខុនដូ ជាមួយអ្នកមានមេរោគកូវីដ ១៩ បើគាត់មានចេញរោគសញ្ញាណាមួយ យើងសូមឱ្យគាត់ទៅធ្វើតេស្តិ៍ » ។
សូមបញ្ជាក់ដែរថា កាលពីថ្ងៃទី១២ ខែមេសា ឆ្នាំ២០២០ក្រសួងសុខាភិបាល បានប្រកាសពីការរករកឃើញស្ត្រីជនជាតិវៀតណាម និងបុរសជនជាតិកាណាដា ស្នាក់នៅខុនដូមួយ នៅផ្លូវលេខ៣០២ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ បានឆ្លងជំងឺកូវីដ១៩។ បុរសជនជាតិកាណាដាត្រូវជាស្វាមីស្ត្រីជនជាតិវៀតណាមខាងលើ ជាអ្នកបម្រើការងារនៅកាស៊ីណូមួយក្នុងរាជធានីភ្នំពេញ ។ បច្ចុប្បន្នអ្នកទាំងពីរកំពុងសម្រាកព្យាបាលនៅមណ្ឌលសុខភាពចាក់អង្រែក្រោម។
សម្រាប់ថ្ងៃទី១៤មេសានេះវិញមិនមានអ្នកជម្ងឺកូវិដថ្មីទេតែមានអ្នកបានជាសះស្បើយចំនួន១៤នាក់បន្ថែមទៀតដែលធ្វើឲ្យអ្នកជាសះស្បើយសរុបកើនដល់៩១នាក់ក្នុងចំណោមអ្នកឆ្លង១២២នាក់។ទោះជាយ៉ាងណាក្រសួងអប់អប់រុំតាមរយៈបណ្តាញសង្គមហ្វេកប៊ុកខ្លួនក៏បានចេញសេចក្តីអំពាវនាវឲ្យសិស្សានុសិស្សប្រុងប្រយត្ន័ការហូបចំណីអាហារនៅតំបន់នោះផងដែរ។