វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1500 នាក់
ម្សិលមិញ 10264 នាក់
សរុប 14140682 នាក់
កូរ៉េខាងជើង៖មន្ត្រីសុខាភិបាលជាន់ខ្ពស់នៅទីក្រុងព្យុងយ៉ាងបាននិយាយទទូចថាប្រទេសកូរ៉េខាងជើងនៅតែមិនមានការឆ្លងមេរោគកូវិដ១៩ទេទោះបី ករណីឆ្លងនៃជំងឺបានឡើងដល់មួយលាននាក់ទៅហើយនៅទូទាំងពិភពលោក ។
លោកផាកមីយុងស៊ូ( Pak Myong Su) ប្រធាននាយកដ្ឋានប្រយុទ្ធនឹងជំងឺរាតត្បាតកូរ៉េខាងជើងបាននិយាយប្រាប់សារពត៍មានបារាំង AFPថា កិច្ចខិតខំប្រឹងប្រែងនេះបានទទួលជោគជ័យទាំងស្រុង៖ «មិនមានមនុស្សណាម្នាក់បានឆ្លងវីរុសកូរ៉ូណានៅក្នុងប្រទេសរបស់យើងទេរហូតមកដល់ពេលនេះ។ យើងបានអនុវត្តនូវវិធានការជាមុន ដូចជាការធ្វើអធិការកិច្ចនិងការដាក់ឱ្យនៅដាច់ឆ្ងាយសម្រាប់បុគ្គលិកទាំងអស់ដែលចូលប្រទេសរបស់យើង ដូចជាការបិទព្រំដែន បិទផ្លូវសមុទ្រនិងផ្លូវអាកាសផងដែរ។
ក្រៅពីនេះប្រទេសចិនកូរ៉េខាងត្បូងបានស៊ូទ្រាំនឹងការផ្ទុះឡើងនៃមេរោគដ៏អាក្រក់បំផុតមួយ។ យោងតាមស្ថិតិរបស់ទីភ្នាក់ងារព័ត៌មានបារាំងកាលពីថ្ងៃព្រហស្បតិ៍ និងយោងតាមទិន្នន័យផ្លូវការរបស់អង្គការសុខភាពពិភពលោកបានឱ្យដឹងថាករណីឆ្លងនៅទូទាំង ១៨៨ ប្រទេសនិងដែនដីឥឡូវនេះមានលើសពីមួយលាននាក់ហើយក្នុងនោះមានអ្នកស្លាប់ ៥៣.១៩៥ នាក់។
តាមរយៈគេហទំព័រ Worldometer គិតត្រឹមម៉ោង ៩៖៣០នាទីព្រឹកថ្ងៃសុក្រ ទី០៣ ខែមីនា ឆ្នាំ២០២០ នេះតែម្តង ប្រទេសកូរ៉េខាងត្បូង បានរកឃើញអ្នកឆ្លង COVID-19 ចំនួន ៨៦នាក់បន្ថែមទៀត ធ្វើឲ្យចំនួនសរុបកើនដល់ ១០,០៦២ករណី ក្នុងនោះមានអ្នកស្លាប់សរុប ១៧៤នាក់ (០៥នាក់បន្ថែមទៀត ស្លាប់កាលពីថ្ងៃព្រហស្បតិ៍)។តាមរយៈតួលេខនៃអ្នកជាសះស្បើយពីជំងឺរាតត្បាតសកល COVID-19 សរុប ៦,០២១នាក់ ប្រទេសកូរ៉េខាងត្បូងកំពុងឈានទៅកាត់បន្ថយអត្រាឆ្លង និងស្លាប់ប្រចាំថ្ងៃឲ្យមកស្ថិតនៅក្នុងកម្រិតទាបបំផុត ដូចនៅប្រទេសចិនដែរ។
ក្រុមអ្នកជំនាញបាននិយាយថាប្រទេសកូរ៉េខាងជើងងាយនឹងឆ្លងវីរុសនេះដោយសារតែប្រព័ន្ធថែរក្សាសុខភាពខ្សោយហើយក្រុមរត់ចោលជួរបានចោទប្រកាន់ទីក្រុងព្យុងយ៉ាងថាបានបិទបាំងការផ្ទុះឡើង ។ មេបញ្ជាការយោធាកំពូលអាមេរិកនៅកូរ៉េខាងត្បូងលោកឧត្តមសេនីយ៍ Robert Abram បាននិយាយកាលពីថ្ងៃព្រហស្បតិ៍ថាការអះអាងរបស់ក្រុងព្យុងយ៉ាងថាគ្មានករណីណាមួយគឺ “មិនពិតទេ” ។ លោកបាននិយាយថាយោធារបស់កូរ៉េខាងជើងបានបិទទ្វារអស់រយៈពេល ៣០ ថ្ងៃកាលពីខែកុម្ភៈនិងដើមខែមីនាជុំវិញការរាលដាលនេះ។
ប្រធានាធិបតីអាមេរិកលោក ដូណាល់ត្រាំបាននិយាយថាកាលពីមុនប្រទេសកូរ៉េខាងជើង “កំពុងឆ្លងកាត់អ្វីមួយ” ហើយបានផ្តល់កិច្ចសហប្រតិបត្តិការក្នុងការងារប្រឆាំងនឹងការរីករាលដាល ដែលលោកបានលើកឡើងនៅក្នុងលិខិតផ្ទាល់ខ្លួនផ្ញើជូនមេដឹកនាំកូរ៉េខាងជើងគីមជុងអ៊ុន។ តែលោកឆយជុងហ៊ុន( Choi Jung-hun) អតីតវេជ្ជបណ្ឌិតកូរ៉េខាងជើងដែលបានភៀសខ្លួនទៅភាគខាងត្បូងក្នុងឆ្នាំ ២០១២ បានប្រាប់ AFP ថា “ខ្ញុំបានឮថាមានអ្នកស្លាប់ជាច្រើននៅក្នុងប្រទេសកូរ៉េខាងជើងប៉ុន្តែអាជ្ញាធរមិនបាននិយាយថាវាបណ្តាលមកពីវីរុសCOVID-19 នេះទេ” ។
សូមបញ្ជាកថាក្រៅពីរងការហ៊ុំពទ័ដាកទណ្ឌកម្មប្រទេសកូរ៉េខាងជើងដែលមានអាវុធនុយក្លេអ៊ែរនិងនៅឯកោបានបិទព្រំដែនរបស់ខ្លួនយ៉ាងឆាប់រហ័សកាលពីខែមករា បន្ទាប់ពីវីរុសត្រូវបានគេរកឃើញដំបូងនៅប្រទេសចិនជិតខាង ហើយបានដាក់ចេញនូវវិធានការទប់ស្កាត់យ៉ាងតឹងរឹង។