វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4531 នាក់
ម្សិលមិញ 4027 នាក់
សរុប 14157201 នាក់
ប្រទេសឥណ្ឌូណេស៊ី៖ខុសពីនៅស្រុកខ្មែរទាល់តែគ្រប់១លាននាក់បានរាជរដ្ឋាភិបាលជុនរង្វាន់ម្តង។តែនៅក្រុងមួយក្នុងប្រទេសឥណ្ឌូណេស៊ីដែលកាន់សាសនាឥស្លាមនិងគ្រឹស្តផងបានចាប់ផ្ដើមផ្តល់រង្វាន់សត្វមាន់រស់ទៅឲ្យពលរដ្ឋវ័យចំណាស់ដែលព្រមចាក់វ៉ាក់សាំងកូវីដ-១៩បន្ទាប់ពីមើលឃើញថាយុទ្ធនាការចាក់វ៉ាក់សាំងជំហានដំបូងទទួលបានចំនួនអ្នកមកចាក់វ៉ាក់សាំងតិចពេក។
អ្នកស្រុកម្នាក់ដែលបានទទួលការចាក់វ៉ាក់សាំងកូវីដ-១៩ ដូសដំបូងរបស់ក្រុមហ៊ុនចិន ស៊ីណូវ៉ាក់ (Sinovac) ព្រមទាំងមាន់រស់មួយក្បាលផង បាននិយាយថា «ខ្ញុំធ្លាប់បារម្ភថា ប្រសិនបើខ្ញុំចាក់វ៉ាក់សាំងនេះខ្ញុំនឹងស្លាប់ភ្លាមៗ»។អ្នកស្រុកអាយុ ៦៧ឆ្នាំរូបនេះគឺជាមនុស្សម្នាក់ក្នុងចំណោមអ្នកទទួលផលពីយុទ្ធនាការចុះចាក់វ៉ាក់សាំងកូវីដ-១៩ ទៅដល់ផ្ទះពលរដ្ឋផ្ទាល់តែម្ដងនៅក្នុងស្រុក ស៊ីផាណា (Cipanas) នៃខេត្តជ្វា(ហ្សាវ៉ា)ខាងលិច ដែលបានចាប់ផ្តើមកាលពីថ្ងៃអង្គារ។
អាជ្ញាធរមូលដ្ឋានបាននិយាយថា វាពិតជាលំបាកណាស់ក្នុងការបញ្ចុះបញ្ចូលក្រុមមនុស្សវ័យចំណាស់ឱ្យព្រមចាក់វ៉ាក់សាំងដោយសារតែពួកគេមានហេតុផលភ័យខ្លាចមួយចំនួនក្នុងការចាក់វ៉ាក់សាំង។ស្រុក ស៊ីផាណា (Cipanas) មានគោលដៅចាក់វ៉ាក់សាំងឲ្យបានពេញលេញទៅឱ្យពលរដ្ឋចំនួន ៦ម៉ឺននាក់នៅត្រឹមចុងខែកក្កដា។ ប៉ុន្តែរហូតមកដល់ពេលនេះមានតែពលរដ្ឋចំនួន ២ពាន់៥រយនាក់ប៉ុណ្ណោះដែលបានទទួលការចាក់វ៉ាក់សាំងយ៉ាងហោចណាស់មួយដូសចាប់តាំងពីខែមករាឆ្នាំនេះមក។
ឥណ្ឌូណេស៊ីដែលជាប្រទេសមានពលរដ្ឋច្រើនបំផុតលំដាប់ទី៤នៅលើពិភពលោកនោះ មានអ្នកឆ្លងវីរុសកូវីដ-១៩ សរុបជាង ១លាន៩សែននាក់ចាប់តាំងពីវីរុសនេះឆ្លងរាតត្បាតមកក្នុងនោះមានអ្នកស្លាប់ជាង ៥ម៉ឺន៣ពាន់នាក់៕