វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5357 នាក់
ម្សិលមិញ 6001 នាក់
សរុប 13878187 នាក់
ភ្នំពេញ៖ ស្ត្រីជនជាតិខ្មែរម្នាក់ ដែលរស់នៅសហរដ្ឋអាមេរិក បានទទួលមរណភាពដោយសារតែជំងឺកូវីដ-១៩។ ស្ត្រីខាងលើមានឈ្មោះថា នុត ឈុនហ៊ាង អាយុ ៦៥ឆ្នាំ រស់នៅទីក្រុង Seattle រដ្ឋ Washington។
នៅមុនពេលទទួលអនិច្ចកម្មអ្នកស្រី បានព្យាបាលជំងឺនៅក្នុងមន្ទីរពេទ្យមួយកន្លែងអស់រយៈពេលជាងបីសប្ដាហ៍ តែដោយសារស្ថានភាពជំងឺកាន់តែវិវឌ្ឍន៍ទៅមុខ លុះដល់ថ្ងៃទី ២២ ខែ មីនា អ្នកស្រីក៏បានលាចាកលោកតែម្ដង។ នេះបើយោងតាមការបង្ហោះនៅលើគេហទំព័រហ្វេសប៊ុក PNN News នៅថ្ងៃទី ២៣ ខែ មីនា ឆ្នាំ ២០២០។
លោកឧកញ៉ា សុង សារ៉ន ដែលត្រូវជាកូន ក៏បាន ហៅជំងឺនេះថាជា «សត្រូវលាក់មុខ»។ ទន្ទឹមគ្នានេះដែរ ភរិយាលោក សុង សារ៉ន បានឲ្យដឹងថា ក្រុមគ្រូពេទ្យនៅសហរដ្ឋអាមេរិកមានចិត្ដធម៌ណាស់ ដោយនៅនាទីចុងក្រោយ គ្រូពេទ្យបានរៀបចំឲ្យក្រុមគ្រួសារនៅស្រុកខ្មែរអាចមើលឃើញអ្នកជំងឺជាលើកចុងក្រោយ និងបានឲ្យអ្នកជំងឺទទួលព្រះធម៌តាមរយៈទូរសព្ទ ដែលស្មូតចេញពីទីក្រុងភ្នំពេញ។