ចៅអធិការត្តវឡូវ័ន្តដំណាក់ត្រាចបួសសន្សំទ្រព្យបានសមរម្យឈឺបេះដូងសឹកបាត់មានស្រីភ្លែត!?
21-September-2026 / ព័ត៌មានជាតិ
ពោធិសាត់៖អន្ទឹតអតីតចៅអធិការត្តវឡូវ័ន្តដំណាក់ត្រាច ភូមិដំណាក់ត្រាច ឃុំរំលេចស្រុកបាកាន ខេត្តពោធិសាត់ បាននផ្សាយផ្ទាល់ (Live) តាមហ្វេសប៊ុកឈ្មោះគាតាណា( Kea Tanna )ដោយបដិសេធថាមិនបានលួចសឹកឡើយ គ្រាន់តែអត់មានពុទ្ធបរិស័ទ គណៈកម្មការ អាចារ្យចូលរួម និងពុំបានសុំច្បាប់តាមទម្រង់រដ្ឋបាលប៉ុណ្ណោះ។
ឥឡូវបើសឹកហើយមិនអាចនៅអង្គុយសមាធិទៀតទេ ដូច្នេះទោះដើរហើរ ឬចូលច្រៀងការ៉ាអូខេ ឬក៏ទោះមានស្រីក៏ជាសិទ្ធិផ្ទាល់ខ្លួនរបស់លោកដែរ។ អតីតចៅអធិការវត្តវេឡុវ័ន្តដំណាក់ត្រាចឈ្មោះ តាន់ ចាន់ណា អាយុ៣០ឆ្នាំប្លាយបានបំភ្លឺថា៖ ខ្លួនឈឺចាប់ណាស់នឹងការដែលចោទថា លួចសឹក រត់ចោលវត្តហើយនាំរថយន្តនាំទ្រព្យវត្តទៅជាមួយនិងទៅតាមស្រី។
ចំពោះការសឹក លោកថា លោកធ្លាប់បានជម្រាបប្រាប់ពុទ្ធបរិស័ទ ជម្រាបលោកមេឃុំ ខាងធម្មការ និងគណៈសង្ឃថា នឹងសឹកនៅថ្ងៃទី២២ខែមេសាឆ្នាំ២០២០។តែមានមូលហេតុ២ ទើបលោកសឹកមុនកំណត់៖ ទី១-គេ(មិនដឹងចង់សំដៅនរណា? ) ធ្វើបាបលោកពេក។ លោកទ្រាំមិនបាន ក៏សឹកកាលពីថ្ងៃទី១៩ខែកុម្ភៈឆ្នាំ២០២០ តែម្តងទៅ។ ទី២ -លោកមានជំងឺបេះដូងធ្ងន់ធ្ងរ ហើយវេជ្ជបញ្ជាពេទ្យពីគ្លីនិកមួយឈ្មោះចម្រើនសុខ (នៅក្រុងសិរីសោភ័ណខេត្តបន្ទាយមានជ័យ)ថា ឲ្យសឹកទើបងាយព្យាបាលជំងឺ។ ហើយថា បើពេលសឹកឲ្យមានមនុស្សច្រើនចូលរួម លោកក្រែងតែគេមិនឲ្យសឹកដោយរលូនទេ។
លោកបដិសេធថា ស្អាតស្អំ មិនមែនមនុស្សខិលខូច ឬអាក្រក់ដូចគេចោទទេ។ អ៊ីចឹងបានជាលោកមិនបិទគណនេយ្យហ្វេសប៊ុក Kea Tanna, មិនបិទទូរស័ព្ទ២ខ្សែ ដែលធ្លាប់ប្រើប្រាសកាលពីនៅបួស។ តែ ក្រោយសឹក៣-៤ថ្ងៃមកនេះ មិនមាននរណាម្នាក់សោះ ហៅចូលទូរស័ព្ទ ឬមេសិនជើ(Mesenger ) ទៅលោកឡើយ បើសិនឆ្ងល់ឬចោទប្រកាន់តវ៉ាអ្វី។
ចំពោះរថយន្តតូយ៉ូតាហៃឡែនឌ័រ១គ្រឿង និងទ្រព្យវត្ត លោកថា៖ ឡាននេះលោកទិញដោយលុយលោកផ្ទាល់ គឺលុយដែលរកបានកាលពីនៅបួសជាចៅអធិការវត្តបូកផ្សំនឹងលុយម្តាយ(ញោម) របស់លោកដែលយកប្លង់ដីទៅបញ្ចាំយកលុយ។ ហើយទិញឡាននេះ សម្រាប់ជាមធ្យោបាយជិះទៅព្យាបាលជំងឺ ត្បិតលោកមានជំងឺបេះដូងកម្រឹតធ្ងន់ធ្ងរ។ ហើយលោកមិនបាននាំទ្រព្យ ឬលុយវត្តទៅជាមួយទេ។អន្ទឹកតាន់ចាន់ណាអះអាងថា៖ រាល់បញ្ហាដែលបានកើតឡើង ក៏ដូចជាការទាមទាររបស់សមាសភាពនានា ពីជុំវិញវត្តវេឡុវ័ន្តដំណាក់ត្រាច នៅភូមិដំណាក់ត្រាច ឃុំរំលេចស្រុកបាកាន ខេត្តពោធិសាត់ លោកថា លោកនិងម្តាយលោកមិនខ្លាចនឹងទៅជួបប្រជុំដោះស្រាយនៅពេលណាមួយជាមិនខាន។
ករណីយ៍នេះ លោក នង ទី ប្រធានគណៈកម្មការវត្តវេឡូវ័ន្តដំណាក់ត្រាចបាន ប្រាប់ ថា៖ តាំងពីអតីតចៅអធិការវត្ត( ឈ្មោះតាន់ ចាន់ណា) បានលួចសឹកកាលពីថ្ងទី១៩ខែមករាឆ្នាំ២០២០ កន្លងមក គាត់មិនហ៊ានចូលទៅវត្តវិញ ដើម្បីប្រឈមមុខនឹងការពិតឡើយ។ ពោលគឺមកពីលោកមានរឿងខុសឆ្គងច្រើនរាប់មិនអស់តាំងពីជាមួយព្រះសង្ឃ គណកម្មការ អាចារ្យ មន្ត្រីអាជ្ញាធរ សមត្ថកិច្ចនិងពុទ្ធបរិស័ទ។ ប៉ុន្តែលោកបាននិយាយថា៖ ខាងគណៈសង្ឃមានព្រះតេជគុណ ផាន់ សុផល អនុគណស្រុកបាកាន និងមន្ត្រីសង្ឃបានមកកាន់វត្ត ដើម្បីធ្វើកិច្ចការ តែងតាំងចៅអធិការស្តីទីដែលជាមេវត្តសម្រាប់ដឹកនាំវត្តបណ្តោះអាសន្ន។
ចំណែកលោក រ៉ុន សុភារិន ប្រធានមន្ទីរធម្មការ និងកិច្ចការសាសនាខេត្តពោធិសាត់ ថា៖ បើគិតខាងវិន័យសង្ឃគឺត្រឹមត្រូវ ព្រោះមានព្រះសង្ឃ៤អង្គ បានចូលរួមធ្វើកិច្ចផ្សឹក។ ប៉ុន្តែមិនបានដាក់ពាក្យសុំសឹកតាមបែបបទរដ្ឋបាលទើបខុស។លោក ថា៖ ដើមឡើយអតីតចៅអធិការនិងលោកទាំង២ ត្រូវគ្នាល្អូកល្អឺនដែរ។ លោកមេឃុំក៏ទុកអតីតចៅអធិការជាកូនធម៌។ ដល់ឥឡូវទាស់ទែងគ្នា ក៏ខឹងខ្លាំងនឹងអតីតចៅអធិការវត្តទៅ។ ករណីនេះ លោកប្រធានមន្ទីរបានអះអាងថា បើមានបញ្ហាអីទាក់ទិនអតីតចៅអធិការ លោកហ៊ានធ្វើសាក្សីដែរ។
សូមរំលឹកថា យោងព្រះសង្ឃ គណៈកម្មការ អាចារ្យ និងមន្ត្រីអាជ្ញាធរមានសមត្ថកិច្ចឃុំរំលេចប្រាប់កាសែត ថា អតីតចៅអធិការវត្តវេឡុវ័ន្តដំណាក់ត្រាចឈ្មោះ តាន់ ចាន់ណា (ក្នុងហ្វេសប៊ុកមានគណនេយ្យ Kea Tanna) អាយុជាង៣០ឆ្នាំប្លាយបានលួចសឹកជាមួយព្រះសង្ឃ១អង្គក្នុងវត្តកាលពីថ្ងៃទី១៩ខែកុម្ភៈឆ្នាំ២០២០ ហើយនាំទៅជាមួយនូវរថយន្តតូយ៉ូតាហាយឡែនឌ័រ១គ្រឿង និងបច្ច័យជាច្រើនផង ហើយស្រាប់តែឃើញនៅជាមួយស្រី និងវិលទៅផ្ទះនៅភូមិ/សង្កាត់កំពង់ស្វាយក្រុងសិរីសោភ័ណខេត្តបន្ទាយមានជ័យ។
លោក អ៊ុក មួន មេឃុំរំលេចនិយាយថា ពេលអតីតមេវត្តបរាជិកនោះរត់់ទៅ ទើបបោះវិក័យប័ត្រចំណាយអោយមកគណកម្មការវត្ត ក្នុងនោះ នៅជំពាក់គេ ៖ ១-ជំពាក់ថ្លៃជាង១៩.៥០៤ដុល្លាសរអា ជាងគំនូរជាង១.៧០០ដុល្លាសរអា ជំពាក់ថ្លៃគ្រឿងសំណង់៣៨លានរៀល ៕
